ଲକ୍ଷ୍ନୌ, ୩୦ ଅଗଷ୍ଟ (ହି.ସ.)- ଉତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଉପରେ ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରାଙ୍କ ମନ୍ତବ୍ୟକୁ କଡ଼ା ସମାଲୋଚନା କରିଛନ୍ତି । ମୁଖ୍ୟମନ୍ତ୍ରୀ ଯୋଗୀ ଶନିବାର ଏକ୍ସ ପୋଷ୍ଟରେ ଲେଖିଛନ୍ତି ଯେ, ଗୃହମନ୍ତ୍ରୀ ଅମିତ ଶାହଙ୍କ ଉପରେ ତୃଣମୂଳ ସାଂସଦଙ୍କ ଦ୍ୱାରା କରାଯାଇଥିବା ଅଣସଂସଦୀୟ ଏବଂ ଆପତିଜନକ ମନ୍ତବ୍ୟ ଅକ୍ଷମଣୀୟ ଏବଂ ଅତ୍ୟନ୍ତ ନିନ୍ଦନୀୟ । ତୃଣମୂଳ କଂଗ୍ରେସର ରାଜନୈତିକ ଖରାପ ଆଚରଣକୁ ପ୍ରକାଶ କରୁଥିବା ଏହି ମନ୍ତବ୍ୟ ଭାରତୀୟ ଗଣତାନ୍ତ୍ରିକ ମୂଲ୍ୟବୋଧରେ ବିଶ୍ୱାସ କରୁଥିବା ପ୍ରତ୍ୟେକ ଭାରତୀୟଙ୍କ ପାଇଁ ଅପମାନ । ଏହି ଅଶାଳୀନ ମନ୍ତବ୍ୟ ପାଇଁ ତୃଣମୂଳ କଂଗ୍ରେସ ତୁରନ୍ତ ସମଗ୍ର ଦେଶକୁ କ୍ଷମା ମାଗିବା ଉଚିତ୍ ।

ଏକ ଭାଇରାଲ ଭିଡିଓରେ, ସାଂସଦ ମୋଇତ୍ରା କହୁଥିବା ଦେଖାଯାଉଛି ଯେ, ଅନୁପ୍ରବେଶ ବନ୍ଦ କରିବା ଗୃହ ମନ୍ତ୍ରଣାଳୟର ଦାୟିତ୍ୱ, ଯେଉଁଥିରେ ଗୃହମନ୍ତ୍ରୀ ଅମିତ ଶାହ ବିଫଳ ହୋଇଛନ୍ତି । ତେଣୁ, ତାଙ୍କ ମୁଣ୍ଡ କାଟି ପ୍ରଧାନମନ୍ତ୍ରୀଙ୍କ ଟେବୁଲରେ ରଖିବା ଉଚିତ୍ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ