ଶ୍ରୀନଗର, ୬ ସେପ୍ଟେମ୍ବର (ହି.ସ.)- କେନ୍ଦ୍ର ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା ମନ୍ତ୍ରୀ ଡକ୍ଟର ଜିତେନ୍ଦ୍ର ସିଂହ ଶନିବାର କହିଛନ୍ତି ଯେ, ଜମ୍ମୁ ଏବଂ କାଶ୍ମୀରରେ ଭୂସ୍ଖଳନ ଏବଂ ବର୍ଷା ଯୋଗୁଁ ହୋଇଥିବା ପ୍ରଚଣ୍ଡ କ୍ଷତି ପରେ କିସ୍ତୱାଡ଼ ଏବଂ ଉଧମପୁର ଜିଲ୍ଲାରେ ବନ୍ଦ ଥିବା ସଡ଼କ ସଂଯୋଗ ପୁନଃସ୍ଥାପନ କରିବାରେ ଗୁରୁତ୍ୱପୂର୍ଣ୍ଣ ପ୍ରଗତି ହୋଇଛି ।

ଡକ୍ଟର ଜିତେନ୍ଦ୍ର ସିଂହ ତାଙ୍କ ପୋଷ୍ଟରେ କହିଛନ୍ତି ଯେ, ଥାଥ୍ରୀରୁ କିସ୍ତୱାଡ଼ ପର୍ଯ୍ୟନ୍ତ ଜାତୀୟ ରାଜପଥ ନମ୍ବର ୨୪୪ ରେ ଭୂସ୍ଖଳନ ଅଂଚଳକୁ ବାଇପାସ୍ କରି ଖୋଲାଯାଇଛି, ଯେତେବେଳେକି କିସ୍ତୱାଡ଼-ଚତରୁ-ସିନ୍ଥନ ଟପ୍ ରାସ୍ତା ଗତକାଲି (ଶୁକ୍ରବାର) ଭାରୀ ପଥର ହଟାଇବା ପାଇଁ ବ୍ଲାଷ୍ଟିଂ କାର୍ଯ୍ୟ ପରେ ଆଜି (ଶନିବାର) ଖୋଲାଯିବ । ଉଧମପୁର ଜିଲ୍ଲାର ୪୦୦ କ୍ଷତିଗ୍ରସ୍ତ ରାସ୍ତା ମଧ୍ୟରୁ ୫୦ ପ୍ରତିଶତରୁ ଅଧିକ ରାସ୍ତାକୁ ପୁନଃସ୍ଥାପନ କରାଯାଇଛି । ପ୍ରତିକୂଳ ପାଗ ସତ୍ୱେ, ଜାତୀୟ ରାଜପଥରେ ଟ୍ରାଫିକ ପୁନରୁଦ୍ଧାର କାର୍ଯ୍ୟ ଚାଲିଛି ଏବଂ ଦିନେ କିମ୍ବା ଦୁଇ ଦିନ ମଧ୍ୟରେ ସୁଗମ ଯାତାୟାତ ପାଇଁ ରାସ୍ତାଗୁଡ଼ିକୁ ପୁନଃସ୍ଥାପନ କରାଯିବ ବୋଲି ଆଶା କରାଯାଉଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ