ଧର୍ମଶାଳା,୨୯ ଅଗଷ୍ଟ(ହି.ସ.) - ପବିତ୍ର ଗଣେଶ ଚତୃର୍ଥୀ ନିମନ୍ତେ ଗାଁ ଗହଳିରେ ଉତ୍ସବ ଜମିବାରେ ଲାଗିଛି। ଏନେଇ ଯାଜପୁର ଜିଲା ରସୁଲପୁର ବ୍ଳକ ବିଭିନ୍ନ ଅଂଚଳରେ ଆଧ୍ୟାତ୍ମିକ ପରିବେଶରେ ଧୂମଧାମରେ ପାଳିତ ହେଉଛି ଗଣେଶ ପୂଜା । ସନ୍ଧ୍ୟାରେ ପୂଜା ମଣ୍ଡପମାନଙ୍କରେ ବଡବଡ ତୋରଣ ସଂଗକୁ ସୁସଜ୍ଜିତ ଆଲୋକମାଳା ମଣ୍ଡପ ଝଲସୁଥିବା ଦେଖିବାକୁ ମିଳିଛି । ଏହାକୁ ଦେଖିବା ପାଇଁ ପ୍ରବଳ ଜନସମାଗମ ହେଉଥିବା ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ଯୁବ ସମାଜସେବୀ ଦିବ୍ୟଜ୍ୟୋତି ପତି ବିଭିନ୍ନ ପୂଜା ମଣ୍ଡପ ବୁଲି ଆଶିଷ ଭିକ୍ଷା କରିଛନ୍ତି । ଏହି ଅବସରରେ ବ୍ରହ୍ମବରଦା ବରଦାସାହିସ୍ଥିତ ମା’ମଙ୍ଗଳା ପୂଜା ମଣ୍ଡପରେ ପଂହଚିବା ପରେ ତାଙ୍କୁ କମିଟି ପକ୍ଷରୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦିଆ ଯାଇଥିଲା । ପରେ ଶ୍ରୀପତି ଯାଜପୁର ବ୍ଲକ ଅନ୍ତର୍ଗତ ଝାଲପଡା ପଂଚାୟତର ବିଭିନ୍ନ ପୂଜା ମଣ୍ଡପ ବୁଲିବା ସହିତ ପ୍ରଭୁ ଗଜାନନଙ୍କ ଦର୍ଶନ କରିଥିଲେ।

ହିନ୍ଦୁସ୍ଥାନ ସମାଚାର / ଚିନ୍ମୟ