ନୂଆଦିଲ୍ଲୀ, 31 ଜୁଲାଇ (ହି.ସ.)-କଂଗ୍ରେସର ପୂର୍ବତନ ଅଧ୍ୟକ୍ଷ ଏବଂ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଆମେରିକାର

ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଭାରତ ଉପରେ ୨୫ ପ୍ରତିଶତ ଆମଦାନୀ ଶୁଳ୍କ

(ଟ୍ୟାରିଫ୍) ଲାଗୁ କରିବାର ଘୋଷଣା ଏବଂ ଭାରତୀୟ ଅର୍ଥନୀତିକୁ ଡେଡ଼ ଇକନୋମି ବୋଲି

କହିବା ବିଷୟକୁ ନେଇ କେନ୍ଦ୍ର ସରକାରଙ୍କୁ କଟାକ୍ଷ କରିଛନ୍ତି। ସେ କହିଛନ୍ତି ଯେ, ସମଗ୍ର ବିଶ୍ୱ ଜାଣେ ଯେ ଭାରତୀୟ ଅର୍ଥନୀତି ଅଚଳ ହୋଇଯାଇଛି, କିନ୍ତୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅର୍ଥମନ୍ତ୍ରୀ ଏହି ସତ୍ୟକୁ ସ୍ୱୀକାର କରିବାକୁ

ପ୍ରସ୍ତୁତ ନୁହନ୍ତି।

ରାହୁଲ ଗାନ୍ଧୀ ଗୁରୁବାର ସଂସଦ ଭବନ ପରିସରରେ କହିଛନ୍ତି

ଯେ, ଟ୍ରମ୍ପ କେବଳ ସତ୍ୟକୁ ପ୍ରକାଶ କରିଛନ୍ତି। ସେ ଅଭିଯୋଗ କରିଛନ୍ତି ଯେ, ଭାଜପା ସରକାର ଅର୍ଥନୀତିକୁ ସମ୍ପୂର୍ଣ୍ଣ ଭାବେ ନଷ୍ଟ କରିଦେଇଛି ଏବଂ କିଛି ଉଦ୍ୟୋଗପତିଙ୍କୁ

ଲାଭ ପହଞ୍ଚାଇବା ପାଇଁ ଏହା କରାଯାଇଛି।

ସେ ବିଦେଶ ନୀତି ବିଷୟରେ ମଧ୍ୟ ସରକାର ଉପରେ

ଆକ୍ରମଣ କରି କହିଛନ୍ତି ଯେ,

ସରକାର ଏହାକୁ ‘ଜିନିଅସ ଫରେନ୍ ପଲିସି’

ବୋଲି କୁହୁଛି, କିନ୍ତୁ ଆମେରିକା ଭାରତ ଉପରେ ଅଭିଯୋଗ କରୁଛି, ଚୀନ ସୀମାରେ ଆକ୍ରମଣାତ୍ମକ ଭୂମିକା ଗ୍ରହଣ

କରିଛି ଏବଂ ପାକିସ୍ତାନ ବିରୋଧରେ କୌଣସି ଦେଶ ଖୋଲାଖୋଲି ଭାବରେ କିଛି କୁହୁନାହିଁ। ସେ

ପ୍ରଶ୍ନ କରିଛନ୍ତି ଯେ,

ଯେତେବେଳେ ଭାରତ ସମଗ୍ର ବିଶ୍ୱରେ ଡେଲିଗେସନ୍

ପଠାଇଛି ସେତେବେଳେ ମଧ୍ୟ କାହିଁକି କୌଣସି ଦେଶ ପାକିସ୍ତାନକୁ ନିନ୍ଦା କରୁନାହାନ୍ତି?

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା