ବଲାଙ୍ଗିର, ୧୨ ଅକ୍ଟୋବର (ହି.ସ.)- କଲେଜ ଛକ ଶିଶୁ ମନ୍ଦିରରେ ମାତୃକର୍ମଶାଳା’ ଆଜି ଅନୁଷ୍ଠିତ ହୋଇଯାଇଛି । ସକାଳ ୧୦ଟା ରୁ
ଆରମ୍ଭ ହୋଇ ଅପରାହ୍ଣ ୪ଟା ୩୦ ମିନିଟରେ ସମାପ୍ତ ହୋଇଥିଲା। ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶିକ୍ଷୟିତ୍ରୀ ମା ଅନୀତା ହୋତା ଉପସ୍ଥିତ ରହି ମା’ମାନଙ୍କୁ ଶିଶୁର ସର୍ବାଙ୍ଗୀନ ବିକାଶ ଉପରେ ଆଲୋକପାତ କରିଥିଲେ । ବିଦ୍ୟାଳୟର ପରିଚାଳନା ସମିତିର ସମ୍ପାଦକ ମା ନୀଳାଚଳ ଚିରଗୁନ, ଉପସଭାପତି ଡଃ. ଗୋଦାବରୀଶ ରଥ, ପ୍ରଧାନ ଆଚାର୍ଯ୍ୟ ରବିନ୍ଦ୍ର କୁମାର ମିଶ୍ର ଉପସ୍ଥିତ ଥିଲେ । ଆଧାରସ୍ତର ପ୍ରମୁଖ ରତ୍ନପ୍ରଭା ଦାସ ପରିଚୟ ପ୍ରଦାନ ସହ ଉଦ୍ଦେଶ୍ୟ ଜ୍ଞାପନ କରିଥିବା ବେଳେ ଗୁରୁମା ସନ୍ତୋଷିନୀ ସାହୁ କାର୍ଯ୍ୟକ୍ରମର ସଂଯୋଜନା କରିଥିଲେ । ମା’ ମାନଙ୍କୁ ନେଇ ବିଭିନ୍ନ ଶୈକ୍ଷିକ କାଳା°ଶ କରାଯାଇଥିଲା । ଏଥି ସହିତ ମା’ମାନଙ୍କର କଳା ପ୍ରଦର୍ଶନ, ଖେଳ ଇତ୍ୟାଦି ରଖାଯାଇଥିଲା । ପ୍ରଥମ ଓ ଦ୍ୱିତୀୟ ଶ୍ରେଣୀ ଭାଷା କାଳା°ଶ ଗୁରୁମା ସନ୍ତୋଷିନୀ ସାହୁ, ଗଣିତ କାଳା°ଶ ଗୁରୁଜୀ ବିକାଶ ସାହୁ ଏବଂ ଇ ସି ସି ଇ କାଳା°ଶ ପ୍ରଧାନ ଆଚାର୍ଯ୍ୟ ନେଇଥିବା ବେଳେ ପରୀକ୍ଷା ସମ୍ବନ୍ଧିତ ବିଷୟରେ ଗୁରୁଜୀ କୃଷ୍ଣଚନ୍ଦ୍ର ରଣା ସମ୍ୟକ ସୂଚନା ଦେଇଥିଲେ । କାର୍ଯ୍ୟକ୍ରମର ଶେଷରେ ସେବିକ ସମିତି ଶାଖା ଲଗାଯାଇ କାର୍ଯ୍ୟକ୍ରମ ସମାପ୍ତ କରାଯାଇଥିଲା ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
