ଭଦ୍ରକ, ୩ ଅପ୍ରେଲ (ହି.ସ.) - ସ୍ଥାନୀୟ ପିଏମଶ୍ରୀ ବିନ୍ଦୁ ମାଧବ ବାଗୁରାଇ ହାଇସ୍କୁଲରେ ଶିଶୁ ବାଟିକାର ଶୁଭାରମ୍ଭ ନିମନ୍ତେ ବ୍ଲକ ସ୍ତରୀୟ ପ୍ରବେଶ ଉତ୍ସବ ଓ ଖଡ଼ିଛୁଆଁ କାର୍ଯ୍ୟକ୍ରମ ଅନୁଷ୍ଠିତ ହୋଇପାରିଛି । ଭଦ୍ରକ ବ୍ଲକ ଶିକ୍ଷାଧିକାରୀ ଚକ୍ରଧର ମଲ୍ଲିକଙ୍କ ସଭାପତିତ୍ୱ କରିଥିବା ବେଳେ ଭଦ୍ରକ ବ୍ଲକ ଚେୟାରମ୍ୟାନ୍ ଉର୍ମିଳା ନାୟକ ମୁଖ୍ୟ ଅତିଥିଭାବେ ଯୋଗଦେଇ ଜାତୀୟ ଶିକ୍ଷାନୀତି-୨୦୨୦ ଅନୁାୟୀ ଶିଶୁ ବାଟିକାର ଗୁରୁତ୍ୱ ଆରୋପ କରିଥିଲେ । ଶିକ୍ଷକ ରବିନାରାୟଣ ମହାନ୍ତି ସ୍ୱାଗତ ଭାଷଣ କ୍ରମରେ ଅତିଥି ପରିଚୟ ପ୍ରଦାନ କରିଥିବା ବେଳେ ବି.ଆର.ସି.ସି. ନିର୍ମଳ ଚନ୍ଦ୍ର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ । ସମ୍ମାନୀତ ଅତିଥିମାନଙ୍କ ମଧ୍ୟରେ ବିଦ୍ୟାଳୟର ପ୍ରଧାନଶିକ୍ଷକ ପ୍ରଶାନ୍ତ କୁମାର ସାହୁ, ସିଆରସିସି ରଚନା ପାଲ, ୮ନଂ ୱାର୍ଡ଼ କାଉନ୍ସିଲର ସ୍ୱାଗତିକା ନାୟକ, କୌଶଳୀ ସପୋର୍ଟଟିମ୍ର ମାନସ କୁମାର ଚକ୍ର, ସୁବାସିନି ଖିଲାର, ଏସ୍.ଏମ୍.ସି.ର ପ୍ରେସିଡ଼େଂଟ ଦୀଲ୍ଲିପ କୁମାର କବାଟ ପ୍ରମୁଖ ଯୋଗଦାନ କରିଥିଲେ । ଶେଷରେ ଶିଶୁ ବାଟିକାରେ ନାମ ଲେଖାଇଥିବା ୧୦ଜଣ ଛାତ୍ରଛାତ୍ରୀଙ୍କୁ ଷ୍ଟଡ଼ି କଟି ବଂଟନ କରାଯାଇଥିଲା ।ହିନ୍ଦୁସ୍ଥାନ ସମାଚାର / ପ୍ରମୋଦ
ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ
