ଜାତୀୟ କ୍ରୀଡ଼ା ଦିବସ, ପ୍ରଥମ ପଥ ଉତ୍ସବ ପାଳିତ
ଖୋର୍ଦ୍ଧା, ୨୯ ଅଗଷ୍ଟ(ହି.ସ.) – ଖୋର୍ଦ୍ଧା ପୌର ପରିଷଦ ଆନୁକୂଲ୍ୟରେ ନିଖିଳ ଭାରତ ସ୍ୱାୟତ ଶାସନ ଦିବସ -୨୦୨୫ ଓ ଜାତୀୟ କ୍ରୀଡ଼ା ଦିବସ ସମନ୍ୱିତ ଭାବେ ପାଳନ ଅବସରରେ ଖୋର୍ଦ୍ଧା ପ୍ରଥମ ପଥ ଉତ୍ସ୍ୱ ଶୁକ୍ରବାର ସମବାୟ ସମିତି ଲିଃ ବ୍ୟାଙ୍କ ଠାରୁ ଷ୍ଟେଟ ବ୍ୟାଙ୍କ ଛକ ପର୍ଯ୍ୟନ୍ତ ଆନନ୍ଦ ଉଲ୍ଲାସ ମଧ୍ୟରେ ପାଳ
Krida


ଜାତୀୟ କ୍ରୀଡା ଦିବସ


ଖୋର୍ଦ୍ଧା, ୨୯ ଅଗଷ୍ଟ(ହି.ସ.) – ଖୋର୍ଦ୍ଧା ପୌର ପରିଷଦ ଆନୁକୂଲ୍ୟରେ ନିଖିଳ ଭାରତ ସ୍ୱାୟତ ଶାସନ ଦିବସ -୨୦୨୫ ଓ ଜାତୀୟ କ୍ରୀଡ଼ା ଦିବସ ସମନ୍ୱିତ ଭାବେ ପାଳନ ଅବସରରେ ଖୋର୍ଦ୍ଧା ପ୍ରଥମ ପଥ ଉତ୍ସ୍ୱ ଶୁକ୍ରବାର ସମବାୟ ସମିତି ଲିଃ ବ୍ୟାଙ୍କ ଠାରୁ ଷ୍ଟେଟ ବ୍ୟାଙ୍କ ଛକ ପର୍ଯ୍ୟନ୍ତ ଆନନ୍ଦ ଉଲ୍ଲାସ ମଧ୍ୟରେ ପାଳିତ ହୋଇଯାଇଛି। ଏହି ଅବସରରେ ଉପଜିଲ୍ଲାପାଳ କିଶୋର କୁମାର ପଣ୍ଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସାଧାରଣ ସଭାରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ରୁପଶ୍ରୀ ରାଣୀ ଗୁମାସିଂହ ଯୋଗଦେଇ ପଥ ଉତ୍ସ୍ୱ ଓ କ୍ରୀଡ଼ା ଉତ୍ସବ ନିର୍ମଳ ମନ ଓ ସୁସ୍ଥ ଶରୀର ପାଇଁ ଏକ ଗଭୀର ପ୍ରଭାବ ପକାଇବ। ଖୋର୍ଦ୍ଧା ସହରର ଜନସାଧାରଣ ମାନେ ଶିକ୍ଷା, ସୂଚନା ଓ ମନୋରଞ୍ଜନର ଏକ ହର୍ଶୋଲ୍ଲାଷ ପରିବେଶରେ ସ୍ୱଚ୍ଛତା, ଆମ ସହର ଆମରାସ୍ତା, ସୁସ୍ଥ ଶରୀର ପାଇଁ ଯୋଗ, ଏବଂ ଝିଅମାନଙ୍କ ଆତ୍ମସୁରକ୍ଷା ପାଇଁ କରାଟେ ପ୍ରଦର୍ଶନ ଛାତ୍ର ଛାତ୍ରୀମାନଙ୍କୁ ଶିକ୍ଷସହ ଖେଲୋ ଇଣ୍ଡିଆ ଯୋଜନା ସହିତ ଯୋଡ଼ି ସମାଜକୁ ଏବଂ ରାଷ୍ଟ୍ରକୁ ଆଗକୁ ବଢ଼ିବାରେ ସହାୟକ ହେବ କହିଥିଲେ କ୍ଷ ସମ୍ମାନିତ ଅତିଥି ଭାବେ ମାନ୍ୟବର ସାଂସଦଙ୍କ ପ୍ରତିନିଧି ଦିଲ୍ଲୀପ କୁମାର ହୋତା, ଖୋର୍ଦ୍ଧା ପୌର ପରିଷଦ ଅଧ୍ୟକ୍ଷା କନକ ଲକ୍ଷ୍ମୀ ମହାନ୍ତି, ଉପାଧ୍ୟକ୍ଷ ସୌର୍ଯ୍ୟ ରଞ୍ଜନ ମହାନ୍ତି, ଜିଲ୍ଲା କ୍ରୀଡ଼ା ଅଧିକାରୀ ଗୀତାଞ୍ଜଳି ପଣ୍ଡା ଭାରତ ସରକାରଙ୍କ ଚଳିତ ୨୦୨୫ ନିଖିଳ ଭାରତ ସ୍ୱାୟତ ଶାସନ ଦିବସ ଏବଂ ଜାତୀୟ କ୍ରୀଡା ଦିବସରେ ପଥ ଉତ୍ସବ ଏକ ଅଭିନବ କୌଶଳ ଯାହା ଖେଳ ଇଣ୍ଡିଆ ଯୋଜନା ଏବଂ ସ୍ୱଚ୍ଛ ଭାରତ ମିଶନ ଓ ଯୋଗାଭ୍ୟାସ ଯୋଜନାକୁ ଚରିତାର୍ଥ କରିବ ବୋଲି ଉଦବୋଧନ ରଖିଥିଲେ। ସଭାର ସଭାପତି ଉପଜିଲ୍ଲାପାଳ ଖୋର୍ଦ୍ଧା କିଶୋର କୁମାର ପଣ୍ଡା ଖେଳ ଇଣ୍ଡିଆ ର ଶପଥ ପାଠ କରାଇଥିଲେ କ୍ଷ ପ୍ରାରମ୍ଭରେ ଖୋର୍ଦ୍ଧା ପୌର ପରିଷଦ ନିର୍ବାହୀ ଅଧିକାରୀ ରିଜ୍ୱାନା କଅକବ ପଥ ଉତ୍ସ୍ୱର ଉଦେଶ୍ୟ ଓ ଆଭିମୁଖ୍ୟ ତଥା ସ୍ୱାଗତ ଭାଷଣ ପ୍ରଦାନ କରିଥିଲେ ଏବଂ ବି ଡି ଓ, କ୍ଷୀରାଦ୍ୱି ତନୟା ସାହୁ ଧନ୍ୟବାଦ ପ୍ରଦାନ କରିଥିଲେ କ୍ଷ ପ୍ରାରମ୍ଭରେ ଅତିଥି ମାନଙ୍କୁ ଉତରୀୟ ଓ ପୁଷ୍ପ ଗୁଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ପଥ ଉତ୍ସ୍ୱ ସମାରୋହରେ ରଙ୍ଗୋଲି, ବାଲୁକା କଳା, ଜିଲ୍ଲା କ୍ରୀଡ଼ା ଅଧିକାରୀ ଗୀତାଞ୍ଜଳି ପଣ୍ଡାଙ୍କ ପରିଚାଳନାରେ କରାଟେ ପ୍ରଦର୍ଶନୀ, ଯୁଡୋ ପ୍ରଦର୍ଶନୀ, ଏସ ଆର ଫିଟନେସ ଟିମ୍ , ଖୋର୍ଦ୍ଧା ଜୁମ୍ବୋ ଏକ୍ସର୍ଷାଇଯ, କବିରାଜ ପ୍ରଧାନ ଏବଂ ଦଳ ପାଇକ ଆଖଡ଼ା, ମୂର୍ଚ୍ଛନା ଡାନ୍ସ ଏକାଡେମୀ, ଗୋଟିପୁଅ ନୃତ୍ୟ, ନୃତ୍ୟାଞ୍ଜଳି ଅନୁଷ୍ଠାନ ସମ୍ବଲପୁରୀ ନୃତ୍ୟ, ଡାନ୍ସ ଗ୍ରୁପ, ମା ମଙ୍ଗଳା ପାଇକ ଆଖଡ଼ା ଦ୍ୱାରା ପାଇକ ନୃତ୍ୟ, ନୃତ୍ୟାୟନ କଳାକାରଙ୍କ ଦ୍ୱାରା ସମ୍ବଲପୁରୀ ନୃତ୍ୟ, ଗଣପତି ନୃତ୍ୟ,ଦେଶାତ୍ମବୋଧକ ନୃତ୍ୟ ସଙ୍ଗୀତ ଓ ମା ଚଇତାଳି ଘୋଡ଼ା ନାଚ ଅନୁଷ୍ଠାନ ପକ୍ଷରୁ ଚିତାକର୍ଷକ ମନୋରଞ୍ଜନ ଶିକ୍ଷଣୀୟ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ସେହିପରି ସ୍ୱୟଂ ସହାୟିକା ଗୋଷ୍ଠୀ ମାନଙ୍କ ଦ୍ୱାରା ଖାଦ୍ୟ ପିଠାପଣା ଆୟୋଜନ କରାଯାଇଥିଲା। ସମାରୋହରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଲକ୍ଷ୍ମଣ କୁମାର ବେହେରା, ବହୁ ବୁଦ୍ଧିଜୀବୀ, ସହରର ମାନ୍ୟଗଣ୍ୟ ବ୍ୟକ୍ତି, ସମସ୍ତ କାଉନସିଲର ଓ ବହୁ ଜନସମାଗମ ସହ ଗଣମାଧ୍ୟମ ପ୍ରତିନିଧି ବୃନ୍ଦ ଯୋଗଦେଇଥିଲେ।

ହିନ୍ଦୁସ୍ଥାନ ସମାଚାର/ରାକେଶ/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ରାକେଶ


 rajesh pande