ଭଦ୍ରକ, ୩ ଅପ୍ରେଲ (ହି.ସ.) - ଭଦ୍ରକ ଜିଲାର ବହୁ ପୁରାତନ ବନ୍ଦରନଗରୀ ଚାନ୍ଦବାଲି ଓ ସୀମାନ୍ତବର୍ତି ଜିଲା କେନ୍ଦ୍ରାପଡାର ରାଜକନିକା ମଧ୍ଯରେ ବନ୍ଧୁତା ଓ ଭାଇଚାରା ବଜାଇ ରଖିବା ପାଇଁ ଚଳିତବର୍ଷ କନିକାପଚାନ୍ଦବାଲି ବୈତରଣୀ ମହୋତ୍ସବ ସଂଘ ପକ୍ଷରୁ ବୈତରଣୀ ମହୋତ୍ସବ ଆସନ୍ତା ୨୦ରୁ ୨୪ ତାରିଖ ଯାଏଁ ମହା ଆଡମ୍ବର ସହ ପାଳନ କରାଯିବ। ଏଥିପୂର୍ବରୁ ବୈତରଣୀ ମହୋତ୍ସବ ଆୟୋଜକମାନେ ଆରଡିପୀଠର ଆରାଧ୍ଯ ଦେବ ବାବା ଆଖଣ୍ଡଳମଣିଙ୍କ ଆଜ୍ଞାମାଳ ପାଇଁ ଗୁରୁବାର ଚାନ୍ଦବାଲିରୁ ଏକ ଶୋଭାଯାତ୍ରାରେ ବାହାରି ପ୍ରସିଦ୍ଧ ଶୈବପୀଠ ଆଖଣ୍ଡଳମଣିଧାମ ପହଁଚିଥିଲେ। ସମସ୍ତ ସଦସ୍ୟ ମଣିବାବାଙ୍କ ପାଖରେ ପୂଜାର୍ଚ୍ଚନା ସହ ଦୀପ ଜାଳିଥିଲେ। ପରେ ମଣିବାବାଙ୍କ ଆଜ୍ଞାମାଳ ପାଇବା ପରେ ଘଂଟାକିର୍ତନରେ ବେଢା ପରିକ୍ରମା କରି ଚାନ୍ଦବାଲି ଅଭିମୁଖେ ଯାତ୍ରା କରିଥିଲେ। ଏହି ମହୋତ୍ସବ ୨ଟି ଜିଲାର ଭାଇଚାରା ସହ ବନ୍ଧୁତା ବଢାଇବ ବୋଲି ଆୟୋଜକ ମାନେ କହିଛନ୍ତି। ସେହିପରି ଏହି ବୈତରଣୀ ମହୋତ୍ସବରେ ରାଜ୍ୟର ହସ୍ତଶିଳ୍ପ, ଓରମାସ ଆଦିର ପସରା ମେଲିବ।ହିନ୍ଦୁସ୍ଥାନ ସମାଚାର / ପ୍ରମୋଦ
ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ
