ମୁମ୍ବାଇ, ୨୯ ଅଗଷ୍ଟ (ହିସ)- ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭାରତୀୟ ଉତ୍ପାଦ ଉପରେ ଅତିରିକ୍ତ ୨୫ ପ୍ରତିଶତ ଶୁଳ୍କ ଲାଗୁ ମଧ୍ୟରେ ବୈଦେଶିକ ମୁଦ୍ରା ଭଣ୍ଡାର ହ୍ରାସ ପାଇଛି। ୨୨ ଅଗଷ୍ଟରେ ଶେଷ ହୋଇଥିବା ସପ୍ତାହରେ ଦେଶର ବୈଦେଶିକ ମୁଦ୍ରା ଭଣ୍ଡାର ୪.୩୮ ବିଲିୟନ ଡଲାର ହ୍ରାସ ପାଇ ୬୯୦.୭୨ ବିଲିୟନ ଡଲାର ହୋଇଛି। ପୂର୍ବ ସପ୍ତାହରେ, ମୋଟ ବୈଦେଶିକ ମୁଦ୍ରା ଭଣ୍ଡାର ୧.୪୯ ବିଲିୟନ ଡଲାର ବୃଦ୍ଧି ପାଇ ୬୯୫.୧୧ ବିଲିୟନ ଡଲାର ହୋଇଛି।
ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ଶୁକ୍ରବାର ପ୍ରକାଶିତ ତଥ୍ୟରେ କହିଛି ଯେ ବିଦେଶୀ ମୁଦ୍ରା ଭଣ୍ଡାରର ଏକ ପ୍ରମୁଖ ଅଂଶ, ବିଦେଶୀ ମୁଦ୍ରା ସମ୍ପତି ଅଗଷ୍ଟ ୨୨ ତାରିଖରେ ଶେଷ ହୋଇଥିବା ସପ୍ତାହରେ ୩.୬୫ ବିଲିୟନ ଡଲାର ହ୍ରାସ ପାଇ ୫୮୨.୨୫ ବିଲିୟନ ଡଲାର ହୋଇଛି। ଏହି ସମୟ ମଧ୍ୟରେ, ସୁନା ଭଣ୍ଡାରର ମୂଲ୍ୟ ୬୬୫ ନିୟୁତ ଡଲାର ହ୍ରାସ ପାଇ ୮୫ ବିଲିୟନ ଡଲାର ହୋଇଛି। ତଥ୍ୟ ଅନୁଯାୟୀ, ଏହି ସମୟ ମଧ୍ୟରେ ସ୍ୱତନ୍ତ୍ର ଡ୍ରଇଂ ରାଇଟ୍ସ (ଏସଡିଆର) ୪୬ ନିୟୁତ ଡଲାର ହ୍ରାସ ପାଇ ୧୮.୭୪ ବିଲିୟନ ଡଲାର ହୋଇଛି। ଆରବିଆଇ ଅନୁଯାୟୀ, ଅଗଷ୍ଟ ୨୨ ତାରିଖରେ ଶେଷ ହୋଇଥିବା ସପ୍ତାହରେ ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମଏଫ୍ ) ସହିତ ଭାରତର ରିଜର୍ଭ ମଧ୍ୟ ୨୩ ନିୟୁତ ଡଲାର ହ୍ରାସ ପାଇ ୪.୭୩ ବିଲିୟନ ଡଲାର ହୋଇଛି।
ସେପ୍େଟମ୍ବର ୨୦୨୪ ଶେଷରେ ଦେଶର ବୈଦେଶିକ ମୁଦ୍ରା ଭଣ୍ଡାର ସର୍ବକାଳୀନ ସର୍ବାଧିକ ୭୦୪.୮୮ ବିଲିୟନ ଡଲାରରେ ପହଂଚିଥିଲା।
------------------
---------------
ହିନ୍ଦୁସ୍ଥାନ ସମାଚାର / ଗଗନ