କ୍ୱେଟା (ବାଲୁଚିସ୍ତାନ) ପାକିସ୍ତାନ, ୨୮ ଅଗଷ୍ଟ (ହି.ସ.)- ପାକିସ୍ତାନୀ ବାୟୁସେନାର ଲଢୁଆ ବିମାନ ମଙ୍ଗଳବାର ଅପରାହ୍ନରେ ବେଲୁଚିସ୍ତାନର ବୋଲାନ ଅଂଚଳର ମାଚ ର କିଛି ସ୍ଥାନରେ ବିମାନ ଆକ୍ରମଣ କରିଛି । ନିକଟସ୍ଥ ବାସିନ୍ଦା ଏବଂ ସୋସିଆଲ ମିଡ଼ିଆରେ ପ୍ରସାରିତ ପୋଷ୍ଟ ଅନୁଯାୟୀ, ବୋମା ବିସ୍ଫୋରଣରେ ଗୋନିପାରାର ପାହାଡ଼ିଆ ଅଂଚଳ ସହିତ ଉର୍ଦ୍ଦୁ ବାଗ ଏବଂ ଧାଦର ର ଆଖପାଖ ଅଂଚଳକୁ ଟାର୍ଗେଟ କରାଯାଇଥିଲା ।
ବେଲୁଚିସ୍ତାନ ପୋଷ୍ଟ ଏହି ସୂଚନା ପ୍ରଦାନ କରିଛି କିନ୍ତୁ ସ୍ୱାଧୀନ ଭାବରେ ଏହି ରିପୋର୍ଟଗୁଡ଼ିକୁ ନିଶ୍ଚିତ କରିପାରି ନାହିଁ । ପାକିସ୍ତାନର ସାମରିକ ଗଣମାଧ୍ୟମ ଶାଖା ଆଇଏସପିଆର କିମ୍ବା କୌଣସି ବେଲୁଚ୍ ସଶସ୍ତ୍ର ଗୋଷ୍ଠୀ ମଧ୍ୟ କୌଣସି ଅଫିସିଆଲ ବିବୃତି ଜାରି କରିନାହିଁ । ପାକିସ୍ତାନୀ ଅଧିକାରୀମାନେ ଦୀର୍ଘ ଦିନ ଧରି ବେଲୁଚିସ୍ତାନରେ ଲଢ଼ୁଆ ବିମାନ ବ୍ୟବହାର ହେଉଥିବା ଦାବିକୁ ପ୍ରତ୍ୟାଖ୍ୟାନ କରିଆସୁଛନ୍ତି ।
ବିଶ୍ଳେଷକମାନେ କହିଛନ୍ତି ଯେ, ଯଦି ଲଢ଼ୁଆ ବିମାନ ବ୍ୟବହାର ନିଶ୍ଚିତ ହୁଏ, ତେବେ ଏହା ସୂଚାଇବ ଯେ ଇସଲାମାବାଦ ବର୍ତମାନ ସଂଘର୍ଷକୁ ଏକ ପାରମ୍ପରିକ ଯୁଦ୍ଧ ଭାବରେ ଦେଖେ, ଯଦିଓ ଏହା ସାର୍ବଜନୀନ ଭାବରେ ସ୍ୱୀକାର କରେ ନାହିଁ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
