ଡେରାଡୁନ୍, ୨୯ ଅଗଷ୍ଟ (ହି.ସ.)- ଉତରାଖଣ୍ଡରେ ପୁଣି ଥରେ ବର୍ଷା ତାଣ୍ଡବ ରଚିଛି । ରୁଦ୍ରପ୍ରୟାଗ, ଚାମୋଲି, ତିହରି ଏବଂ ବାଗେଶ୍ୱରରେ ବାଦଲ ଫଟା ବର୍ଷା ଯୋଗୁଁ ବିପୁଳ କ୍ଷୟକ୍ଷତି ଘଟିଛି । ଏହି ଘଟଣା ପରେ ସେଠାରେ ଅନେକ ଲୋକ ଫସି ରହିଥିବା ଏବଂ ନିଖୋଜ ଥିବା ସୂଚନା ମିଳିଛି । ପ୍ରଶାସନ ନିରନ୍ତର ଉଦ୍ଧାର କାର୍ଯ୍ୟ ଚଳାଇଛି । ଏହି ଅଭିଯାନରେ ଏପର୍ଯ୍ୟନ୍ତ ଭଗ୍ନାବଶେଷରୁ ଚାରି ଜଣଙ୍କ ମୃତଦେହ ଉଦ୍ଧାର କରାଯାଇଛି । ଏଥିମଧ୍ୟରୁ ଚାମୋଲି ଜିଲ୍ଲାର ଦେୱାଲ ତହସିଲ ଅନ୍ତର୍ଗତ ମୋପାଟା ଗାଁ ଏବଂ ବାଗେଶ୍ୱର ଜିଲ୍ଲାର ପଂଚାୟତ ପାଉସାରି ଗାଁରେ ୨-୨ ମୃତଦେହ ମିଳିଛି । ଚାମାଲିର ଚେନାଗଡ ବଜାରରେ ବନ୍ୟା ପାଣି ଆଣିଥିବା ଭଗ୍ନାବଶେଷରେ ପୋତି ହୋଇଥିବା ଲୋକଙ୍କ ସନ୍ଧାନ ଜାରି ରହିଛି । ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ରୁଦ୍ରପ୍ରୟାଗ, ଚାମୋଲି, ତିହରି ଏବଂ ବାଗେଶ୍ୱରରେ ବାଦଲଫାଟିବା ଯୋଗୁଁ ହୋଇଥିବା କ୍ଷୟକ୍ଷତି ବିଷୟରେ ସୂଚନା ନେଇଛନ୍ତି ଏବଂ ପ୍ରଭାବିତ ଲୋକଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ନେବା ପାଇଁ ନିର୍ଦ୍ଦେଶ ଦେଇଛନ୍ତି ।
ଚାମୋଲି ମୁଖ୍ୟ ଉନ୍ନୟନ ଅଧିକାରୀ ଡକ୍ଟର ଅଭିଷେକ ତ୍ରିପାଠି କହିଛନ୍ତି ଯେ, ବିପର୍ଯ୍ୟୟ ପ୍ରଭାବିତ ଅଂଚଳରେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଦ୍ରୁତ ଗତିରେ ଚାଲିଛି । ଜିଲ୍ଲାର ଦେୱାଲ ତହସିଲ ଅନ୍ତର୍ଗତ ମୋପାଟା ଗାଁରେ ଉଦ୍ଧାର କାର୍ଯ୍ୟ ଚାଲିଛି । ଇତିମଧ୍ୟରେ ସୂଚନା ମିଳିଛି ଯେ, ଚାମୋଲି ଜିଲ୍ଲାର ଦେୱାଲ ତହସିଲର ମୋପାଟା ଗାଁରେ ଭଗ୍ନାବଶେଷ ତଳେ ପୋତି ହୋଇଥିବା ଦୁଇ ଜଣଙ୍କ ମୃତଦେହ ଉଦ୍ଧାର ହୋଇଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ