ଚା ପ୍ରାୟ ୨୫.୭୪ ଲକ୍ଷ ନୂଆ ଏମଏସଏମଇ ହିତାଧିକାରୀଙ୍କୁ ସାମିଲ କରାଯିବ

ନୂଆଦିଲ୍ଲୀ, ଜାନୁଆରୀ ୨୧ (ହି.ସ)- ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ଭାରତୀୟ ଲଘୁ ଉଦ୍ୟୋଗ ବିକାଶ ବ୍ୟାଙ୍କ (ସିଡବି)କୁ ଅତିରିକ୍ତ ୫ ହଜାର କୋଟି ଟଙ୍କାର ଇକ୍ୟୁଟି ସହାୟତା ଯୋଗାଇ ଦେବା ପ୍ରସ୍ତାବକୁ ଅନୁମୋଦନ କରାଯାଇଛି।

କେନ୍ଦ୍ର ସରକାରଙ୍କ ବିତ୍ତୀୟ ସେବା ବିଭାଗ (ଡିଏଫଏସ) ତିନୋଟି କିସ୍ତିରେ ୫ ହଜାର କୋଟି ଟଙ୍କାର ଇକ୍ୟୁଟି ପୁଞ୍ଜି ସିଡବିରେ ବିନିଯୋଗ କରିବ। ୨୦୨୫-୨୬ ଆର୍ôଥକ ବର୍ଷ ଲାଗି ୫୬୮.୬୫ ଟଙ୍କାର ବୁକ୍ ଭେଲ୍ୟୁ ଆଧାରରେ ୩ ହଜାର କୋଟି ଟଙ୍କା ଯୋଗାଇ ଦିଆଯିବ। ୨୦୨୬-୨୭ ଏବଂ ୨୦୨୭-୨୮ ଆର୍ôଥକ ବର୍ଷ ଲାଗି ପୂର୍ବ ଆର୍ôଥକ ବର୍ଷର ୩୧ ମାର୍ଚ୍ଚ ସୁଦ୍ଧା ରହିଥିବା ବୁକ୍ ଭେଲ୍ୟୁ ଆଧାରରେ ୧,୦୦୦ କୋଟି ଟଙ୍କା ଲେଖାଏଁ ପୁଞ୍ଜି ବିନିଯୋଗ କରାଯିବ।

୫୦୦୦ କୋଟି ଟଙ୍କାର ଇକ୍ୟୁଟି ପୁଞ୍ଜି ବିନିଯୋଗ ପରେ ୨୦୨୫ ଆର୍ôଥକ ବର୍ଷ ସୁଦ୍ଧା ଆର୍ôଥକ ସହାୟତା ପାଉଥିବା ଏମଏସଏମଇଗୁଡ଼ିକ ସଂଖ୍ୟା ୭୬.୨୬ ଲକ୍ଷରୁ ବୃଦ୍ଧି ପାଇ ୨୦୨୮ ଆର୍ôଥକ ବର୍ଷ ଶେଷ ସୁଦ୍ଧା ୧ କୋଟି ୨ ଲକ୍ଷରେ ପହଂଚିବ ବୋଲି ଆଶା କରାଯାଉଛି। ଏହାର ଅର୍ଥ ହେଉଛି ପାଖାପାଖି ୨୫.୭୪ ଲକ୍ଷ ନୂଆ ଏମଏସଏମଇ ହିତାଧିକାରୀ ସାମିଲ ହୋଇପାରିବେ। ଏମଏସଏମଇ ମନ୍ତ୍ରଣାଳୟର ସଦ୍ୟତମ ତଥ୍ୟ ମୁତାବକ, ୬.୯୦ କୋଟି ଏମଏସଏମଇ ଉଦ୍ୟୋଗ ଦ୍ୱାରା ୩୦.୧୬ କୋଟି ନିଯୁକ୍ତି ସୁଯୋଗ ସୃଷ୍ଟି ହୋଇଛି, ଅର୍ଥାତ୍ ପ୍ରତ୍ୟେକ ଏମଏସଏମଇ ହାରାହାରୀ ୪.୩୭ ବ୍ୟକ୍ତିଙ୍କୁ ରୋଜଗାର ଦେଉଛି । ଏହି ହାରକୁ ଧ୍ୟାନରେ ରଖିଲେ, ଆର୍ôଥକ ବର୍ଷ ୨୦୨୭-୨୮ ଶେଷ ସୁଦ୍ଧା ୨୫.୭୪ ଲକ୍ଷ ନୂଆ ଏମଏସଏମଇ ଆନୁମାନିକ ୧.୧୨ କୋଟି ନିଯୁକ୍ତି ସୃଷ୍ଟି କରିବେ।

ଆଗାମୀ ପାଂଚ ବର୍ଷ ମଧ୍ୟରେ ନିର୍ଦ୍ଦେଶିତ ଋଣ ଯୋଗାଣ ଏବଂ ସେହି ପୋର୍ଟଫୋଲିଓରେ ଆଶା କରାଯାଇଥିବା ଅଭିବୃଦ୍ଧି ଉପରେ ଧ୍ୟାନ ଦେଇ, ସିଡବିର ବାଲାନ୍ସ ସିଟରେ ବିପଦ-ଭାରଯୁକ୍ତ ସମ୍ପତି ଉଲ୍ଲେଖନୀୟ ଭାବରେ ବୃଦ୍ଧି ପାଇବାର ଆଶା କରାଯାଉଛି। ଏହି ବୃଦ୍ଧି ପାଇଁ ପୁଞ୍ଜିରୁ ବିପଦ-ଭାରଯୁକ୍ତ ସମ୍ପତି ଅନୁପାତ (ସିଆରଏଆର)ର ସମାନ ସ୍ତରକୁ ବଜାୟ ରଖିବା ଲାଗି ଅଧିକ ପୁଞ୍ଜି ଆବଶ୍ୟକ ହେବ। ଏହା ସହିତ, ଋଣ ପ୍ରବାହ ବୃଦ୍ଧି କରିବା ପାଇଁ ସିଡବି ଦ୍ୱାରା ବିକଶିତ ଡିଜିଟାଲ୍ ଏବଂ ଡିଜିଟାଲ୍ ରୂପେ ସକ୍ଷମ, ସମାନ୍ତରାଳ-ମୁକ୍ତ ଋଣ ଉତ୍ପାଦ ଏବଂ ଷ୍ଟାର୍ଟ-ଅପ୍ସକୁ ପ୍ରଦାନ କରାଯାଉଥିବା ଉଦ୍ୟୋଗ ଋଣ ମଧ୍ୟ ବିପଦ-ଭାରଯୁକ୍ତ ସମ୍ପତ୍ତିକୁ ବୃଦ୍ଧି କରିବ। ଫଳରେ ଏକ ସୁସ୍ଥ ସିଆରଏଆର ବଜାୟ ରଖିବା ପାଇଁ ଅଧିକ ପୁଞ୍ଜି ଆବଶ୍ୟକତା ପଡ଼ିବ।

ନିର୍ଦ୍ଧାରିତ ସ୍ତର ଠାରୁ ଯଥେଷ୍ଟ ଉପରେ ସୁସ୍ଥ ସିଆରଏଆରକୁ ବଜାୟ ରଖିବା କ୍ରେଡିଟ୍ ରେଟିଂର ସୁରକ୍ଷା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଅତିରିକ୍ତ ଇକ୍ୱିଟି ପୁଞ୍ଜିର ପ୍ରବେଶ ଦ୍ୱାରା ଏକ ସୁସ୍ଥ ସିଆରଏଆର ବଜାୟ ରଖିବାରେ ସିଡବିକୁ ଲାଭ ମିଳିବ। ଏହି ଅତିରିକ୍ତ ପୁଞ୍ଜି ବିନିଯୋଗ ସିଡବିକୁ ଯୁକ୍ତିସଂଗତ ସୁଧ ହାରରେ ସମ୍ବଳ ସଂଗ୍ରହ କରିବାରେ ସାହାଯ୍ୟ କରିବ, ଯାହାଦ୍ୱାରା ପ୍ରତିଯୋଗିତାମୂଳକ ମୂଲ୍ୟରେ ଲଘୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (ଏମଏସଏମଇ) ଗୁଡ଼ିକୁ ଋଣ ପ୍ରବାହ ବୃଦ୍ଧି ପାଇବ। ପ୍ରସ୍ତାବିତ ପର୍ଯ୍ୟାୟ କ୍ରମିକ ଇକ୍ୱିଟି ପୁଞ୍ଜିର ବିନିଯୋଗ ଦ୍ୱାରା ସିଡବି ଆଗାମୀ ତିନି ବର୍ଷ ମଧ୍ୟରେ ଉଚ୍ଚ ଚାପ ପରିସ୍ଥିତିରେ ସିଆରଏଆରକୁ ୧୦.୫୦ ପ୍ରତିଶତରୁ ଅଧିକ ଏବଂ ପିଲାର୧ ଏବଂ ପିଲାର୨ ଅଧୀନରେ ୧୪.୫୦ ପ୍ରତିଶତରୁ ଅଧିକ ହାରରେ ବଜାୟ ରଖିପାରିବ।

---------------

ହିନ୍ଦୁସ୍ଥାନ ସମାଚାର / ବନ୍ଦନା