ଘଟଗାଁ, ୦୩ ଏପ୍ରିଲ (ହି.ସ ) - ପିଲାଙ୍କ ଭବିଷ୍ୟତ କୁ ନେଇ ଚିନ୍ତାରେ ଗ୍ରାମ ବାସୀ।ଉଜୁଡି ଯାଇଥିବା ଶିକ୍ଷା ୍େୱବସ୍ତା କୁ ପୁନଃରୁଦ୍ଧାର କରିବା ଲାଗି ଜିଦ୍ଧି ଧରି ପ୍ରବେଶ ଉତ୍ସବ ଦିବସରେ ବିଦ୍ୟାଳୟ ସମ୍ମୁଖରେ ଆନ୍ଦୋଳନରେ ବସିଲେ ସମୂହ ଗ୍ରାମ ବାସୀ। ପ୍ରକାଶ ଥାଉକି ଗ୍ରାମ ବାସୀଙ୍କ ମିଳିତ ଅବଦାନରେ ୦୫/୦୭/୧୯୮୮ମସିହାରେ ଗଢି ଉଠିଥିଲା ଡକଇ ପାଟ ଉପ୍ରା (ମଇ )ବିଦ୍ୟାଳୟ।ପିଲା ମାନଙ୍କୁ ଉନ୍ନତ ମାନର ଶିକ୍ଷା ଯୋଗାଇ ଦେବା ଲାଗି ପ୍ରଥମେ ମିଳିତ ସହଯୋଗରେ ନିଯୁକ୍ତି କରିଥିଲେ ଶିକ୍ଷକ। ପର?୍ୟାୟ କ୍ରମେ ନିଯୁକ୍ତି ହୋଇଥିଲେ ସରକାରୀ ଶିକ୍ଷକ। ଦୁଃଖର ବିଷୟ ଦୀର୍ଘ ୨୪ ବର୍ଷର ସ୍ଥିର ସରକାରଙ୍କ କୁମ୍ଭକର୍ଣ୍ଣ ନିଦ୍ରା ଯୋଗୁଁ ୩୭ବର୍ଷରେ ପଦାର୍ପଣ କରିଥିବା ଏହି ଶିକ୍ଷା ମନ୍ଦିରରେ ଆଜି ନାହିଁ ଶିକ୍ଷକ। ଶିକ୍ଷକଙ୍କ ଅବସର ପରେ ଦୀର୍ଘ ଏକ ବର୍ଷ ବିତିଯାଇଥିଲେ ସୁଧା ଦିଆ ଯାଇନାହିଁ ପୁନର୍ବାର ଶିକ୍ଷକ ନିଯୁକ୍ତି । ଏସମ୍ପର୍କରେ ଗ୍ରାମ ବାସୀ ବ୍ଲକ ଶିକ୍ଷା ଅଧିକାରୀଙ୍କ ଠାରୁ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ପାଳ ଠାରୁ ଶିକ୍ଷା ସଚିବ ଯାଏ ଅଭିଯୋଗ କରିଥିଲେ ସୁଧା କୌଣସି ସୁଫଳ ମିଳିନାହିଁ। ଶିକ୍ଷାକୁ ନେଇ ସରକାର ବିଭିନ୍ନ ଜାତୀୟ ଶିକ୍ଷାନୀତି ପ୍ରଚଳନ କରୁଥିବା ବେଳେ ଖୁଦ ମୁଖ୍ୟମନ୍ତ୍ରୀ ଙ୍କ ଜିଲ୍ଲା ଘଟଗାଁ ବ୍ଲକ ପୋଟିଲ ପଂଚାୟତ ଡ଼େଙ୍ଗଣା ଗ୍ରାମରେ ଭୁଶୁଡି ଯାଇଛି ଶିକ୍ଷାର ୍େୱବସ୍ତା। ଅପର ପକ୍ଷରେ ବିଦ୍ୟାଳୟ ଗୁଡିକରେ ଶିକ୍ଷକ କଥା ଚିନ୍ତା ନକରି ସରକାର ପ୍ରଚଳନ କରୁଛନ୍ତି ଜାତୀୟ ଶିକ୍ଷାନୀତି।ଗୃହରୁ ଆଠ /ଦଶ କିଲୋମିଟର ଯାଇ ପୋଡ଼ଶୀ ଗ୍ରାମରେ ପାଠ ପଢିବାକୁ ଆଗ୍ରହ କରୁ ନାହିଁ ଡେଙ୍ଗଣା ଗ୍ରାମର ଛାତ୍ର ଓ ଛାତ୍ରୀ।ଏଣୁ ପିଲାଙ୍କ ଭବିଷ୍ୟତ କୁ ନେଇ ଚିନ୍ତାରେ ଅଭିଭାବକ ଓ ଗ୍ରାମ ବାସୀ।ସରକାର ଯଦିଓ ୨୫/୨୬ଶିକ୍ଷା ବର୍ଷରେ ନୂତନ ଶିକ୍ଷକ ନିଯୁକ୍ତି ନ ଦିଅନ୍ତି ତାହାଲେ ବିପଦ ସଂକୁଳ ରାସ୍ତାରେ ଯାଇ କୋମଳ ମତି ଶିଶୁ କେମିତି ପଢିବେ ପାଠ। ଯଦିଓ ଛାତ୍ର ଓ ଛାତ୍ରୀ ଛାଡି ଅଧାରୁ ପାଠ ପଢ଼ାରେ ପୂର୍ଣ୍ଣଛେଦ ପକାନ୍ତି ତାହାଲେ ମୁଖ୍ୟମନ୍ତ୍ରୀ ଙ୍କ ଜିଲ୍ଲାରେ ଆଗାମୀ ଦିନରେ ବଢ଼ି ପାରେ ଦାଦନ ଶ୍ରମିକ। ପିଲାଙ୍କୁ ନେଇ ପିତା ମାତା ଦେଖିଥିବା ସ୍ୱପ୍ନ ବାସ୍ତବରେ ପରିଣତ ହେବା ପୂର୍ବରୁ ମାଟିରେ ମିଶିଯିବ ବୋଲି ଛାତ୍ର ଓ ଛାତ୍ରୀ।ତେବେ ଆଗକୁ ଦେଖିବା ଆଜିର ଶିଶୁ ଆଗାମୀ କାଲିର ଭବିଷ୍ୟତ କୁହାଯାଉଥିବା ଛାତ୍ର ଛାତ୍ରୀ ମାନଙ୍କ ପ୍ରତି ମାନ୍ୟବର ମୁଖ୍ୟମନ୍ତ୍ରୀ କିଭଳି ନିଷ୍ପତି ଗ୍ରହଣ କରୁଛନ୍ତି ତାହା ସମୟ କହିବ ।

ହିନ୍ଦୁସ୍ଥାନ ସମାଚାର/ଘନଶ୍ୟାମ/ଭାନୁ

ହିନ୍ଦୁସ୍ଥାନ ସମାଚାର / ଘନଶ୍ୟାମ