ବାଛୁରୀ ସହିତ ପିଟି ହୋଇ ଦୁଇ ବାଇକ ଆରୋହୀ ଗୁରୁତର
କୋରେଇ, ୩ ଅପ୍ରେଲ (ହି.ସ.)- ପାଣିକୋଇଲି ଥାନା ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥର ଚାନ୍ଦପୁର ନିକଟରେ ଥିବା ମହିନ୍ଦ୍ରା ସୋରୁମ ସମ୍ମୁଖରେ ଏକ ବାଛୁରୀ ସହିତ ପିଟି ହୋଇ ଦୁଇ ବାଇକ ଆରୋହୀ ଗୁରୁତର ଆହତ ହୋଇ ଯାଜପୁର ମୂଖ୍ୟ ଚିକିତ୍ସାଳୟକୁ ସ୍ଥାନ୍ତରିତ ହୋଇଛନ୍ତି । ତେବେ ଉକ୍ତ ଦୁର୍ଘଟଣାରେ ବାଇକଟି
ବାଛୁରୀ ସହିତ ପିଟି ହୋଇ ଦୁଇ ବାଇକ ଆରୋହୀ ଗୁରୁତର


କୋରେଇ, ୩ ଅପ୍ରେଲ (ହି.ସ.)- ପାଣିକୋଇଲି ଥାନା ଅନ୍ତର୍ଗତ ୨୦ ନମ୍ବର ଜାତୀୟ ରାଜପଥର ଚାନ୍ଦପୁର ନିକଟରେ ଥିବା ମହିନ୍ଦ୍ରା ସୋରୁମ ସମ୍ମୁଖରେ ଏକ ବାଛୁରୀ ସହିତ ପିଟି ହୋଇ ଦୁଇ ବାଇକ ଆରୋହୀ ଗୁରୁତର ଆହତ ହୋଇ ଯାଜପୁର ମୂଖ୍ୟ ଚିକିତ୍ସାଳୟକୁ ସ୍ଥାନ୍ତରିତ ହୋଇଛନ୍ତି । ତେବେ ଉକ୍ତ ଦୁର୍ଘଟଣାରେ ବାଇକଟି ସମ୍ପୂର୍ଣ୍ଣ ଭାଙ୍ଗିରୁଜି ଯାଇଛି । ପ୍ରକାଶ ଯେ, ଗୁରୁବାର ପୁର୍ବାହ୍ନ ୯ଟା ସମୟରେ ଯାଜପୁର ରୋଡ଼ ପଟୁ ପାଣିକୋଇଲି ଅଭିମୁଖେ ଏକ ବାଇକ (ଓଡ଼ି୩୪ଟି୦୬୮୦)ରେ ହରିପୁର ଅଂଚଳର ଶରତ କୁମାର ମଲ୍ଲିକ ଓ ତାଙ୍କର ସହଯୋଗୀ ଚନ୍ଦନ ମାଝୀ ଆସୁଥିବା ବେଳେ ଏକ ବାଛୁରୀ ବାଇକ ସମ୍ମୁଖକୁ ଚାଲି ଆସିବାରୁ ଧକ୍କା ଲାଗି ଉଭୟ ରାସ୍ତା ଉପରେ ପଡ଼ି ଆହତ ହୋଇଥିଲେ । ଖବର ପାଇ ରାଜପଥ ପେଟ୍ରୋଲିଂ ପୁଲିସ ଓ ଆମେ ଆପଣଙ୍କ ପାଇଁ ହେଲପିଙ୍ଗ ଗ୍ରୁପର ସ୍ୱେଚ୍ଛାସେବୀ ମାନେ ପହଂଚି ଦୁଇ ଯୁବକଙ୍କୁ ୧୧୨ ଯୋଗେ ଯାଜପୁର ମୁଖ୍ୟ ଚିକିତ୍ସାଳୟକୁ ପଠାଇଥିଲେ । ପୁଲିସ ବାଇକଟିକୁ ଜବତ କରିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ


 rajesh pande