ବାଂଦିପୋରା, ୩ ଅପ୍ରେଲ (ହି.ସ.)- ଉତର କାଶ୍ମୀରର ବାଂଦିପୋରାରେ ପ୍ରତିବନ୍ଧିତ ସଂଗଠନ ଜେକେଏଲଏଫ ର ପ୍ରମୁଖ ମହମ୍ମଦ ୟାସିନ ମଲିକ ଓ ଅନ୍ୟ ଉଗ୍ରବାଦୀ ନେତାଙ୍କ ସୋସିଆଲ ମିଡ଼ିଆରେ ମହିମା ମଣ୍ଡନ କରିବା ଅଭିଯୋଗରେ ଜଣେ ଯୁବକକୁ ଗିରଫ କରିଛି ପୋଲିସ ।
ନିୟମିତ ସାଇବର ଦେଖାରେଖା ବେଳେ ପୋଲିସ କହିଛି ଯେ, ପ୍ରତିକୂଳ ସୋସିଆଲ ମିଡ଼ିଆ ହ୍ୟାଣ୍ଡେଲ ସଂଚାଳିତ କରିଥିବା ଜଣେ ଯୁବକର ଚିହ୍ନଟ ଆତଙ୍କବାଦ ଓ ଚରମପନ୍ଥୀ ବିଚାରଧାରାକୁ ପ୍ରୋତ୍ସାହନ ଦେଉଥିବା ସାମଗ୍ରୀ ପୋଷ୍ଟ କରିବା ନିମନ୍ତେ କରାଯାଇଥିଲା । ତାର ପରିଚୟ ନାୟଦଖାଇ ସୁଂବଲ ର ସଜ୍ଜାଦ ନସୀର ଭଟ୍ଟ ରୂପେ କରାଯାଇଛି ।
ପୋଲିସ ଏକ ବୟାନରେ କହିଛି ଯେ, ସମ୍ପୃକ୍ତ ଯୁବକ ଆଇନ ଓ ଅର୍ଥ ବ୍ୟବସ୍ଥାକୁ ବିଗାଡ଼ିବା ନିମନ୍ତେ ଜାଣିଶୁଣି ନିଜ ସୋସିଆଲ ମିଡ଼ିଆ ହ୍ୟାଣ୍ଡେଲରେ ଜେକେଏଲଏଫ ର ପ୍ରମୁଖ ମୋହମ୍ମଦ ୟାସିନ ମଲିକ ଏବଂ ଅନ୍ୟ ମାନଙ୍କ ଫଟୋ ଅପଲୋଡ୍ କରିଥିଲା । ସମ୍ପୃକ୍ତ ଯୁବକକୁ ଗିରଫ କରାଯାଇଛି । ଏବଂ ସୁଂବଲ ଥାନାରେ ଏତଲା ନମ୍ବର ୬୫/୨୦୨୫ ୟୁ/ଏସ ୧୫୨ ବିଏନଏସ, ୬୬ ଆଇଟି ଆକ୍ଟ ଦାୟର୍ କରାଯାଇଛି । ତଦନ୍ତ ପ୍ରକ୍ରିୟା ଜାରି ରହିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ