ଭୁବନେଶ୍ୱର, 21 ଅକ୍ଟୋବର (ହି.ସ.) ବିରୋଧୀ ଦଳ ନେତା ନବୀନ ପଟ୍ଟନାୟକ ଜଣାଶୁଣା ଚଳଚ୍ଚିତ୍ର ଅଭିନେତା ଆସରାନୀ ଙ୍କ ପରଲୋକରେ ଗଭୀର ଶୋକ ପ୍ରକାଶ କରିଛନ୍ତି। ନିଜ ଶୋକ ବାର୍ତ୍ତାରେ ଶ୍ରୀ ପଟ୍ଟନାୟକ କହିଛନ୍ତି ଯେ, ଆସରାନୀଙ୍କ ଦେହାନ୍ତ ଅତ୍ୟନ୍ତ ଦୁଃଖଦାୟକ।

ସେ କହିଛନ୍ତି ଯେ, ପାଞ୍ଚ ଦଶକ ଧରି ଚାଲିଥିବା ତାଙ୍କ ଅଭିନୟ ଜୀବନରେ ଆସରାନୀ ଜୀ ଅନେକ ସ୍ମରଣୀୟ ଭୂମିକା ନିଭାଇଥିଲେ ଏବଂ ନିଜ ହାସ୍ୟ ଅଭିନୟରେ ଲକ୍ଷ ଲକ୍ଷ ଦର୍ଶକଙ୍କ ହୃଦୟ ଜିତିଥିଲେ। ଶ୍ରୀ ପଟ୍ଟନାୟକ ଦିବଙ୍ଗତ ଅଭିନେତାଙ୍କ ପରିବାର, ମିତ୍ର ଓ ଅସଂଖ୍ୟ ପ୍ରଶଂସକ ମାନଙ୍କ ପ୍ରତି ନିଜ ହୃଦୟପୂର୍ଣ୍ଣ ସମବେଦନା ଜଣାଇଛନ୍ତି।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ