ଦେବେନ୍ଦ୍ର କୁମାର ଦାଶଙ୍କୁ ମରଣୋତର ଗଙ୍ଗାଧର ମେହେର ସମ୍ମାନ
ଭୁବନେଶ୍ୱର, 3 ଏପ୍ରିଲ୍ (ହି.ସ.) - ଓଡ଼ିଶା ସାହିତ୍ୟ ଏକାଡେମୀ ଏବଂ ଭୁବନେଶର ସ୍ଥିତ ଗଙ୍ଗାଧର ମେହେର ପ୍ରତିଷ୍ଠାନର ମିଳିତ ଆନୁକୂଲ୍ୟରେ ସ୍ୱଭାବ କବି ଗଙ୍ଗାଧର ମେହେରଙ୍କ ରାଜ୍ୟସ୍ତରୀୟ ଶ୍ରାଦ୍ଧ ଶତବାର୍ଷିକୀ ପୂର୍ତ୍ତି ଉତ୍ସବରେ ପ୍ରଦାନ କରାଯିବାକୁ ଥିବା ମର୍ଯ୍ୟାଦାଜନକ ‘ଗଙ୍ଗାଧର ମେହେର ସମ୍ମାନ’ ଘୋ
ଦେବେନ୍ଦ୍ର କୁମାର ଦାଶଙ୍କୁ ମରଣୋତର ଗଙ୍ଗାଧର ମେହେର ସମ୍ମାନ


ଭୁବନେଶ୍ୱର, 3 ଏପ୍ରିଲ୍ (ହି.ସ.) - ଓଡ଼ିଶା ସାହିତ୍ୟ ଏକାଡେମୀ ଏବଂ ଭୁବନେଶର ସ୍ଥିତ ଗଙ୍ଗାଧର ମେହେର ପ୍ରତିଷ୍ଠାନର ମିଳିତ ଆନୁକୂଲ୍ୟରେ ସ୍ୱଭାବ କବି ଗଙ୍ଗାଧର ମେହେରଙ୍କ ରାଜ୍ୟସ୍ତରୀୟ ଶ୍ରାଦ୍ଧ ଶତବାର୍ଷିକୀ ପୂର୍ତ୍ତି ଉତ୍ସବରେ ପ୍ରଦାନ କରାଯିବାକୁ ଥିବା ମର୍ଯ୍ୟାଦାଜନକ ‘ଗଙ୍ଗାଧର ମେହେର ସମ୍ମାନ’ ଘୋଷଣା କରାଯାଇଛି । ଏ ଅବସରରେ ବିଶିଷ୍ଟ ସାହିତ୍ୟିକ ତଥା ଅଧ୍ୟାପକ ସ୍ୱର୍ଗତ ଦେବେନ୍ଦ୍ର କୁମାର ଦାଶଙ୍କୁ ମରଣୋତର ଗଙ୍ଗାଧର ମେହେର ସମ୍ମାନ ପ୍ରଦାନ କରାଯିବ। ସେହିପରି ବିଶିଷ୍ଟ ବାନ୍ଧଶିଳ୍ପୀ ରାମକୃଷ୍ଣ ମେହେର ଓ ପ୍ରତିଷ୍ଠିତ ପ୍ରକାଶନୀ ସଂସ୍ଥା ‘ପ୍ରାଚୀ ସାହିତ୍ୟ ପ୍ରତିଷ୍ଠାନ’ କଟକଙ୍କୁ ଗଙ୍ଗାଧର ମେହେର ସମ୍ମାନ ପ୍ରଦାନ କରାଯିବ। ଆସନ୍ତାକାଲି ଶୁକ୍ରବାର ସନ୍ଧ୍ୟା ସାଢ଼େ ୬ଟାରେ ଭଞ୍ଜକଳା ମଣ୍ଡପଠାରେ ପ୍ରାକ୍ତନ ନିର୍ବାଚନ ଆୟୁକ୍ତ ତଥା ସାହିତ୍ୟିକ ସଞ୍ଜୀବ ଚନ୍ଦ୍ର ହୋତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବାକୁ ଥିବା ଏକ ସ୍ୱତନ୍ତ୍ର ଉତ୍ସବରେ ଏହି କୃତୀ ପ୍ରତିଭାମାନଙ୍କୁ ସମ୍ମାନିତ କରାଯିବ। ଏହି ଉତ୍ସବରେ ବିଶିଷ୍ଟ ସାହିତ୍ୟିକ ହର ପ୍ରସାଦ ଦାସ, ଓଡିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗର ଯୁଗ୍ମ ନେିଦ୍ଦର୍ଶକ ସେୁବାଧ ଚନ୍ଦ୍ର ଆଚାର୍ଯ୍ୟ, ସୁସାହିତ୍ୟିକ ଡାକ୍ତର କୃଷ୍ଣକେଶବ ଷଡ଼ଙ୍ଗୀ, ଓଡ଼ିଶା ସାହିତ୍ୟ ଏକାଡେମୀର ସଚିବ ଡକ୍ଟର ଚନ୍ଦ୍ରଶେଖର ହୋତା ଅତିଥିଭାବରେ ଯୋଗଦାନ କରିବାର କାର୍ଯ୍ୟକ୍ରମ ରହିଛି। କାର୍ଯ୍ୟକ୍ରମ ଶେଷରେ କଟକ ସ୍ଥିତ ନୃତ୍ୟାଙ୍ଗ ଫାଉଣ୍ଡେସନ୍ ଟ୍ରଷ୍ଟର କଳାକାରମାନେ କବି ଗଙ୍ଗାଧର ମେହେରଙ୍କ ରଚିତ କାବ୍ୟାଂଶ ଆଧାରିତ ନୃତ୍ୟନାଟିକା ପରିବେଷଣ କରିବେ ବୋଲି ଗଙ୍ଗାଧର ମେହେର ପ୍ରତିଷ୍ଠାନର ଅଧ୍ୟକ୍ଷ ମିହିର କୁମାର ମେହେର ସୂଚନା ଦେଇଛନ୍ତି।

---------------

ହିନ୍ଦୁସ୍ଥାନ ସମାଚାର / ବନ୍ଦନା


 rajesh pande