ଜୟପୁର, ୨୯ ଅଗଷ୍ଟ (ହି.ସ.) - ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ ଏହାର ୧୭ତମ ପ୍ରତିଷ୍ଠା ଦିବସ ୨୯ ଅଗଷ୍ଟ ୨୦୨୫ ରେ ବିଶ୍ୱବିଦ୍ୟାଳୟ ପ୍ରାଙ୍ଗଣରେ ଉତ୍ସାହପୂର୍ଣ୍ଣ ଭାବରେ ପାଳିତା ହୋଇଯାଇଛି । ପ୍ରାରମ୍ଭରେ ବିଶ୍ୱବିଦ୍ୟାଳୟର ଭାରପ୍ରାପ୍ତ କୁଳପତି ପ୍ରଫେସର ନରସିଂହ ଚରଣ ପଣ୍ଡା ବିଶ୍ୱବିଦ୍ୟାଳୟ ର ପତାକା ଉତୋଳନ କରି ଏହି ଉତ୍ସବର ଶୁଭାରମ୍ଭ କରିଥିଲେ । ଏହି ଅବସରରେ ମୂଖ୍ୟ ବକ୍ତା ପ୍ରଫେସର ବସନ୍ତ କୁମାର ପଣ୍ଡା (ପୂର୍ବତନ ନିଦେଶକ, ଶାସ୍ତ୍ରୀୟ ଓଡ଼ିଆ ଅଧ୍ୟୟନ କେନ୍ଦ୍ର, ଭାରତ ସରକାର) ପ୍ରତିଷ୍ଠା ଦିବସର ଅଭିଭାଷଣ ପ୍ରଦାନ କରିଥ କରିଥିଲେ । ସମ୍ମାନିତ ଅତିଥି ଭାବେ ଗୁରୁ ଘାସୀଦାସ ବିଶ୍ୱବିଦ୍ୟାଳୟ (ବିଲାସପୁର)ର କୁଳପତି ପ୍ରଫେସର ଅଲୋକ କୁମାର ଚକ୍ରବାଲ, ନାଲକୋ ର କାର୍ଯ୍ୟନିର୍ବାହୀ ନିର୍ଦେଶକ ଶ୍ରୀ ନିରଞ୍ଜନ ସାମଲ, ବିଶ୍ୱବିଦ୍ୟାଳୟର କୁଳସଚିବ ଡ଼ ରାକେଶ କୁମାର ଲେଙ୍କା ପ୍ରମୁଖ ମଂଚାସୀନ ଥିଲେ । ଏହି ଅବସରରେ କୁଳପତି ପ୍ରଫେସର ନରସିଂହ ଚରଣ ପଣ୍ଡା ଅଧ୍ୟକ୍ଷତା କରିଥିଲେ ।
ପ୍ରଫେସର ନରସିଂହ ଚରଣ ପଣ୍ଡା କହିଥିଲେ ଯେ, ଗତ କିଛି ବର୍ଷ ଧରି ବିଶ୍ୱବିଦ୍ୟାଳୟ ଅନେକ ଗୁରୁତ୍ୱପୂର୍ଣ୍ଣ କାର୍ଯ୍ୟର ଶୁଭାରମ୍ଭ କରିଛି – ଶିକ୍ଷକ ନିଯୁକ୍ତି, ଢାଂଚାଗତ ବିକାଶ, ଓ ଏକ ସକାରାତ୍ମକ ମନୋଭାବ ତିଆରି କରିବା ଦିଗରେ ପଦକ୍ଷେପ ଗ୍ରହଣ କରିଛି। ଭାରତୀୟ ଜ୍ଞାନ ପରମ୍ପରା ଉପରେ ଜୋର ଦେଇ, ସେ କହିଥିଲେ ଯେ ଏହା ଆମକୁ ଅଭିଭାବକ, ଗୁରୁ ଓ ଆଖପାଖ ଲୋକଙ୍କ ପ୍ରତି ସମ୍ମାନ ଦେବାକୁ ଶିଖାଏ। ମନକୁ ଆଶାବାଦୀ ଓ ଗୁଣାତ୍ମକ ରଖିବା ଦ୍ୱାରା ବିଶ୍ୱବିଦ୍ୟାଳୟ ଉନ୍ନତି ପାଇପାରିବ ବୋଲି କହିଥିଲେ । ଭାରତ ସରକାରଙ୍କ ଶିକ୍ଷା ମନ୍ତ୍ରଣାଳୟର ଅକୁଣ୍ଠ ଅର୍ôଥକ ସହଯୋଗ ଦ୍ୱାରା ଆଗାମୀ ଦିନରେ ଇଂଟରନ୍ୟାସନାଲ୍ ଗେଷ୍ଟ ହାଉସ୍, ଅଡିଟୋରିଅମ୍, ହସ୍ତେଲ୍, ଅକାଡେମିକ୍ ବ୍ଲକ୍, ହସ୍ପିଟାଲ୍, ମାର୍କେଟ କମ୍ପେ୍ଲକ୍ସ ଇତ୍ୟାଦି ଢାଞ୍ଚାଗତ ବିକାଶ ହେବା ଉପରେ ଆଶା ବ୍ୟକ୍ତ କରିଥିଲେ ।
ପ୍ରତିଷ୍ଠା ଦିବସ ବ୍ୟାଖ୍ୟାନ ଦେଇ ପ୍ରଫେସର ବସନ୍ତ କୁମାର ପଣ୍ଡା କହିଥିଲେ ଯେ, ବିଶ୍ୱବିଦ୍ୟାଳୟର ଉନ୍ନତି ପାଇଁ ସମସ୍ତେ ନୂତନ ଦୃଢ଼ ସଙ୍କଳ୍ପ ସହିତ ଆଗକୁ ବଢ଼ିବା ଦରକାର। କୋରାପୁଟର ପ୍ରାକୃତିକ ସୌନ୍ଦର୍ଯ୍ୟ ଆମକୁ ପ୍ରକୃତି ସହ ଏକତାରେ ବଂଚିବାକୁ ପ୍ରେରଣା ଦିଏ। ଶିକ୍ଷକ ଓ ଛାତ୍ରଛାତ୍ରୀମାନେ ବିଶ୍ୱବିଦ୍ୟାଳୟର ଦୀର୍ଘକାଳୀନ ଉନ୍ନତି ପାଇଁ କାମ କରିବା ଦରକାର। ନୂଆ ଶିକ୍ଷା ନୀତି (ଘଋଚ-୨୦୨୦) ର ଫଳଦାୟକ କାର୍ଯ୍ୟାନ୍ୱୟନ ଦ୍ୱାରା ଏକ ଆଧୁନିକ ଓ ଦୃଢ଼ ବିଶ୍ୱବିଦ୍ୟାଳୟ ତିଆରି ହେବ। ସେ କହିଥିଲେ ଯେ, କେନ୍ଦ୍ରୀୟ ବିଶ୍ୱବିଦ୍ୟାଳୟ ରେ କେବଳ ଶିକ୍ଷାରେ ନୁହେଁ, ବୈଶିଷ୍ଟ୍ୟମୟ ଲୋକକଳ୍ୟାଣ ଓ ପ୍ରକୃତି ସହ ସମନ୍ୱୟର ଏକ ନମୂନା ଭାବରେ ଆଗାମୀ ଦିନରେ ଉଭା ହେବ ।
ସମ୍ମାନିତ ଅତିଥି ପ୍ରଫେସର ଅଲୋକ କୁମାର ଚକ୍ରବାଲ ଅଧ୍ୟାପକମାନେ କେବଳ ପାଠ୍ୟକ୍ରମ ନୁହେଁ, ଛାତ୍ରଛାତ୍ରୀଙ୍କୁ ଜୀବନ ଶିକ୍ଷା ଦେବା ଉପରେ ଜୋର ଦେଇଥିଲେ । ନାଲକୋର ଏଗ୍?ଜିକ୍ୟୁଟିଭ୍ ଡିରେକ୍ଟର ଶ୍ରୀ ନିରଞ୍ଜନ ସାମଲ, ବିଶ୍ୱବିଦ୍ୟାଳୟ ପରିବାରକୁ ଅଭିନନ୍ଦନ ଜଣାଇ ଭବିଷ୍ୟତରେ ଯେକୌଣସି ସାହାଯ୍ୟ ପାଇଁ ନାଲକୋ ପ୍ରସ୍ତୁତ ବୋଲି କହିଥିଲେ।
ଅନୁଷ୍ଠାନର ଆରମ୍ଭରେ ଡ଼. ରାକେଶ କୁମାର ଲେଙ୍କା ଉପସ୍ଥିତ ଅତିଥିମାନଙ୍କୁ ସ୍ୱାଗତ କରିଥିଲେ ଓ ଶେଷରେ ପ୍ରଫେସର ଭରତ କୁମାର ପଣ୍ଡା ଧନ୍ୟବାଦ ଜଣାଇଥିଲେ। ଏହି କାର?୍ୟ୍ୟକ୍ରମକୁ ପ୍ରଫେସର ରଥୀକାନ୍ତ କୁମ୍ଭାର ଓ ଡ଼. ସଂଜୟ କୁମାର ପ୍ରଧାନ ପରିଚାଳନା କରିଥିବେ ବେଳେ ଡ଼. ଅଲୋକ ବରାଳ କାର୍ଯ୍ୟକ୍ରମର ସଂଚାଳନ କରିଥିଲେ ବୋଲି ବିଶ୍ୱବିଦ୍ୟାଳୟର ଲୋକସମ୍ପର୍କ ଅଧିକାରୀ ଡ଼. ଫଗୁନାଥ ଭୋଇ ଜଣେଇଛନ୍ତି। ବିଭିନ୍ନ ଅତିଥିମାନଙ୍କ ମଧ୍ୟରେ ବୂଦାନ କର୍ମୀ କୃଷ୍ଣ ସିଂହ, ନେଭାଲ ଆମ୍ୟୁନିସନ୍ ଡିପୋ (ନ୍ୟାଡ୍) ର ଜେନେରାଲ୍ ମ୍ୟାନେଜର ମନମୋହନ୍ ଗୋୟଲ, ସି ଆର ପି ଏଫ କମାଣ୍ଡାଂଟ ଅନିଲ କୁମାର,କୋର୍ଟସ ର ନିଦେଶକ ପ୍ରଫେସର ପି.ସି. ମହାପାତ୍ର, ପ୍ରଫେସର ଜଗବନ୍ଧୁ ସାମଲ, ଡିଏଭି ସରକାରୀ କଲେଜ କୋରାପୁଟ ର ପ୍ରିନ୍ସପାଲ ଡ଼. ଦୀପକ କୁମାର ପଟ୍ଟନାୟକ, ସେମିଲିଗୁଡ଼ା କଲେଜର ପ୍ରିନ୍ସପାଲ ଡ଼. ଝାନ୍ସୀ ସିଂହ, ସୁନାବେଡା ମହିଳା କଲେଜ ର ପ୍ରିନ୍ସପାଲ ଡ଼. ଉଷାରାଣୀ ଦାଶ ଓ ବିଶ୍ୱବିଦ୍ୟାଳୟର ଅନେକ ଅଧ୍ୟାପକ, କର୍ମଚାରୀ, ଛାତ୍ରଛାତ୍ରୀ ଓ ଗବେଷକମାନେ ଉପସ୍ଥିତ ଥିଲେ। ସନ୍ଧ୍ୟା ସମୟରେ ଏହି ଅବସରରେ ଏକ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଲା।
ହିନ୍ଦୁସ୍ଥାନ ସମାଚାର / ପିକେପି
