ନୂଆଦିଲ୍ଲୀ, ୧୭ ଜୁନ୍ (ହିସ)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଦିନ ଅନ୍ତର୍ଜାତୀୟ ଆର୍ôଥକ ପ୍ରତିଷ୍ଠାନଗୁଡ଼ିକୁ ବିଶ୍ୱ ଯୋଗାଣ ଶୃଙ୍ଖଳରେ ବାଧା ସୃଷ୍ଟି ହେବାର ଆଘାତ ସହ୍ୟ କରିବା ଏବଂ ଆର୍ôଥକ ସ୍ଥିରତା ବଜାୟ ରଖିବା ପାଇଁ ସହାୟତା ବ୍ୟବସ୍ଥା ସୃଷ୍ଟି କରିବାକୁ ପରାମର୍ଶ ଦେଇଛନ୍ତି। ସେ କହିଛନ୍ତି ଯେ ପଶ୍ଚିମ ଏସିଆରେ ସଙ୍କଟ ଯୋଗୁଁ ଇନ୍ଧନ, ସାର ଏବଂ ଖାଦ୍ୟ ଯୋଗାଣ ଶୃଙ୍ଖଳରେ ବାଧା ସୃଷ୍ଟି ହେବା 'ଗ୍ଲୋବାଲ୍ ସାଉଥ୍' ଉପରେ ଦୀର୍ଘକାଳୀନ ପ୍ରଭାବ ପକାଇବ। ସେ କହିଛନ୍ତି, ଯଦି ଆମେ ପ୍ରକୃତରେ ଅନ୍ତର୍ଜାତୀୟ ସଂହତିକୁ ସୁଦୃଢ଼ କରିବାକୁ ଚାହୁଁ, ତେବେ ସବୁଠାରୁ ଦୁର୍ବଳ ଦେଶଗୁଡ଼ିକୁ କେବଳ ଏହି ସଙ୍କଟର ଭାର ବହନ କରିବାକୁ ଛାଡ଼ି ଦିଆଯିବ ନାହିଁ।

ପ୍ରଧାନମନ୍ତ୍ରୀ ମୋଦୀ ଆଜି ଇଭିଆନରେ ଜି୭ ଶିଖର ସମ୍ମିଳନୀରେ ସମସ୍ତଙ୍କ ପାଇଁ ସନ୍ତୁଳିତ, ସହଭାଗୀ ଏବଂ ସ୍ଥାୟୀ ଆର୍ôଥକ ଅଭିବୃଦ୍ଧି ପୁନଃଆରମ୍ଭ କରିବା ଶୀର୍ଷକ ଆଲୋଚନାରେ ସମ୍ବୋଧିତ କରିଥିଲେ। ଏହି ପ୍ରସଙ୍ଗକୁ ଗୁରୁତ୍ୱ ଦେବା ପାଇଁ ସେ ଫ୍ରାନ୍ସ (ଜି୭ ପ୍ରେସିଡେନ୍ସୀ)କୁ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ ବିକାଶ କେବଳ ଜିଡିପି କିମ୍ବା ବାଣିଜ୍ୟ ସଂଖ୍ୟା ଉପରେ ନିର୍ଭର କରେ ନାହିଁ। ପ୍ରକୃତ ପ୍ରଶ୍ନ ହେଉଛି: କାହା ପାଇଁ, କାହା ସହିତ ଏବଂ କେଉଁ ଦିଗରେ ବିକାଶ ହେଉଛି? ଭାରତର ଅଭିଜ୍ଞତା ଦର୍ଶାଏ ଯେ ସହଭାଗୀ ବିକାଶ ଆଶାକୁ ବାସ୍ତବତାରେ ପରିଣତ କରିପାରିବ। ଭାରତର ବିକାଶ କାହାଣୀ ଅନ୍ତର୍ଭୁକ୍ତି, ପରିମାଣ ଏବଂ ଗଣତାନ୍ତ୍ରିକ ସଶକ୍ତିକରଣର କାହାଣୀ।

-----------------------------

---------------

ହିନ୍ଦୁସ୍ଥାନ ସମାଚାର / ଗଗନ