ସାକ୍ଷିଗୋପାଳ, ୩ ଅପ୍ରେଲ (ହି.ସ.)- ଆସନ୍ତା ୩୦ ତାରିଖ ପବିତ୍ର ଅକ୍ଷୟ ତୃତୀୟା ତିଥିରେ ଆରମ୍ଭ ହେବ ଚନ୍ଦନ ଯାତ୍ରା । ଶ୍ରୀ ସାକ୍ଷିଗୋପାଳଙ୍କ ଚଳନ୍ତି ପ୍ରତିମା ମଦନମୋହନ ଚନ୍ଦନ ପୋଖରୀରେ ଚାପ ଖେଳିବେ । ୨୧ ଦିନ ବ୍ୟାପୀ ଅନୁଷ୍ଠିତ ହେବ ଚନ୍ଦନ ଯାତ । ସେନେଇ ମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଡ଼ଙ୍ଗା ମରାମତି କାର୍ଯ୍ୟ ଜୋରସୋରରେ ଆଗେଇ ଚାଲିଛି । ମାର୍ଚ୍ଚ ୩୧ ତାରିଖ ଠାରୁ ଡ଼ଙ୍ଗା ମରାମତି କାର୍ଯ୍ୟ ଆରମ୍ଭ ହୋଇଛି । ୪ ଜଣ କାରିଗର ଏହି ଡ଼ଙ୍ଗା ମରାମତି କାର୍ଯ୍ୟରେ ନିୟୋଜିତ ଅଛନ୍ତି । ଆଉ ପ୍ରାୟ ସପ୍ତାହକ ମଧ୍ୟରେ ମରାମତି କାର୍ଯ୍ୟ ସମ୍ପନ୍ନ କରାଯିବା ନେଇ ସୂଚନା ମିଳିଛି । ଅନେକ ସମୟରେ ମାଟି ଲାଗି ଡ଼ଙ୍ଗାରେ ଲାଗିଥିବା କାଠପଟା କେତେକାଂଶରେ ନଷ୍ଟ ହୋଇଯାଇଥାଏ । ଯାହାକି ମରାମତିର ଆବଶ୍ୟକତା ରହିଥାଏ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ