ନୂଆଦିଲ୍ଲୀ, ୧ ମାର୍ଚ୍ଚ (ହି.ସ.)- ଇରାନ ଉପରେ ଆମେରିକା-ଇସ୍ରାଏଲ ଆକ୍ରମଣ ଏବଂ ଇରାନର ପ୍ରତିଶୋଧମୂଳକ ଆକ୍ରମଣ ପରେ ମଧ୍ୟପ୍ରାଚ୍ୟରେ ଗମ୍ଭୀର ପରିସ୍ଥିତି ମଧ୍ୟରେ, ଭାରତ ସରକାର ଦେଶରେ ଫସି ରହିଥିବା ବିଦେଶୀ ନାଗରିକଙ୍କ ପାଇଁ ଏକ ପରାମର୍ଶ ଜାରି କରିଛନ୍ତି ।

ବୈଦେଶିକ ବ୍ୟାପାର ମନ୍ତ୍ରଣାଳୟ ପରାମର୍ଶ ଦେଇଛି ଯେ, ଯେଉଁ ବିଦେଶୀ ନାଗରିକମାନଙ୍କର ଏହି ଘଟଣା ଯୋଗୁଁ ଭାରତରୁ ପ୍ରସ୍ଥାନ ଯୋଜନା ପ୍ରଭାବିତ ହୋଇଛି ଏବଂ ଯେଉଁମାନେ ସେମାନଙ୍କର ଯାତ୍ରା ସ୍ଥଗିତ ରଖିଛନ୍ତି, ସେମାନେ ତୁରନ୍ତ ନିକଟତମ ବିଦେଶୀ ଆଂଚଳିକ ପଞ୍ଜୀକରଣ କାର୍ଯ୍ୟାଳୟ(ଏଫଆରଆରଓ) ସହିତ ଯୋଗାଯୋଗ କରି ସେମାନଙ୍କର ଭିସା ବୃଦ୍ଧି କିମ୍ବା ସେମାନଙ୍କର ରହଣିକୁ ନିୟମିତ କରିବା ଉଚିତ୍ ।

ମନ୍ତ୍ରଣାଳୟ କହିଛି ଯେ, ସମ୍ପୃକ୍ତ ବିଦେଶୀ ଆଂଚଳିକ ପଞ୍ଜୀକରଣ କାର୍ଯ୍ୟାଳୟ ପ୍ରଭାବିତ ନାଗରିକମାନଙ୍କୁ ସେମାନଙ୍କର ଉପସ୍ଥିତି ଆଇନଗତ ଭାବରେ ସୁନିଶ୍ଚିତ କରିବା ପାଇଁ ଆବଶ୍ୟକୀୟ ଔପଚାରିକତା ପୂରଣ କରିବାରେ ପୂର୍ଣ୍ଣ ସହାୟତା ପ୍ରଦାନ କରିବ । ଉଲ୍ଲେଖନୀୟ ଯେ ଆଂଚଳିକ ଉତେଜନା ଯୋଗୁଁ, ଅନେକ ଅନ୍ତର୍ଜାତୀୟ ବିମାନ କମ୍ପାନୀ ଉଡ଼ାଣ ବନ୍ଦ କରିଛନ୍ତି । କିଛି ଅଂଚଳରେ ଏୟାରସ୍ପେସ୍ ବନ୍ଦ ହେବା ଦ୍ୱାରା ଭାରତରେ ରହୁଥିବା ବିଦେଶୀ ନାଗରିକଙ୍କ ପ୍ରତ୍ୟାବର୍ତନ ପ୍ରଭାବିତ ହୋଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ