ଭୁବନେଶ୍ୱର, 3 ଏପ୍ରିଲ୍ (ହି.ସ.) - ନାରୀ ନିର୍ଯାତନା ପ୍ରସଙ୍ଗରେ କଂଗ୍ରେସକୁ କଡ଼ା କାଉଂଟର କରିଛନ୍ତି ବିଜେପି ବିଧାୟକ ଲକ୍ଷ୍ମଣ ବାଗ। ସେ କହିଛନ୍ତି ଯେ ପଲିଟିକାଲ ମାଇଲେଜ୍ ନେବା ସହ ଚର୍ଚ୍ଚାରେ ରହିବା ପାଇଁ ସବୁବେଳେ ବିନା କାରଣରେ ଓଡ଼ିଶାରେ କଂଗ୍ରେସ ଦଳର ନେତା ମାନେ ଲୋକଙ୍କୁ ଠକିଲା ଭଳି କାମ କରୁଛନ୍ତି । କଂଗ୍ରେସ ଶାସନ ସମୟରେ ଯେଉଁଭଳି ଭାବେ ନାରୀ ନିର୍ଯାତନା ହେଉଥିଲା, ସେଭଳି ସ୍ଥିତି ଏବେ ନାହିଁ । ବିଧାୟକ ମାନଙ୍କୁ ଅଂଚଳର ପ୍ରସଙ୍ଗ ଉଠାଇବା ପାଇଁ ଲୋକ ଭୋଟ ଦେଇଛନ୍ତି । କିନ୍ତୁ କଂଗ୍ରେସ ବିଧାୟକ ମାନେ ଆଲୋଚନାକୁ ନଆସି କେବଳ ହଟ୍ଟଗୋଳ କରୁଥଲେ । ବିଜେପି ସରକାରକୁ ବଦନାମ କରିବା ପାଇଁ କଂଗ୍ରେସ ଭାବିଥିଲା, କିନ୍ତୁ ସେମାନେ ନିଜେ ବଦନାମ ହେଲେ। ଭାରତ ସ୍ୱାଧୀନ ହେବା ପର ଠାରୁ କଂଗ୍ରେସ ଦେଶରେ ଶାସନ କ୍ଷମତାରେ ଥିଲା। ଓଡ଼ିଶାରେ ବି ଅନେକ ଦିନ ଶାସନ କରିଥିଲେ । ଜାତିଗତ ରାଜନୀତି କରି କେବଳ ଲୋକଙ୍କୁ ଠକି ଆସିଥିଲା କଂଗ୍ରେସ । କିନ୍ତୁ ଏବେ ସେମାନେ ଜାଣି ସାରିଲେଣି, ଯେ କଂଗ୍ରେସ ମୁକ୍ତ ଭାରତ ହେବା ପାଇଁ ଯାଉଛି ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
