ବଲାଙ୍ଗିର, 3 ଏପ୍ରିଲ୍ (ହି.ସ.)କ୍ଷଣିକରେ ଅସୁର ସାଜିଲା ସଇତାନ୍ ସ୍ୱାମୀ । ଟାଙ୍ଗିଆ ଚୋଟରେ ହାଣି ପକାଇଲା ଜୀବନ ସଂଗୀନୀଙ୍କୁ । ବଲାଙ୍ଗିର ଜିଲ୍ଲା ଦେଓଗାଁ ଥାନା ଅନ୍ତର୍ଗତ ଅନ୍ତର୍ଲା ଗାଁରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ । ମୃତ ମହିଳା ଜଣକ ହେଲେ ଅମୂଲ୍ୟ ବିଶ୍ୱାଳ । ସୂଚନା ଯୋଗ୍ୟ ଯେ, ମଙ୍ଗଳବାର ବିଳମ୍ୱିତ ରାତିରେ ଖାଇସାରି ଅମୂଲ୍ୟ ଶୋଇବାକୁ ଯାଇଥିଲେ । ଏହି ସମୟରେ ତାଙ୍କ ସ୍ୱାମୀ ଏକ ଟାଙ୍ଗିଆରେ ତାଙ୍କୁ ଆକ୍ରମଣ କରିଥିଲା ଫଳରେ ଅମୂଲ୍ୟଙ୍କ ମୃତ୍ୟୁ ହୋଇଯାଇଥିଲା । ପରେ ଘଟଣାର ଖବର ପାଇ ପୋଲିସ ଘଟଣା ସ୍ଥଳରେ ପହଁଚି ମୃତଦେହ ଜବତ କରି ଶବ ବ୍ୟବଚ୍ଛେଦ ପାଇଁ ପଠାଇବା । ଘଟଣାର ଛାନଭିନ ଆରମ୍ଭ କରି ହତ୍ୟାକାରୀ ସ୍ୱାମୀ ଗୌତମ ବିଶ୍ଵାଳକୁ ଗିରଫ କରିଥିବା ବେଳେ ମଦ୍ୟ ପାନ କରି ସ୍ୱାମୀ ଗୌତମ ପ୍ରତିଦିନ ଘରକୁ ଆସିବା ପରେ ସ୍ତ୍ରୀ ଅମୁଲ୍ୟ ବିଶ୍ଵାଳ ସହ ଝଗଡ଼ା କରୁଥିଲା । ଶେଷରେ ଗତକାଲି ବଚସା ହୋଇଥିଲା ଆଉ ବଚସାରୁ ହିିଁ ଏହି ବର୍ବର ହତ୍ୟକାଣ୍ଡ ଘଟିଥିବା ଅତିରିକ୍ତ ଆରକ୍ଷୀ ଅଧିକାରୀ ଆଲୋକ ଜେନା ଦେଓଗାଁ ଥାନାରେ ଅନୁଷ୍ଷ୍ଠିତ ହୋଇଥିବା ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ