ଉଜ୍ଜୟିନୀ, 30 ଜୁଲାଇ (ହି.ସ.)-ମହାକାଳେଶ୍ୱର ଭଗବାନ ମନ୍ଦିରର ଗର୍ଭଗୃହରେ ବିରାଜମାନ
ଅଛନ୍ତି। ଭୂତଳରେ ଅଛି ଓଂକାରେଶ୍ୱର ମନ୍ଦିର, ତଥା ମନ୍ଦିର ଶିଖରର
ଦ୍ୱିତୀୟ ତଳରେ ଅବସ୍ଥିତ ଅଛି ନାଗଚନ୍ଦ୍ରେଶ୍ୱର ମନ୍ଦିର। ଏହି ମନ୍ଦିରର ଦ୍ୱାର ପ୍ରତିବର୍ଷ କେବଳ ନାଗପଞ୍ଚମୀ ଦିନ ଖୋଲାଯାଏ ଓ ୨୪ ଘଣ୍ଟା
ଧରି ଦର୍ଶନ ଚାଲିଥାଏ। ଏଥର ମଧ୍ୟ ସୋମବାର ରାତି ୧୨ଟାରେ ଦ୍ୱାର ଖୋଲାଯାଇଥିଲା ଓ ମଙ୍ଗଳବାର
ରାତି ୧୨ଟାରେ ପୂଜା-ଆରତି ପରେ ପୁଣି ବର୍ଷକ ପାଇଁ ଦ୍ୱାର ବନ୍ଦ କରାଯାଇଛି। ଏହି ସମୟ ଅବଧି
ମଧ୍ୟରେ ଲୋକଙ୍କ ଦର୍ଶନ ଧାରା ନିରନ୍ତର ଚାଲିଥିଲା।
ଦର୍ଶନାର୍ଥୀଙ୍କ ଲାଇନ୍
ପ୍ରାୟ ଦୁଇ କିଲୋମିଟର ଯାଏଁ ଲମ୍ବି ଥିଲା । ଏହି ସମୟରେ ବର୍ଷା ମଧ୍ୟ ଲାଗିଥିଲା। ତଥାପି
ଶ୍ରଦ୍ଧାର ସୋତ ତାହାର ଜାଗାରେ ଦୃଢ଼ ରହିଲା ଓ ଲୋକେ ଦର୍ଶନ ପାଇଁ ଲାଇନ୍ରେ ଠିଆ ହୋଇଥିଲେ ।
ଆଠ ଫୁଟ୍ ଚଉଡା ବ୍ୟାରିକେଡିଂ ମଧ୍ୟରେ ମହିଳା, ପୁରୁଷ, ବୃଦ୍ଧ ଓ ଶିଶୁ
ଜୟ ମହାକାଳ ବୋଲି ଉଦଘୋଷ କରି ଆଗକୁ ବଢ଼ୁଥିଲେ। ସେମାନଙ୍କର ଏକମାତ୍ର ଲକ୍ଷ୍ୟ
ଥିଲା ନାଗଚନ୍ଦ୍ରେଶ୍ୱର ଭଗବାନଙ୍କ ଦର୍ଶନ
କରିବା। ଜିଲ୍ଲା ପୋଲିସ ଓ ପ୍ରଶାସନ ପକ୍ଷରୁ ସୂଚାରୁ ଦର୍ଶନ ବ୍ୟବସ୍ଥା କରାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Jul 2025