ହରିଦ୍ୱାର, ୨୩ ଅଗଷ୍ଟ(ହି.ସ.) – ହରିଦ୍ୱାରରେ ଏକ ରାଷ୍ଟ୍ର, ଏକ ନିର୍ବାଚନ' ସଂକ୍ରାନ୍ତରେ ଆୟୋଜିତ ସନ୍ଥ ସମାଗମରେ ସନ୍ଥ ଏବଂ ମହାତ୍ମାମାନେ ଏକକାଳୀନ ନିର୍ବାଚନ ଆୟୋଜନକୁ ସମର୍ଥନ କରିଥିଲେ।

କେନ୍ଦ୍ର ମନ୍ତ୍ରୀ ଶିବରାଜ ସିଂହ ଚୌହାନ, ଉତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ, କ୍ୟାବିନେଟ ମନ୍ତ୍ରୀ ମଦନ କୌଶିକଙ୍କ ସମେତ ଅନେକ ବିଜେପି ବିଧାୟକ ଏବଂ ବରିଷ୍ଠ ନେତା ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। କେନ୍ଦ୍ରମନ୍ତ୍ରୀ ଶିବରାଜ ସିଂ ଚୌହାନ ଏବଂ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଏକ ରାଷ୍ଟ୍ର, ଏକ ନିର୍ବାଚନ' ଉପରେ ସନ୍ଥ ଏବଂ ସାଧୁଙ୍କ ସହ ବିସ୍ତୃତ ଆଲୋଚନା କରିଥିଲେ ଏବଂ ଏହି ପ୍ରସଙ୍ଗରେ ସନ୍ଥ ସମାଜରୁ ପରାମର୍ଶ ମଧ୍ୟ ମାଗିଥିଲେ।

ଏହି କାର୍ଯ୍ୟକ୍ରମକୁ କେନ୍ଦ୍ର ମନ୍ତ୍ରୀ ଶିବରାଜ ସିଂହ ଚୌହାନ, ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଏବଂ ସନ୍ଥ ସମାଜର ପ୍ରତିନିଧିମାନେ ଉଦ୍ଘାଟନ କରିଥିଲେ। ଏହି ଅବସରରେ ଦିଲ୍ଲୀ ଏସ୍.ଜି.ପି.ସି.ର ଅଧ୍ୟକ୍ଷ ଶ୍ରୀ ମଞ୍ଜିନ୍ଦର ସିଂହ ସିର୍ସା, ଶ୍ରୀ ଗୁରୁ ତେଗ ବାହାଦୁର ଖାଲସା କଲେଜର ଅଧ୍ୟକ୍ଷ ଡ. ଯଶବିନ୍ଦର ସିଂହ, ପୂର୍ବତନ ରାଜ୍ୟସଭା ସଦସ୍ୟ ତଥା ବର୍ତମାନ ଶ୍ରୀ ଗୁରୁ ତେଗ ବାହାଦୁର ଖାଲସା କଲେଜର ପରିଚାଳନା ପରିଷଦର ଅଧ୍ୟକ୍ଷ ଶ୍ରୀ ଏସ୍. ତରଲୋଚନ ସିଂହ ଏବଂ ପଞ୍ଜାବୀ ବିଶ୍ୱବିଦ୍ୟାଳୟ ପଟିଆଲାର ପୂର୍ବତନ କୁଳପତି ଡ. ଯଶପାଲ ସିଂହ ମଧ୍ୟ ଉପସ୍ଥିତ ଥିଲେ।

ଅଖିଳ ଭାରତୀୟ ଆଖଡ଼ା ପରିଷଦର ଅଧ୍ୟକ୍ଷ ତଥା ମହାନିର୍ବଣୀ ଆଖଡ଼ାର ସମ୍ପାଦକ ଶ୍ରୀ ମହନ୍ତ ରବୀନ୍ଦ୍ରପୁରୀ ମହାରାଜ ମଧ୍ୟ ଏକ ରାଷ୍ଟ୍ର, ଏକ ନିର୍ବାଚନ'କୁ ସମର୍ଥନ କରିଥିଲେ। ସେ କହିଥିଲେ ଯେ ଦେଶର ସ୍ୱାଧୀନତା ପରେ ପ୍ରାରମ୍ଭିକ ଦଶନ୍ଧିଗୁଡ଼ିକରେ ଲୋକସଭା ଏବଂ ରାଜ୍ୟ ବିଧାନସଭା ପାଇଁ ଏକକାଳୀନ ନିର୍ବାଚନ ବ୍ୟବସ୍ଥା ଥିଲା। ପରବର୍ତୀ ସମୟରେ, ରାଜ୍ୟ ବିଧାନସଭାର କାର୍ଯ୍ୟକାଳ ଏବଂ ନିର୍ବାଚନର କ୍ରମ ଭିନ୍ନ ଭିନ୍ନ ପରିସ୍ଥିତିରେ ଭିନ୍ନ ଭିନ୍ନ ଥିଲା।

ସେ କହିଥିଲେ ଯେ ସମୟ ସହିତ ଦେଶରେ ବିଭିନ୍ନ ପ୍ରକାରର ନିର୍ବାଚନ ସଂଖ୍ୟା ବୃଦ୍ଧି ପାଇଛି। ଏଭଳି ସ୍ଥିତିରେ ବର୍ତମାନର ପରିସ୍ଥିତିକୁ ଦୃଷ୍ଟିରେ ରଖି ଏକକାଳୀନ ନିର୍ବାଚନ କରିବା ଲାଗି ବ୍ୟବସ୍ଥା ଉପରେ ବିଚାର କରାଯାଉଛି। ସେ କହିଛନ୍ତି ଯେ ଏହି ପ୍ରସଙ୍ଗରେ ଆଖଡ଼ା ପରିଷଦ ଏବଂ ସନ୍ଥ ସମାଜ ସରକାରଙ୍କ ସହ ଛିଡ଼ା ହୋଇଛନ୍ତି।

ଶ୍ରୀ ମହନ୍ତ ରବୀନ୍ଦ୍ରପୁରୀ ମହାରାଜ କହିଥିଲେ ଯେ ନିର୍ବାଚନ ହେଉଛି ଗଣତନ୍ତ୍ରର ମୌଳିକ ପ୍ରକ୍ରିୟା, କିନ୍ତୁ ନିର୍ବାଚନର ନିରନ୍ତର ପ୍ରକ୍ରିୟା ମଧ୍ୟ ପ୍ରଶାସନିକ ବ୍ୟବସ୍ଥା ଉପରେ ଚାପ ପକାଇଥାଏ। ଯଦି ନିର୍ବାଚନ ସଂଖ୍ୟା କମ୍ ହୁଏ, ତେବେ ସରକାରୀ ସମ୍ବଳର ଅଧିକ ଉପଯୋଗ କରାଯାଇ ପାରିବ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି