ନୂଆଦିଲ୍ଲୀ, 13 ଏପ୍ରିଲ (ହି.ସ.) ରାଷ୍ଟ୍ରୀୟ ସ୍ୱୟଂସେବକ ସଂଘର ଶତବାର୍ଷିକୀ ପାଳନ ଉପଲକ୍ଷେ ଏପ୍ରିଲ 15,18 ଏବଂ 19 ତାରିଖରେ ଦିଲ୍ଲୀର ତିନୋଟି ଭିନ୍ନ ଭିନ୍ନ ସ୍ଥାନରେ 'ସଂଘ ଗଙ୍ଗା କେ ତିନ ଭାଗିରଥ' ଶୀର୍ଷକ ଏକ ସ୍ୱତନ୍ତ୍ର ହିନ୍ଦୀ ନାଟକ ମଞ୍ଚସ୍ଥ ହେବ। ଏହି ନାଟକର ନିର୍ଦ୍ଦେଶକ ସଞ୍ଜୟ ପେଣ୍ଡସେ ଏହି ସୂଚନା ଦେଇଛନ୍ତି।

ପେଣ୍ଡସେଙ୍କ କହିବା ଅନୁଯାୟୀ, ସଂଘର 100 ବର୍ଷ ପୂର୍ତ୍ତି ଉପଲକ୍ଷେ ସାରା ଦେଶରେ ଏହି ନାଟକ ମଞ୍ଚସ୍ଥ ହେଉଛି। 'ସଂଘ ଗଙ୍ଗା କେ ତିନ ଭାଗିରଥ ନାଟକଟି ସଂଘର ପ୍ରଥମ ତିନି ସରସଂଘଚାଲକ-ଡ. କେଶବ ବଲିରାମ ହେଡଗେୱାର, ମାଧବ ସଦାଶିବ ଗୋଲୱାଲକର (ଗୁରୁଜୀ) ଏବଂ ବାଲାସାହେବ ଦେଓରାସଙ୍କ ଜୀବନ ଏବଂ ଅବଦାନ ଉପରେ ଆଧାରିତ। ଏହି ନାଟକ ମାଧ୍ୟମରେ ସଂଘର ଶହେ ବର୍ଷର ଯାତ୍ରାକୁ ଜୀବନ୍ତ ରୂପରେ ଉପସ୍ଥାପନ କରିବାର ପ୍ରୟାସ କରାଯାଇଛି।

ଦିଲ୍ଲୀରେ ପ୍ରଥମ ମଞ୍ଚନ ଏପ୍ରିଲ୍ 15 ବୁଧବାର ଦିନ କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (ସିଏଆଇଟି) ଦ୍ୱାରା ଆୟୋଜିତ ହେବ। ଅପରାହ୍ନ 5ଟାରେ ନୂଆଦିଲ୍ଲୀର ଏନଡିଏମସି ସମ୍ମିଳନୀ କେନ୍ଦ୍ର, ପାର୍ଲାମେଣ୍ଟ ଷ୍ଟ୍ରିଟ୍ ଠାରେ ଏହି ନାଟକର ମଂଚନ ଅନୁଷ୍ଠିତ ହେବ ବୋଲି ସିଏଆଇଟିର ରାଷ୍ଟ୍ରୀୟ ଅଧ୍ୟକ୍ଷ ବାଳ କୃଷ୍ଣ ଭାରତିଆ ସୂଚନା ଦେଇଛନ୍ତି। ଏହି ନାଟକଟି ଶ୍ରୀଧର ଗା଼ଡଗେଙ୍କ ଦ୍ୱାରା ଲିଖିତ। ଏହି ଉପସ୍ଥାପନା ରାଷ୍ଟ୍ରୀୟ ସ୍ୱୟଂସେବକ ସଂଘର ପ୍ରତିଷ୍ଠା, ଏହାର ଉଦ୍ଦେଶ୍ୟ, ସାମାଜିକ କାର୍ଯ୍ୟ ଏବଂ ବିକାଶ ଯାତ୍ରାକୁ ଦର୍ଶାଉଛି। ଏଥିରେ 100 ବର୍ଷର ରାଷ୍ଟ୍ରବାଦ, ସାମାଜିକ ସୌହାର୍ଦ୍ଦ୍ୟ ଏବଂ ସଙ୍ଗଠନର ସଂଘର୍ଷ ଏବଂ ବିସ୍ତାରକୁ ନିଖୁଣ ଭାବେ ଦର୍ଶାଯାଇଛି ।

ଏହା ପରେ 18 ଏପ୍ରିଲ ଶନିବାର ଅପରାହ୍ନ 3ଟାରେ ମୟୂର ବିହାରର ମହାରାଜା ଅଗ୍ରସେନ ମହାବିଦ୍ୟାଲୟ (ବସୁନ୍ଧରା ଏନକ୍ଲେଭ) ରେ ଏହି ନାଟକର ଦ୍ୱିତୀୟ ମଞ୍ଚାୟନ ହେବ। ସଂଘର ଦିଲ୍ଲୀ ପୂର୍ବାଞ୍ଚଳର ବିଭାଗ ସଂଘଚାଳକ ବୀରେଶ କୁମାର ଏହି ସୂଚନା ଦେଇଛନ୍ତି। ତୃତୀୟ ତଥା ଅନ୍ତିମ ପର୍ଯ୍ୟାୟ ଏପ୍ରିଲ 19 ରବିବାର ସନ୍ଧ୍ୟା 6ଟାରେ ନର୍ଥ ଆଭେନ୍ୟୁସ୍ଥିତ ଶ୍ୟାମା ପ୍ରସାଦ ମୁଖାର୍ଜୀ କଲେଜରେ ଅନୁଷ୍ଠିତ ହେବ ବୋଲି କେଶବ ପୁରମ ବିଭାଗ ସଂଘଚାଲକ ବୀରେନ୍ଦ୍ର ନାଗପାଳ ସୂଚନା ଦେଇଛନ୍ତି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ