ସମ୍ବଲପୁର, ୦୩ ଅକ୍ଟୋବର (ହି.ସ.) ଚନ୍ଦନନଗର ମଣ୍ଡଳିଆ ମଇଦାନରେ ଧୂମଧାମରେ ରାବଣ ବଧ ମହୋତ୍ସବ ପାଳିତ ହୋଇଛି। ପ୍ରାୟ ୩୦ ଫୁଟ ଉଚ୍ଚ ରାବଣ ପ୍ରତିମାକୁ ଦହନ କରାଯାଇଥିଲା। କଟକ, କୁଚିଣ୍ଡା ଓ ସମ୍ବଲପୁରରୁ ଅଣାଯାଇଥିବା ବିଭିନ୍ନ ପ୍ରକାର ବାଣ ଲୋକଙ୍କୁ ଆକର୍ଷିତ କରିଥିଲା। ସନ୍ଧ୍ୟା ୬ଟାରୁ ଆତଶବାଜିର ରଙ୍ଗିନ ଦୃଶ୍ୟରେ ଆକାଶ ରଙ୍ଗାଇତ ହୋଇଥିଲା। ଠିକ୍ ୭ଟାରେ ଶ୍ରୀରାମ ଓ ଲକ୍ଷ୍ମଣଙ୍କ ଦ୍ୱାରା ରାବଣ ବଧ କାର୍ଯ୍ୟ ସମ୍ପନ୍ନ ହୋଇଥିଲା। ମହୋତ୍ସବ ଯାତ୍ରା ଚନ୍ଦନନଗରରୁ ତିୱାରୀଗଳି, ବଡ଼ବଜାର ହୋଇ ମଣ୍ଡଳିଆ ମାଇଦାନକୁ ପହଞ୍ଚିଥିଲା। ଆୟୋଜନ କମିଟିରେ ଅଧ୍ୟକ୍ଷ ସୁଧୀର ପାଳିୱାଲ, ଉପାଧ୍ୟକ୍ଷ ନିରଞ୍ଜନ ଦାସ ମାଝି, ସହ-ଉପାଧ୍ୟକ୍ଷ ମୁନ୍ନା ତିୱାରୀ, ସଚିବ ଜସବିର ସିଂହ, ଉଦୟ ତିୱାରୀ, ରାଜା ଯାଦବ ଓ ବନ୍ୱାଳୀ ସତନାମୀ ପ୍ରମୁଖ ଏହାକୁ ପରିଚଳନାରେକରିଥିଲେ। ଅନୁଷ୍ଠିତ ମହୋତ୍ସବରେ ସାହସ୍ରାଧିକ ଲୋକଙ୍କ ଭିଡ଼ଙ୍କ ଭିଡ଼ ମଧ୍ୟରେ “ଜୟ ଶ୍ରୀରାମ” ଧ୍ଵନିରେ ପରିବେଶ ପ୍ରକମ୍ପିତ ହୋଇଯାଇଥିଲା
---------------
ହିନ୍ଦୁସ୍ଥାନ ସମାଚାର / ଶୈଳେଶ
