ଭଦ୍ରକ, ୩ ଅପ୍ରେଲ (ହି.ସ.) - ଭଦ୍ରକ ଜିଲ୍ଲା ଘେଂଟଶ୍ୱର ସ୍ଥିତ ଅରୁଣ ଭାରତୀ ବିଦ୍ୟାବାଣୀ ଭବନର ବାର୍ଷିକ ପୁରସ୍କାର ବିତରଣ ଉତ୍ସବ ବିଶିଷ୍ଟ ପ୍ରବଚକ ସୁଧାକର ଧନୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି। ଘେଂଟଶ୍ୱର ମହାବିଦ୍ୟାଳୟର ଅଧ୍ୟକ୍ଷ ପ୍ରାଧ୍ୟାପକ ଗୋପାଳ ପ୍ରସାଦ ମହାପାତ୍ର ଉଦ୍ଘାଟକ ଭାବେ ଯୋଗ ଦେଇ ଉତ୍ସବକୁ ଉଦ୍ଘାଟନ କରିଥିଲେ। ମୁଖ୍ୟ ଅତିଥି ଭାବେ ଷ୍ଟେଟ ବ୍ୟାଙ୍କ ସେବାନିବୃତ ହିସାବ ରକ୍ଷକ ଦୁର୍ଯ୍ୟୋଧନ ତ୍ରିପାଠୀ, ମୁଖ୍ୟବକ୍ତା ଭାବେ ନଛୀବିନ୍ଧା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁରେନ୍ଦ୍ର ପ୍ରସାଦ ଧଳ, ସମ୍ମାନିତ ଅତିଥି ଭାବେ ଯୁବକବି ଓ ଖମାରସାହି ୟୁଜିଏମଇ ବିଦ୍ୟାଳୟର ପ୍ରଧାନ ଶିକ୍ଷକ ଅଭୟ କୁମାର ଦାସ, ବିଶିଷ୍ଟ ଅତିଥି ଭାବେ ସୁନାମଧନ୍ୟ ବ୍ୟଙ୍ଗକବି ବିଜୟଶ୍ରୀ ଗୋକୁଳାନନ୍ଦ, ନିମନ୍ତ୍ରିତ ଅତିଥିଭାବେ ପରିଚାଳନା କମିଟିର ସଦସ୍ୟା ସୁଶାନ୍ତି ମହାପାତ୍ର, କ୍ରୀଡା ଶିକ୍ଷକ ରାଜକିଶୋର ଦାଶ ପ୍ରମୁଖ ଯୋଗଦେଇ ନିଜ ନିଜର ସୃଜନୀ ଶକ୍ତିର ପରିପ୍ରକାଶ ପାଇଁ ଛାତ୍ରଛାତ୍ରୀ ମାନଙ୍କୁ ଉପଦେଶ ଦେଇଥିଲେ। ଅଧ୍ୟାପିକା ସଂଯୁକ୍ତା ଭାରତୀ ସ୍ୱାଗତ ଭାଷଣ ଓ ଅତିଥି ପରିଚୟ ଦେଇଥିଲା ବେଳେ ଶିକ୍ଷୟିତ୍ରୀ ବୀଣାପାଣି ମିଶ୍ର ଧନ୍ୟବାଦ ଅର୍ପଣ କରିଥିଲେ। ସୁଜାତା ଦାଶଙ୍କ ନିର୍ଦ୍ଦେଶନା ଓ ସଂଯୋଜନାରେ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ ବିଚିତ୍ରା କାର୍ଯ୍ୟକ୍ରମ ପରିବେଷଣ କରାଯାଇଥିଲା। ପ୍ରମିଳା ସାହୁ, କୃଷ୍ଣଚନ୍ଦ୍ର ନାୟକ, ସୁକାନ୍ତ ମହାରାଜ, କନକଲତା ପଣ୍ଡା, ଗୀତାଞ୍ଜଳି ସେଠି, ସୁଭଦ୍ରା ବିଶ୍ୱାଳ, ପ୍ରକାଶ ସାମଲ, ନୟନା ଭାରତୀ, ଶଶୀକାନ୍ତ ମହାଳିକ, ସଂଜୀବନୀ ଭାରତୀ, ରତିକାନ୍ତ ଭାରତୀ, ଗାୟତ୍ରୀ ବିଶ୍ୱାଳ, ଗୌରାଙ୍ଗ ବଳ, ଚଗଲୁ ଭାରତୀ ପ୍ରଭୁତି ଉତ୍ସବ ପରିଚାଳନାରେ ସହଯୋଗ କରିଥିଲେ। ପ୍ରାଣୀଧନ ଚିକିତ୍ସକ ବିଶ୍ୱ ଭୂଷଣ ଦାଶ, ସାମ୍ବାଦିକ ନିଶିକାନ୍ତ ବେହେରା, ଶିଳ୍ପପତି ନୀଲେଶ ବାରାଇ, ସୁଜିତ କୁମାର ପଣ୍ଡା, ବିଚିତ୍ର କୁମାର ପଲାଇ, ଖଗେଶ୍ୱର ବାରିକ, ଜିନିଆ ବାରିକ, ସୁଶ୍ରୀ ସଂଗୀତା ଦାଶ, ରାକେଶ ପତି, ବିଜେନ୍ଦ୍ର ନାୟକ, ବିଦ୍ୟୁତ ଲତା ନାୟକ, ଝୁନୁ ସାହୁ,ପ୍ରଭୁତି ଅଭିଭାବକ ଉପସ୍ଥିତ ରହି ପିଲାମାନଙ୍କୁ ଉତ୍ସାହିତ କରିଥିଲେ।ହିନ୍ଦୁସ୍ଥାନ ସମାଚାର / ପ୍ରମୋଦ
ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ
