ନୂଆଦିଲ୍ଲୀ, ୧ ଏପ୍ରିଲ (ହି.ସ.)- କେନ୍ଦ୍ର ସମବାୟ ମନ୍ତ୍ରୀ ଅମିତ ଶାହ ମଙ୍ଗଳବାର ଦିନ କହିଛନ୍ତି ଯେ ନୂତନ ଜାତୀୟ ସମବାୟ ନୀତିର ଖସଡା ପ୍ରସ୍ତୁତ ହୋଇଛି ଏବଂ ଏହାକୁ ଚୂଡ଼ାନ୍ତ କରାଯାଉଛି।

ଲୋକସଭାରେ ଏକ ପ୍ରଶ୍ନର ଲିଖିତ ଉତରରେ ସମବାୟ ମନ୍ତ୍ରୀ ଅମିତ ଶାହ କହିଛନ୍ତି ଯେ ସମବାୟ ମନ୍ତ୍ରଣାଳୟର ମୂଳମନ୍ତ୍ର, ସହଯୋଗ ମାଧ୍ୟମରେ ସମୃଦ୍ଧି ପୂରଣ କରିବା ପାଇଁ ଏକ ନୂତନ ଜାତୀୟ ସମବାୟ ନୀତିର ପରିକଳ୍ପନା କରାଯାଇଛି।

ସେ ସୂଚନା ଦେଇଥିଲେ ଯେ ସମବାୟ କ୍ଷେତ୍ରର ବିଶେଷଜ୍ଞ, ଜାତୀୟ, ରାଜ୍ୟ, ଜିଲ୍ଲା ଏବଂ ପ୍ରାଥମିକ ସ୍ତରୀୟ ସମବାୟ ସମାଜର ପ୍ରତିନିଧି, ରାଜ୍ୟ, କେନ୍ଦ୍ରଶାସିତ ଅଂଚଳଗୁଡ଼ିକର ସଚିବ (ସମବାୟ) ଏବଂ ସମବାୟ ସମାଜର ନିବନ୍ଧକ ଏବଂ କେନ୍ଦ୍ରୀୟ ମନ୍ତ୍ରଣାଳୟ ଏବଂ ବିଭାଗର ଅଧିକାରୀମାନଙ୍କୁ ନେଇ ସମବାୟ କ୍ଷେତ୍ରର ପ୍ରକୃତ ସମ୍ଭାବନାକୁ ଉନ୍ମୋଚନ କରିବା ପାଇଁ ଏକ ନୂତନ ସମବାୟ ନୀତି ପ୍ରଣୟନ କରିବା ପାଇଁ ସୁରେଶ ପ୍ରଭାକର ପ୍ରଭୁଙ୍କ ନେତୃତ୍ୱରେ ୨ ସେପ୍େଟମ୍ବର ୨୦୨୨ ରେ ଏକ ଜାତୀୟ ସ୍ତରୀୟ କମିଟି ଗଠନ କରାଯାଇଥିଲା।

ଶାହ କହିଛନ୍ତି ଯେ କମିଟି ଅଂଶୀଦାରମାନଙ୍କଠାରୁ ପରାମର୍ଶ ପାଇବା ପାଇଁ ସାରା ଦେଶରେ ୧୭ଟି ବୈଠକ ଏବଂ ଚାରୋଟି ଆଂଚଳିକ କର୍ମଶାଳା ଆୟୋଜନ କରିଥିଲା। ପ୍ରାପ୍ତ ପରାମର୍ଶଗୁଡ଼ିକୁ ଡ୍ରାଫ୍ଟ ନୀତିରେ ଉପଯୁକ୍ତ ଭାବରେ ଅନ୍ତର୍ଭୁକ୍ତ କରାଯାଇଛି। ନୀତିର ଡ୍ରାଫ୍ଟ ପ୍ରସ୍ତୁତ କରାଯାଇଛି ଏବଂ ଏହାକୁ ଚୂଡ଼ାନ୍ତ କରାଯାଉଛି।

------------------------

---------------

ହିନ୍ଦୁସ୍ଥାନ ସମାଚାର / ଗଗନ