ଗଞାମ, ୩ ଅପ୍ରେଲ (ହି.ସ.)- ରାଜ୍ୟ ସରକାରଙ୍କ ଶିକ୍ଷା ନୀତି ଅନୁଯାୟୀ ଶେରଗଡ ବ୍ଲକ ର ପିତ୍ତଳ ପ୍ରାଥମିକ ବିଦ୍ୟାଳୟରେ ଶିଶୁ ବାଟିକା, ଖଡିଛୁଆଁ ଓ ବିଦ୍ଯାଳୟ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି । ମୂଖ୍ୟ ଅତିଥି ରୂପେ ବ୍ରହ୍ମପୁର ଡକ୍ଟରସ୍ ଫୋରମ ର ପୂର୍ବତନ ସଂପାଦକ ଡାକ୍ତର ହୃଷୀକେଶ ମହାନ୍ତି ରୂପେ ଯୋଗଦେଇ ଖଡିଛୁଆଁ ଓ ଶିଶୁ ବାଟିକା କାର୍ଯ୍ୟକ୍ରମ ସଂପର୍କରେ ଉଦବୋଧନ ଦେଇଥିଲେ । ଉତ୍ସବରେ ଅଂଗନବାଡିକର୍ମୀ ସୁଶ୍ରୀ ପୁଷ୍ପାଜଳିପଣ୍ଡା, ପ୍ରଧାନ ଶିକ୍ଷୟତ୍ରୀ ସୁନୀତିଦାଶ, ସହକାରୀ ଶିକ୍ଷୟତ୍ରୀ ଏନ.ରେଖା, ସହକାରୀ ଶିକ୍ଷକ ଉତ୍ତମ କୁମାର ପୃଷ୍ଠି, ଟି. କୃଷ୍ଣା, ପାଚିକା ଅନୀତା ସାହୁ ଓ ବିଦ୍ୟାଳୟ ପରିଚାଳନା କମିଟି ସଭାନେତ୍ରୀ ରସ୍ମତା ବେହରାଙ୍କ ସମେତ ବିଦ୍ଯାଳୟର ଛାତ୍ର ଛାତ୍ରୀ ଓ ବହୁ ଅଭିଭାବକ ଯୋଗଦେଇ ଥିଲେ । ଉତ୍ସବ ଅବସରରେ ବିଦ୍ୟାଳୟକୁ ଆକର୍ଷଣୀୟ ସାଜସଜ୍ଜା, ଚିତା ଝୋଟି ପକାଇ ଫୁଲ ଚନ୍ଦନ ଓ ଅକ୍ଷତ ଦେଇ ନବାଗତ ଛାତ୍ର ଛାତ୍ରୀଙ୍କୁ ସ୍ୱାଗତ କରିବା ପରେ ପ୍ରଧାନ ଶିକ୍ଷୟତ୍ରୀ ଶିଶୁ ବାଟିକାରେ ନବାଗତ ଛାତ୍ର ଛାତ୍ରୀଙ୍କୁ ଖଡିଛୁଆଇଁ ବିଦ୍ଯାରମ୍ଭ କରିଥିଲେ। ଏହି ଘଟଣା ସ୍ଥାନୀୟ ଅଂଚଳରେ ଜନସାଧାରଣଙ୍କ ମନରେ ବେଶ୍ ଉତ୍ସାହ ସୃଷ୍ଟି କରିଛି।
ହିନ୍ଦୁସ୍ଥାନ ସମାଚାର / ହୃଷୀକେଶ
