ନୂଆଦିଲ୍ଲୀ, 8 ଜୁନ୍ (ହି.ସ.)- ବୈଦେଶିକ ମନ୍ତ୍ରୀ ଡ଼ ଏସ୍. ଜୟଶଙ୍କର ଆଜି (୮ ଜୁନ୍) ରୁ ୧୪ ଜୁନ୍
ପର୍ଯ୍ୟନ୍ତ ଫ୍ରାନ୍ସ, ଇଉରୋପିୟ ସଂଘ ଓ ବେଲ୍ଜିୟମ୍ର ସରକାରୀ
ଦୌରା ଉପରେ ରହିବେ। ଏହି ଗସ୍ତ ଭାରତର ତିନିଟି ପ୍ରମୁଖ ସାଂଘିକ ଭାଗୀଦାର ଦେଶ ସହ ରଣନୈତିକ
ସହଯୋଗକୁ ଆଉ ଅଧିକ ଶକ୍ତିଶାଳୀ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମନେ
କରାଯାଉଛି ।
ବୈଦେଶିକ ମନ୍ତ୍ରଣାଳୟ ଅନୁସାରେ, ଏହି ଗସ୍ତ ଭାରତ ଓ ଏହି ତିନୋଟି ଭାଗୀଦାର
ଦେଶ ମଧ୍ୟରେ ସମ୍ପର୍କକୁ ଅଧିକ ଗଭୀର କରିବ ଓ ବହୁପକ୍ଷୀୟ ସହଯୋଗକୁ ଏକ ନୂଆ ଦିଗାନ୍ତ ଦେବ।
ଫ୍ରାନ୍ସ ଓ ଭାରତ ମଧ୍ୟରେ ରଣନୈତିକ ଭାଗୀଦାରିର ୨୫ ବର୍ଷ ପୂର୍ଣ୍ଣ ହୋଇଛି। ଉଭୟ ଦେଶ ମଧ୍ୟରେ
ଗଭୀର ବିଶ୍ୱାସ ଓ ବହୁମୁଖୀ ସହଯୋଗ ଅଛି।
ଏହି ଯାତ୍ରା ସମୟରେ ବୈଦେଶିକ ମନ୍ତ୍ରୀ ପ୍ୟାରିସ୍ ଓ ମାର୍ସେୟ ଯିବେ। ସେ ଫ୍ରାନ୍ସର ୟୁରୋପ
ଓ ବିଦେଶ ବିଭାଗର ମନ୍ତ୍ରୀ ଜିନ୍-ନୋଏଲ୍ ବ୍ୟାରୋ ସହ ଦ୍ୱିପକ୍ଷୀୟ ଆଲୋଚନା କରିବେ। ଏହା ବ୍ୟତୀତ
ସେ ଫ୍ରାନ୍ସର ବରିଷ୍ଠ ନେତାଙ୍କ, ଥିଙ୍କ ଟ୍ୟାଙ୍କ ଓ ମିଡିଆ ସହିତ ମଧ୍ୟ ଆଲୋଚନା
କରିବେ। ସେ ମାର୍ସେୟରେ ଆୟୋଜିତ ହେଉଥିବା ବୈଦେଶିକ ମନ୍ତ୍ରୀ ମ୍ୟାକ୍ସିମ୍ ପ୍ରିଭୋ'ଙ୍କର ଉଦ୍ଘାଟନ
ସଂସ୍କରଣରେ ମଧ୍ୟ ଅଂଶଗ୍ରହଣ କରିବେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
08 Jun 2025