ସମ୍ବଲପୁର, ୦୨ ଏପ୍ରିଲ୍ (ହି.ସ.) - ସମ୍ବଲପୁର ଜିଲ୍ଲା ଜମନକିରା ବ୍ଲକ ସଭା ଗୃହରେ ସିଡିପିଓ ମମତା ପଟେଲଙ୍କ ଅଧ୍ୟକ୍ଷତାରେ ଏକ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ବିଡ଼ିଓ ରବୀନ୍ଦ୍ର କୁମାର ସେଠୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଏବିଇଓ ଦେବକୀ ନାୟକ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ଆୟୋଜିତ କାର୍ଯ୍ୟକ୍ରମରେ ଜମନକିରା ବ୍ଲକ ଅନ୍ତର୍ଗତ ୨୧ ଟି ପଂଚାୟତର ଅଙ୍ଗନବାଡ଼ି କର୍ମୀ ନିଜ ନିଜ ଅଂଚଳର ଶିଶୁ ଓ କିଶୋରୀ ବାଳିକାଙ୍କୁ ନେଇ ନୃତ୍ୟ, ଗୀତ, ଝୋଟି (ଚିତା କାଟିବା) ଭଳି ବିଭିନ୍ନ ନାଟ୍ୟ ମାଧ୍ୟମରେ ବାଲ୍ୟବିବାହ, ସ୍ୱଚ୍ଛଭାରତ, କିଶୋରୀ ବାଳିକାଙ୍କ ସ୍ୱଚ୍ଛତା ଉପରେ ପରିବେଷଣ କରାଯାଇଥିଲା। ବିଶେଷ କରି କାର୍ଯ୍ୟକ୍ରମ ମାଧ୍ୟମରେ ଗ୍ରାମାଂଚଳର କିଶୋରୀ ବାଳିକା ମାନଙ୍କ ଲୁକାୟିତ ପ୍ରତିଭା ଲୋକ ଲୋଚନକୁ ଆଣିବା ଏକ ପ୍ରୟାସ ବୋଲି ସିଡ଼ିପିଓ ମମତା ପଟେଲ କହିଛନ୍ତି ।

ହିନ୍ଦୁସ୍ଥାନ ସମାଚାର/ଶୈଳେଶ/ଭାନୁ

ହିନ୍ଦୁସ୍ଥାନ ସମାଚାର / ଶୈଳେଶ