ନୂଆଦିଲ୍ଲୀ, 01 ଜାନୁଆରି (ହି.ସ.)-ଭାରତୀୟ ରେଲୱେ ବନ୍ଦେ ଭାରତ ଟ୍ରେନ୍‌ ସେଟର ସ୍ଲିପର ସଂସ୍କରଣ

ପ୍ରସ୍ତୁତ ହୋଇସାରିଛି ଏବଂ ଏହାର ଉଦ୍‌ଘାଟନ ଏହି ମାସରେ ହେବ।

ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଗୁରୁବାର ଏଠାରେ ଘୋଷଣା କରି କହିଛନ୍ତି ଯେ ଏହି ମାସରେ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗ୍ୱୌହାଟି ଓ ହାୱଡ଼ା ମଧ୍ୟରେ ଏହି ଟ୍ରେନ୍‌ର ଉଦ୍‌ଘାଟନ

କରିବେ।

ସେ କହିଛନ୍ତି ଯେ ଏହି ଟ୍ରେନ୍‌ ଉଭୟ ଦିଗରୁ ସନ୍ଧ୍ୟାବେଳେ ଚାଲି ପରବର୍ତ୍ତୀ ଦିନ ସକାଳେ

ସଠିକ୍‌ ସମୟରେ ଗନ୍ତବ୍ୟ ସ୍ଥାନରେ ପହଞ୍ଚିବ। ୧୬ଟି କୋଚ୍‌ ଥିବା ଏହି ଟ୍ରେନ୍‌ରେ ୧୧ଟି ଏସି–୩ କୋଚ୍‌,

୪ଟି

ଏସି–୨ କୋଚ୍‌ ଏବଂ ୧ଟି ଏସି–୧ କୋଚ୍‌ ରହିବ। ଟ୍ରେନ୍‌ରେ

ସମୁଦାୟ ୮୨୩ ଯାତ୍ରୀଙ୍କୁ ଯାତ୍ରା କରିବାର କ୍ଷମତା ରହିଛି। ଗୋଟିଏ ଏସି–୩ କୋଚ୍‌ରେ ୫୬ ଜଣ,

ଏସି–୨ କୋଚ୍‌ରେ ୪୭ ଜଣ ଏବଂ

ଏସି–୧ କୋଚ୍‌ରେ ୨୪ ଜଣ ଯାତ୍ରୀ ଯାତ୍ରା କରିପାରିବେ।

ସେ ଆହୁରି କହିଛନ୍ତି ଯେ ଗ୍ୱୌହାଟିରୁ ଚାଲୁଥିବା ଟ୍ରେନ୍‌ରେ ଆସାମୀୟ ଖାଦ୍ୟ ଏବଂ କୋଲକାତା

(ହାଉଡ଼ା)ରୁ ଚାଲୁଥିବା ଟ୍ରେନ୍‌ରେ ବଙ୍ଗାଳୀ ଖାଦ୍ୟ ପରିବେଶଣ କରାଯିବ। ଖାଦ୍ୟ ପାଇଁ ନୂତନ

ସ୍ଥାନୀୟ ଭେଣ୍ଡରମାନଙ୍କୁ ଚୁକ୍ତିଭିତ୍ତିକ ଭାବେ ନିଯୁକ୍ତ କରାଯିବ। ଏହି ଟ୍ରେନ୍‌ରେ କମ୍ବଳ,

ଚାଦର,

ତକିଆ

ଇତ୍ୟାଦିର ଟେକ୍ନୋଲୋଜି ଆଧାରିତ ଧୋଇବା ଓ ସଫାକରଣ ପାଇଁ ବିଶେଷ ବ୍ୟବସ୍ଥା କରାଯାଇଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା