କୋରେଇ, ୩ ଅପ୍ରେଲ (ହି.ସ.)- ପାଣିକୋଇଲି ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥର ପୁରୁଣା ଥାନା ଠାରୁ ଶହେ ମିଟର ଦୂରରେ ଜଣେ ଅଜଣା ବ୍ୟକ୍ତିଙ୍କ ମୃତଦେହକୁ ପୁଲିସ ଜବତ କରି ବ୍ୟବଚ୍ଛେଦ ନିମନ୍ତେ ଯାଜପୁର ମୂଖ୍ୟ ଚିକିତ୍ସାଳୟକୁ ପଠାଇଛି । ପ୍ରକାଶ ଯେ ଗୁରୁବାର ସକାଳୁ କିଛି ବ୍ୟକ୍ତି ଉକ୍ତ ସ୍ଥାନରେ ଏକ ମୃତଦେହ ଦେଖି ପାଣିକୋଇଲିର ଅଗ୍ରଣୀ ସାମାଜିକ ସଙ୍ଗଠନ ଆମେ ଆପଣଙ୍କ ପାଇଁ ହେଲପିଙ୍ଗ ଗ୍ରୁପକୁ ଖବର ଦେଇଥିଲେ । ପରେ ସୂଚନା ପାଇ ପୁଲିସ ଘଟଣାସ୍ଥଳରେ ପହଂଚି ଗ୍ରୁପର ସଦସ୍ୟ ମାନଙ୍କ ସହଯୋଗରେ ଜାତୀୟ ରାଜପଥ ଆମ୍ବୁଲାନ୍ସରେ ପଠାଇଥିଲେ । ଉକ୍ତ ବ୍ୟକ୍ତି ଜଣକ ଲାଲ ରଙ୍ଗର ଟି ସାର୍ଟ ସହିତ ଏକ ହାଫ ପ୍ୟାଂଟ ପିନ୍ଧି ଥିଲେ । ଏ ନେଇ ପାଣିକୋଇଲି ପୁଲିସ ଏକ ଅପମୃତ୍ୟୁ ମାମଲା୧୦/୨୫ ଋଜୁ କରିବା ସହିତ ମୃତ ବ୍ୟକ୍ତିଙ୍କ ଶବକୁ ବ୍ୟବଚ୍ଛେଦ କରାଇ ଶବାଗାରରେ ରଖିଛି । ଯଦି କୈାଣସି ବ୍ୟକ୍ତି ମୃତକଙ୍କର ଦାବିଦାର ଥାଆନ୍ତି ତେବେ ପାଣିକୋଇଲି ଥାନାଧିକାରୀ (୯୪୩୯୪୧୩୫୭୩)ରେ ଦୁଇ ଦିନ ମଧ୍ୟରେ ଜଣାଇବାକୁ ଥାନାଧିକାରୀ ରଂଜିତ କୁମାର ମହାନ୍ତି ଅନୁରୋଧ କରିଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ