ଜୟପୁର, ୩ ଏପ୍ରିଲ୍ (ହି.ସ.) - ଜୟପୁର ଜିଲ୍ଲା ଦୌରାଜଜ କୋର୍ଟରେ ଜୟପୁର ସଦରଥାନା ଅନ୍ତର୍ଗତ ଗତ ୨୦୧୧ ମସିହା ହୋଲି ଦିନ ସ୍ଥାନୀୟ ହାତିଶାଳ ନିକଟରେ ହୋଇଥିବା ହତ୍ୟା ମାମଲାର ଶୁଣାଣି କରି ଅଭିଯୁକ୍ତକୁ ଆଜିବନ କାରାଦଣ୍ତରେ ଦଣ୍ତିତ କରାଯାଇଛି। ଜିଲ୍ଲା ଦୌରାଜଜ ପ୍ରଦୀପ କୁମାର ମହନ୍ତ ଏହି ମାମଲାର ବିଚାରଣା କରିବା ସହ ୧୨ଜଣ ସାକ୍ଷ ପ୍ରମାଣକୁ ଭିତି କରି ଆଜି ଏହି ରାୟ ଶୁଣାଇଛନ୍ତି। ଶେଖ ଜାହାଙ୍ଗିରଙ୍କ ଲିଖିତ ଅଭିଯୋଗ ଅନୁଯାୟୀ ଗତ ୨୧ ମାର୍ଚ୍ଚ ୨୦୧୧ ମସିହା ହୋଲି ଦିନ ଅଭିଯୁକ୍ତ ଶେକ ମେହେବୁବ ଏଲିଅସ ରାଜା ଓ ଗୁଲାମ ନାବୀ ରାତି ୮ ଟାରେ ନାବୀଙ୍କ ସ୍ତ୍ରୀ ଓ ପରିବାର ବର୍ଗ ଘର ସମ୍ମୁଖରେ ଠିଆହୋଇଥିଲେ। ସେହି ସମୟରେ ଶେକ ଜାବେଦ ଓ ସେକ ରାଜା ଉଭୟ ଏକ ମୋଟର ସାଇକଲରେ ଆସି ଗୁଲାମ ନବୀଙ୍କ କାନରେ କହି ମୋଟ୍ର ସାଇକଲରେ ୩ଜଣ ଯାଇଥିଲେ। ସେହିଦିନ ଘରକୁ ନ ଫେରିବା ପରେ ରାତିରେ ନାବୀଙ୍କ ପରିବାର ବର୍ଗ ରାଜା ଓ ଜାବେଦଙ୍କ ଘରକୁ ଯାଇଥିଲେ କିନ୍ତୁ ସେମାନଙ୍କ ଘରେ ତାଲା ପଡିଥିବା ଦେଖିବାକୁ ପାଇଥିଲେ। ସେମାନେ ନିରାଶ ହୋଇ ରାତି ରହିବା ପରେ ତା ପର ଦିନ ସକାଳୁ ହାତିଶାଳ ନିକଟରେ ନାବୀଙ୍କ ମର ଶରୀର ଖଣ୍ଡବିଖଣଣ୍ଡିତ ହୋଇ ପଡିଥିବା ଖବର ପାଇଲେ। ଜାବେଦଙ୍କ ଭଉଣୀକୁ ଗୁଲାମ ନବୀ ବାହା ହେବା ପାଇଁ ଚେଷ୍ଟା କରୁଥିଲା ଏବଂ ହୋଲି ଦିନ ମଧ୍ୟ ଦୁଃ ବ୍ୟବହାର କରିଥିଲା। ତେଣୁ ଆଗରୁ ଶେକ ମେହେବୁବ ଏଲିଅସ ରାଜା ଓ ଜାବେଦ ପ୍ଲାନ କରି ଗୁଲାମ ନବୀଙ୍କୁ ମାରିଥିଲେ। ଏହି ହତ୍ୟା ମାମଲାରେ ପୂର୍ବରୁ ଶେକ ଜାବେଦକୁ ୨୦୧୮ ମସିହାରେ ଆଜିବନ କାରାଦଣ୍ତରେ ଦଣ୍ଡିତ କରାଯାଇଥିବା ବେଳେ ଶେକ ମେହେବୁବ ଏଲିଅସ ରାଜା ଫେରାର ଥିଲେ। ପୁଣି ଥରେ କେସର ଟ୍ରାଏଲ ହେବା ପରେ ଆଜି ଅଭିଯୁକ୍ତ ଶେକ ମେହେବୁବ ଏଲିଅସ ରାଜା କୁ ୧୨ଜଣ ସାଖ୍ୟ ପ୍ରମାଣକୁ ଭିତିକରି ଜିଲ୍ଲା ଦୌରାଜଜ ପ୍ରଦୀପ କୁମାର ମହନ୍ତ ରାଜା କୁ ଦୋଷୀ ସାବ୍ୟସ୍ତ କରିବା ସହ ଅଜୀବନ କାରାଦଣ୍ଡ ଏବଂ ୧୦ ହଜାର ଟଙ୍କା ଜୋରିମାନାରେ ଦଣ୍ତିତ କରିଛନ୍ତି। ଜୋରିମାନା ଟଙ୍କା ଅନାଦେୟ ସ୍ଥଳେ ଏକବର୍ଷ ଲେଖାଏଁ ସଶ୍ରମ କାରାଦଣ୍ତରେ ଦଣ୍ତିତ କରାଯିବ ବୋଲି ସୂଚନା ଦିଆଯାଇଛି ।
ହିନ୍ଦୁସ୍ଥାନ ସମାଚାର/ପବନ/ଭାନୁ
ହିନ୍ଦୁସ୍ଥାନ ସମାଚାର / ପିକେପି
