ଚେନ୍ନାଇ, ୩୦ ଅଗଷ୍ଟ (ହି.ସ.)- ରାଜ୍ୟରେ ଶିଳ୍ପ ନିବେଶକୁ ଆକର୍ଷିତ କରିବା ଲକ୍ଷ୍ୟରେ ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଶନିବାର ଏକ ସପ୍ତାହ ବ୍ୟାପୀ ଜର୍ମାନୀ ଏବଂ ଇଂଲଣ୍ଡ ଗସ୍ତରେ ଯାଇଛନ୍ତି । ସେ ଆସନ୍ତାକାଲି (୩୧ ଅଗଷ୍ଟ) 'ୟୁରୋପରେ ମହାନ ତାମିଲ ସ୍ୱପ୍ନ - ୨୦୨୫' କାର୍ଯ୍ୟକ୍ରମରେ ଅଂଶଗ୍ରହଣ କରି ଜର୍ମାନୀରେ ତାମିଲମାନଙ୍କୁ ଭେଟିବେ ।

ତାମିଲନାଡୁ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ ଆଜି ସକାଳ ୯ଟାରେ ଚେନ୍ନାଇ ବିମାନବନ୍ଦରରୁ ଜର୍ମାନୀ ଅଭିମୁଖେ ଯାତ୍ରା କରିଛନ୍ତି । ଚେନ୍ନାଇ ବିମାନବନ୍ଦରରେ ସାମ୍ବାଦିକଙ୍କ ସହ କଥାବାର୍ତା କରି ସେ କହିଛନ୍ତି, ମୁଁ ଜର୍ମାନୀ ଏବଂ ଇଂଲଣ୍ଡ ଗସ୍ତରେ ଯାଉଛି । ଯାତ୍ରା ଶେଷ କରିବା ପରେ ମୁଁ ସେପ୍ଟେମ୍ବର ୮ ରେ ଚେନ୍ନାଇ ଫେରିବି । ମୋର ଗସ୍ତର ଉଦ୍ଦେଶ୍ୟ ତାମିଲନାଡୁରେ ବ୍ୟବସାୟିକ ନିବେଶକୁ ଆକର୍ଷିତ କରିବା ଏବଂ ନୂତନ ଚୁକ୍ତିନାମା ସ୍ୱାକ୍ଷର କରିବା ହେବ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ