ଭୁବନେଶ୍ୱର, 3 ଏପ୍ରିଲ୍ (ହି.ସ.) - ବିଜେଡ଼ି-ବିଜେପି ଏକାଠି ହୋଇ ସବୁ ବିଲ ପାରିତ କରିଲେ। ଗଣତନ୍ତ୍ରକୁ ହତ୍ୟା କରାଯାଇ କଂଗ୍ରେସକୁ ବେଆଇନ ଭାବେ ଗୃହରୁ ବାହାରେ ରଖାଗଲା। ବିଜେଡ଼ି ବିଲ ପାରିତ ହେବାରେ ବିଜେପିକୁ ସାହାଯ୍ୟ ଦେଲା ବୋଲି ଅଭିଯୋଗ କରିଛନ୍ତି ବରିଷ୍ଠ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି।
ସେ କହିଛନ୍ତି ଯେ ଓଡ଼ିଶାର ନିର୍ଯ୍ୟାତିତା ମହିଳାଙ୍କୁ ନେଇ ଦୁଇଟି ଦଳର ଆଭିମୁଖ୍ୟ ସ୍ପଷ୍ଟ ହୋଇଯାଇଛି। ଏପରିକି ଉଚ୍ଚଶିକ୍ଷା ବିଲ ପାରିତ ହେବାପାଇଁ ବିଜେଡ଼ି ବିଜେପିକୁ ବିଧାନସଭାରେ ସାରା ରାତି ସମର୍ଥନ ଦେଲା। ନାବାଳିକା ପିଲାମାନେ ଗର୍ଭବତୀ ହୋଇପଡ଼ୁଛନ୍ତି। ତା'ର ପ୍ରତିକାର ପାଇଁ କଂଗ୍ରେସ ଦାବି କରିବାରୁ ବିଜେପି ବିଧାୟକ ମାନେ କଂଗ୍ରେସ ବିଧାୟକ ମାନଙ୍କୁ ଶାରୀରିକ ଆକ୍ରମଣ କଲେ। କଂଗ୍ରେସ ହୁଇପ ଶ୍ରୀ ରାଜନ ଏକା କହିଛନ୍ତି ଯେ କଂଗ୍ରେସ ବିଧାୟକମାନେ ବିଧାନସଭାରେ ମହିଳାମାନଙ୍କୁ ନ୍ୟାୟ ଦେବାପାଇଁ ଯେଉଁ ଦାବି ରଖୁଲେ ତାହା ଓଡ଼ିଶାର ୨ କୋଟି ୨୦ଲକ୍ଷ ମହିଳାମାନଙ୍କ ପାଇଁ ଉଦ୍ଦିଷ୍ଟ । ମହିଳାମାନଙ୍କ ସୁରକ୍ଷା ପ୍ରସଙ୍ଗକୁ ବିଜେପି ସରକାର ଉପେକ୍ଷା କରୁଛି । ଏହି ପ୍ରସଙ୍ଗ ଓ ଆନ୍ଦୋଳନ କଂଗ୍ରେସ ବିଧାୟକ ଦଳ ଜାରି ରଖୁବ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
