ନୂଆଦିଲ୍ଲୀ, ୧ ଅପ୍ରେଲ (ହି.ସ.)- କେନ୍ଦ୍ର ସରକାର ୱକଫ ସଂଶୋଧନ ବିଧେୟକ ବୁଧବାର ଲୋକସଭାରେ ଆଗତ କରିବେ । କାର୍ଯ୍ୟ ମନ୍ତ୍ରଣା ସମିତି ଏଥିପାଇଁ ୮ ଘଂଟାର ସମୟ ସ୍ଥିର କରିଛନ୍ତି । ଏହି ବିଧେୟକକୁ ଆସନ୍ତାକାଲି ପ୍ରଶ୍ନକାଳର ତୁରନ୍ତ ପରେ ଆଗତ କରାଯିବ । ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ମଙ୍ଗଳବାର ଲୋକସଭାର କାର୍ଯ୍ୟ ମନ୍ତ୍ରଣା ସମିତିର ବୈଠକ ପରେ କହିଛନ୍ତି ଯେ, ସରକାର ଅପ୍ରେଲ ୨ରେ ୱକଫ ସଂଶୋଧନ ବିଧେୟକ ଲୋକସଭାରେ ଆଗତ କରିବେ । ଏହା ଉପରେ ଚର୍ଚ୍ଚା ନିମନ୍ତେ ୮ ଘଂଟାର ସମୟ ନିର୍ଦ୍ଧାରିତ କରାଯାଇଛି । ଅଧ୍ୟକ୍ଷ ମଧ୍ୟ ଆଶ୍ୱାସନା ଦେଇଛନ୍ତି ଯେ, ସଦନର ସହମତି ହେବା ପରେ ଏହି ସମୟକୁ ଆଗକୁ ବୃଦ୍ଧି କରାଯାଇପାରିବ । ବିଧେୟକର ବିରୋଧ କରୁଥିବା ବିରୋଧୀଙ୍କୁ ଟାର୍ଗେଟ୍ କରି ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ କହିଛନ୍ତି ଯେ, ସେମାନଙ୍କର ବାହାନା କରି ସଦନରୁ ବ୍ୟାକ୍ ଆଉଟ୍ କରିବା ଉପରେ ମଧ୍ୟ ଆଲୋଚନା ଜାରି ରହିବ । ସଂଯୁକ୍ତ ସଂସଦୀୟ କମିଟିରେ ବ୍ୟାପକ ବିଚାର ବିମର୍ଶ ପରେ ବିଧେୟକକୁ ଅଣାଯାଇଛି । ସରକାର ଚାହୁଁଛି ଯେ, ସମସ୍ତେ ଆଲୋଚନାରେ ଅଂଶଗ୍ରହଣ କରନ୍ତୁ । ଲୋକ ଚାହୁଁଛନ୍ତି ଯେ, ରାଜନୈତିକ ଦଳ ବିଧେୟକ ଉପରେ ନିଜର ମତ ରଖନ୍ତୁ । ଆଲୋଚନା ଐତିହାସିକ ହେବ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ