ଭଦ୍ରକ, ୩ ଅପ୍ରେଲ (ହି.ସ.) - ଭଦ୍ରକ ଜିଲା ଧାମରା ନିକଟରେ ଥିବା ପଂଚୁଟିକ୍ରି ଜିପି ହାଇସ୍କୁଲରେ ଅଭାବନୀୟ ପରିସ୍ଥିତି । ଏହି ବିଦ୍ୟାଳୟ ରେ ୫ଶହରୁ ଉର୍ଦ୍ଧ ଛାତ୍ରଛାତ୍ରୀ ଶିକ୍ଷା ଗ୍ରହଣ କରୁଥିବା ବେଳେ ଏହି କୋମଳମତୀ ଛାତ୍ରଛାତ୍ରୀଙ୍କ ପାଇଁ ପିଇବା ପାଣିର ବ୍ୟବସ୍ଥା ସାଙ୍ଗକୁ ଶୌଚାଳୟ ରେ ବ୍ୟବହାର ପାଇଁ ମଧ୍ୟ ପାଣି ନାହିଁ। ଏଭଳି ଦୟନୀୟ ପରିସ୍ଥିତିରେ ଶତାଧିକ ଛାତ୍ରଛାତ୍ରୀ ମାନେ ପିଇବା ପାଣି ପାଇଁ ଏହି ଗ୍ରାମର ଗୋଟିଏ ମୁଣ୍ଡରୁ ଅନ୍ୟ ମୁଣ୍ଡକୁ ଯାଉଥିବା ଦୃଷ୍ଟି ଗୋଚର ହୋଇଛି। ଏଥିସହ ବିଦ୍ୟାଳୟର ମଧ୍ୟାହ୍ନ ଭୋଜନ ରୋଷେଇ ପାଇଁ ମଧ୍ୟ ପାଣି ନଥିବା ବେଳେ ରୋଷେଇ ପାଇଁ ନିୟୋଜିତ ପାଚକ ପାଚିକା ମାନେ ମଧ୍ୟ ବହୁ ଦୂରରୁ ରୋଷେଇ ପାଇଁ ପାଣି ଗରା ଏବଂ ବାଲତିରେ ବୋହି ରୋଷେଇ କରୁଥିବା ନେଇ ଅଭିଯୋଗ ହୋଇଛି। ଖରାଦିନ ଆରମ୍ଭରୁ ଉପକୂଳ ବର୍ତୀ ଇଲାକାରେ ଜଳକଷ୍ଟ ଲାଗି ରହିଥିବା ବେଳେ ଏହି ସମସ୍ୟାର ଆଶୁ ମସାଧାନ ହେବା ନେଇ ଅନିଶ୍ଚିତତା ଲାଗି ରହିଛି। ଏହାର ଏକମାତ୍ର କାରଣ ଧାମରା ବନ୍ଦର ମଧ୍ୟରେ ବହୁ ଗଭୀର ନଳକୂପ ଖନନ କରାଯାଇ ପାଣି ଅଣାଯାଇ ବ୍ୟବସାୟିକ କାର୍ଯ୍ୟରେ ଲଗା ଯାଉଥିବା ବେଳେ ଉପକୂଳ ଅଂଚଳରେ ଏଥିପାଇଁ ଜଳକଷ୍ଟ ଲାଗି ରହିଛି ବୋଲି ଅଂଚଳବାସୀ ଅଭିଯୋଗ ଆଣିଛନ୍ତି। ଏହାକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ କୌଣସି ପଦକ୍ଷେପ ନେଉ ନଥିବା ବେଳେ ଏହାର ପରିଣାମ ି ବିଦ୍ୟାଳୟକୁ ଆସୁଥିବା ଛାତ୍ରଛାତ୍ରୀ ଭୋଗୁଛନ୍ତି। ଏହି ବିଦ୍ୟାଳୟ ପରିସରରେ ଥିବା ଶୌଚାଳୟର ଅବସ୍ଥା ମଧ୍ୟ ଆହୁରି ତଦୃପ। ଛୋଟ ଛୋଟ କୋମଳମତି ବାଳକ ବାଳିକା କିପରି ଶୌଚ ହେବେ ତାହା ମଧ୍ୟ ଚିନ୍ତା ଜନକ ହୋଇ ପଡିଛି। ଏହି ଛାତ୍ରଛାତ୍ରୀ ମାନେ ଶୌଚ ହେବା ପାଇଁ ନିକଟରେ ଥିବା ପଡିଆ କୁ ଯାଉଥିବା ନେଇ ଅଭିଯୋଗ ମଧ୍ୟ ହୋଇଛି। ଏଭଳି ପରିସ୍ଥିତିରେ ଦୀର୍ଘ ୨ ଦିନ ହେବ ଲାଗି ରହିଥିବା ବେଳେ ଚାନ୍ଦବାଲି ବ୍ଲକରେ ଥିବା ଗ୍ରାମୀଣ ପାନୀୟ ଜଳ ଯୋଗଣା ସଂସ୍ଥା କେବଳ ଧର୍ମକୁ ଆଖିଠାର ମାରି ଅଫିସ ଖୋଲୁଛି। ଏହି ବିଭାଗରେ କୌଣସି ଉପଖଣ୍ଡ ଅଧିକାରୀ ନଥିବା ବେଳେ ଉପସ୍ଥିତ ସହକାରୀ ଯନ୍ତ୍ରୀ ଜଣକ କିଛି କରି ପାରିବେ ନାହିଁ ବୋଲି ରୋକ ଠୋକ ଉତର ରଖିଛନ୍ତି। ଦୀର୍ଘ ୨ଦିନ ହେବ ବହୁ ଅବ୍ୟବସ୍ଥା ମଧ୍ୟରେ ରୋଷେଇ ଚାଲିଥିବା ବେଳେ ପାନୀୟ ଜଳର ଘୋର ସଙ୍କଟ ଲାଗି ରହିଛି। ଅନ୍ୟ ପକ୍ଷରେ ବିଦ୍ୟାଳୟରେ ମଧ୍ୟାହ୍ନ ଭୋଜନ ପରେ ବିଦ୍ୟାଳୟର ଛାତ୍ରଛାତ୍ରୀ ମାନେ ଲମ୍ବା ଲାଇନରେ ଏହି ବିଦ୍ୟାଳୟ ଠାରୁ ଅନତି ଦୂରରେ ଥିବା ନଲକୂପ ଏବଂ ଏକ ପୋଖରୀକୁ ଥାଳି ଧୋଇବା ପାଇଁ ଯାଉଥିବା ଦୃଷ୍ଟି ଗୋଚର ହୋଇଛି। କେଉଁ ପରିସ୍ଥିତିରେ ଏହି ସମସ୍ୟା ଦୂରୀ କରଣ ହୋଇ ପାରିବ ଏବଂ ସଂପୃକ୍ତ ପ୍ରଧାନ ଶିକ୍ଷକ ତାରାକାନ୍ତ ବେହେରାଙ୍କୁ ଯୋଗାଯୋଗ କରିବାରୁ ସେ ଏହି ବିଷୟରେ ଜିଲ୍ଲାପାଳ,ଜିଲ୍ଲାଶିକ୍ଷାଧିକାର. ବ୍ଲକ ଶିକ୍ଷାଧିକାରୀଙ୍କୁ ଅବଗତ କରାଇଛନ୍ତି ମାତ୍ର ଏହାର ସୁସମାଧାନ ଆଶା କ୍ଷିଣସ୍ଥାୟୀ ଏହାର ଏକମାତ୍ର କାରଣ ଉପକୂଳବର୍ତୀ ଅଂଚଳରେ ଜଳସ୍ଥର ଦିନକୁ ଦିନ ଖସି ଯାଉଥିବାରୁ ଏହାର ଆଶୁ ସମାଧାନ ସମୟ ସାପେକ୍ଷ ବୋଲି ମତ ରଖିଛନ୍ତି। ଅନ୍ୟ ପକ୍ଷରେ ବିଦ୍ୟାଳୟକୁ ଯାଉଥିବା ଛାତ୍ରଛାତ୍ରୀ ମାନଙ୍କ ଅଭିଭାବକ ଏପରି ଅଭାବନୀୟ ଜଳକଷ୍ଟ ଲାଗି ରହିଲେ ସେମାନେ ନିଜର ପିଲା ମାନଙ୍କୁ ଆଗାମୀ ଦିନରେ ବିଦ୍ୟାଳୟକୁ ଛାଡିବେ ନାହିଁ ବୋଲି ମଧ୍ୟ ଚେତାବନୀ ଦେଲେଣି। ଜିଲ୍ଲାପାଳ ତୁରନ୍ତ ଏଥିପ୍ରତି ଦୃଷ୍ଟି ଦେଲେ ଏହାର ସମାଧାନ ହେବ ବୋଲି ଅଂଚଳବାସୀ ଦାବୀ ଜଣାଇଛନ୍ତି।ହିନ୍ଦୁସ୍ଥାନ ସମାଚାର / ପ୍ରମୋଦ

ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ