ସୁବର୍ଣ୍ଣପୁର, ୦୧ ଅପ୍ରେଲ(ହି.ସ.) – ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମୈତ୍ରୀ ସଦନ ଠାରେ ମଙ୍ଗଳବାର ଓଡ଼ିଶା ଦିବସ ପାଳିତ ହୋଇଯାଇଛି। ଏଥିରେ ଉପଖଣ୍ଡ ପୋଲିସ ଅଧିକାରୀ ହେମନ୍ତ କୁମାର ରାଓ ମୁଖ୍ୟ ଅତିଥି ଭାବରେ ଯୋଗ ଦେଇଥିବାବେଳେ, ସହକାରୀ ଜିଲ୍ଲାପାଳ ଶୁଭମ ସୁଭାଶିଷ ଶତପଥି, ତହସିଲଦାର ସୁଚିସ୍ମିତା ପାଣିଗ୍ରାହୀ ସମ୍ମାନିତ ଅତିଥି ଭାବରେ ଶମ୍ଭୁନାଥ ଖଣ୍ଡଗିରି ଏବଂ ଭୂଷଣ କୁମାର ପାତ୍ର ଯୋଗ ଦେଇଥିଲେ। ମୁଖ୍ୟବକ୍ତା ଭାବରେ ବୀରମହାରାଜପୁର ମହାବିଦ୍ୟାଳୟର ଅଧ୍ୟକ୍ଷ ଡ଼କ୍ଟର ହିମାଂଶୁ ଶେଖର ପାଢ଼ୀ ଓଡ଼ିଶା ଦିବସର ତାତ୍ପର୍ଯ୍ୟ ଉପରେ ଆଲୋଚନା କରିଥିଲେ। ପ୍ରିୟଦର୍ଶି ଅଶୋକ ମୋହନ ଜେନା ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ବ୍ୟାପକ ପୋଲିସ ଥିବାସତ୍ୱେ କୋସଲ ରାଜ୍ୟ ସମନ୍ୱୟ ସମିତିର ଆବାହକ କିଶୋର ହୋତା, ଆଇନଜୀବୀ ଆଶ୍ରୟ ମହାନନ୍ଦ, ନୀଳକମଲ ମିଶ୍ର, ବ୍ରଜଗୋପାଳ ପଣ୍ଡା, ପୃଥ୍ୱୀରାଜ ଜଗଦଲା ପ୍ରମୁଖ ତୀବ୍ର ବିରୋଧ ପ୍ରଦର୍ଶନ କରିବା ସହ ଜୟ କୋସଲ ନାରାବାଜି କରିଥିଲେ। ସ୍ୱତନ୍ତ୍ର କୋସଲ ପ୍ରଦେଶ ଦାବି କରିଥିଲେ।

ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ଗୋପବନ୍ଧୁ