ନୂଆଦିଲ୍ଲୀ, ନଭେମ୍ବର ୦୪ (ହି.ସ.)। ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କେରଳ ଓ ଚେନ୍ନାଇର ୧୧ଟି ସ୍ଥାନରେ ଚଢ଼ାଉ ଅଭିଯାନ ଚଳାଇଛି। ଭାରତ ଲଜନା ମଲ୍ଟି ଷ୍ଟେଟ୍ କୋ-ଅପରେଟିଭ୍ ସୋସାଇଟି (ବିଏଲ୍ଏମ୍)ର ପ୍ରତିଷ୍ଠାତା ସଦସ୍ୟ ତଥା ପ୍ରକୃତ ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ (ସିଏମ୍ଡି) ଥିବା ଆର୍. ପ୍ରେମକୁମାର ଏବଂ ଅନ୍ୟମାନଙ୍କ ସହ ଜଡ଼ିତ ମାମଲାରେ ଏହି କାର୍ଯ୍ୟାନୁଷ୍ଠାନ ହେଉଛି।

ଇଡି ଅନୁଯାୟୀ, ପ୍ରେମକୁମାର ନିଜ ପଦ ଓ ପ୍ରଭାବର ଦୁରୁପଯୋଗ କରି ସାଧାରଣ ଜମାକାରୀମାନେ ସୋସାଇଟିରେ ଜମା କରିଥିବା କୋଟି କୋଟି ଟଙ୍କା ନିଜ ପତ୍ନୀ ଓ ସମ୍ପର୍କୀୟଙ୍କ ବ୍ୟାଙ୍କ ଖାତାକୁ ସ୍ଥାନାନ୍ତର କରାଇଥିଲେ। ଏହି ଟଙ୍କାକୁ ବ୍ୟକ୍ତିଗତ ଉଦ୍ଦେଶ୍ୟରେ ବ୍ୟବହାର କରାଯାଇଥିବା ଅଭିଯୋଗ ରହିଛି।

ତଦନ୍ତକାରୀ ସଂସ୍ଥା ଅନୁଯାୟୀ, ପ୍ରେମକୁମାର ସୋସାଇଟିର ରାଗମ୍ ଥିଏଟରକୁ ବ୍ରିଓସ୍ ଫିନଭେଷ୍ଟ ନିକଟରେ ବନ୍ଧକ ରଖିଥିଲେ। କିନ୍ତୁ ଏହା ବଦଳରେ ମିଳିଥିବା ଅର୍ଥ ସୋସାଇଟି ନିକଟରେ ପହଞ୍ଚି ନଥିଲା। ଏହା ବ୍ୟତୀତ ସେ କାଞ୍ଚିପୁରମ୍ରେ ପ୍ରାୟ ୫୦୦ ଏକର ଜମି ନିଜ ପତ୍ନୀଙ୍କ ନାମରେ କିଣିଥିବା ଅଭିଯୋଗ ହୋଇଛି।

ହିନ୍ଦୁସ୍ଥାନ ସମାଚାର / ସ୍ୱାଗତିକା