ଜୟପୁର, ୩ ଅକ୍ଟୋବର (ହି.ସ.)- ଜୟପୁର ଦଶହରା ପର୍ବ ପାରମ୍ପରିକ ରୀତି ନୀତି ଅନୁସାରେ ଲକ୍ଷାଧିକ ଭକ୍ତଙ୍କ ସମାଗମରେ ଜୟପୁରର ଇତିହାସ ପ୍ରସିଦ୍ଧ ଅପରାଜିତା ପୂଜା ସମାପ୍ତ ହୋଇଯାଇଛି । ଏହି ପୂଜା ଜୟପୁର ଦଶହରା ପଡ଼ିଆ ଠାରେ ସମାପନ ହୋଇଛି । ଅପରାଜିତା ପୁଜାରେ ଅଧିଷ୍ଠାତ୍ରୀ ମା ଦକ୍ଷିଣ କାଳିକା, ଅଧିଷ୍ଠାତ୍ରୀ ମା ଭଗବତି, ମା ବସନ୍ତାୟୀ, କନକ ଦୁର୍ଗା ଙ୍କ ବିମାନ ବାହାରି ଜୟପୁର ଦଶହରା ପଡିଆରେ ପହଞ୍ଚିଥିଲା । ବାଜା, ନାଚ, ଗୀତ ବାଣ ଫୁଟାଇ ବିରାଟ ପଟୁଆରରେ ୪ଟି ବିମାନକୁ ଦଶହରା ପଡିଆକୁ ନିଆଯାଇଥିଲା । ଦଶହରା ପଡିଆରେ ୪ଟି ଅସ୍ଥାୟି ମଣ୍ଡପ କରାଯାଇ ମା ଙ୍କ ଅପରାଜିତା ପୁଜା କରାଯାଇଥିଲା । ଏହା ସହ ରଜାନହର ଠାରେ ବସାଯାଇଥିବା ମୃଣୟ ମୁତ୍ତିକୁ ମଧ୍ୟ ମେଲାଣି ଦିଆଯାଇଥିଲା । କଡା ସୁରକ୍ଷା ବଳୟରେ ଅପରାଜିତା ପୁଜାରେ ହୋମ, ଯଜ୍ଞରେ ଭୋଗ ଦ୍ୱାରା ଅପରାଜିତା ପୂଜା ଅନୁଷ୍ଠିତ କରାଯାଇ ଜୟପୁର ଐତିହାସିକ ଦଶହରା ଶେଷ ହୋଇଛି । ଏଠାରେ ଜୟପୁ ବିଧାୟକ ତାରା ପ୍ରସାଦ ବାହିନିପତି ଯୋଗ ଦେଇ ରାଷ୍ଟ୍ର ମଙ୍ଗଳ ପାଇ ପାର୍ଥନା ପୁଜା ପାଠ କରିଥିଲେ । ଲଗାଣ ବର୍ଷା ପାଇ ରାବଣ ପୋଡି ସହ ଆତସବାଜୀ କାଯ୍ୟକ୍ରମ ବନ୍ଦ ରହିଥିଲା । ଶନିବାର ସଂନ୍ଧ୍ୟାରେ ରାବଣ ବୋଡି କାଯ୍ୟକ୍ରମ ହେବ ବୋଲି ବିଧାୟକ ବାହିନିପତି ସୂଚନା ଦେଇଛନ୍ତି । ପ୍ରଚଳିତ ପ୍ରଥା ଅନୁସାରେ ଅବିଭକ୍ତ କୋରାପୁଟ ଜିଲ୍ଲାର ବିଭିନ୍ନ ଦେବୀ ପୀଠରୁ ଆସିଥିବା ଲାଠି ଗୁଡ଼ିକ ବାଙ୍କମଠ ଠାରୁ ବିଶାଳ ଶୋଭାଯାତ୍ରା ରେ ବାହାରିଥିବା ବେଳେ ମାଁଙ୍କ ପ୍ରତିକ ଲାଠିଧାରି ଆସି ଦଶହରାରେ ସାମିଲ ହୋଇ ଜୟପୁର ବାସିଙ୍କୁ ଆଶିବାଦ କରିଥିଲେ । ଅଧିଷ୍ଠାତ୍ରୀ ମା ଙ୍କ ଶୋଭାଯାତ୍ରା ରେ ବାଜା ବାଣ, ନାଚ ଗୀତ ଡେନ୍ସ ବିଭିନ୍ନ ଆଦିବାସୀ ନାଚ ପାରମ୍ପାରିକ ବାଦ୍ୟରେ ଜୟପୁର ଐତିହାସିକ ଦଶହରା ଶେଷ ହୋଇଛି । ଜୟପୁର ସହରରେ ରାଜ ଉଆସରେ ଦଶହରା ପାଳନ କରାଯାଇଛି । ଧିରେ ଧିରେ ସମସ୍ତ ପରମ୍ପରା ଲୋପ ପ।।ଇଯାଇଥିବା ବେଳେ ପୁଣି ଉଜବିତ କରିଛନ୍ତି ରାଜ ପରିବାର । ଦଶହରାରେ ରାଜ ମହଲରେ ଗୁରୁବାର ଲାଠି ପୁଜା ରାଜ ରୁଜୁଡା ଅମଳର ପରମ୍ପରା ରେ ଦଶହରା ପାଳନ କରାଯାଇଛି । ଯୁବ ରାଜ ଭିଶ୍ୱେସ୍ୱର ଚନ୍ଦ୍ର ଚୁଡ ଦେବ ଦଶହରା ଦିନ ରାଜ ଉଆସରେ ଥିବା ଅଧିଷ୍ଠାତ୍ରୀ ମା କନକ ଦୁର୍ଗା ଙ୍କ ନିକଟରେ ପୁଜା ପାଠ କରିଛନ୍ତି । ଏହା ସହ ଲାଠି ଧାରିଙ୍କୁ ପୁଜା କରିଛନ୍ତି । ଗଜପତି ପୁରୁଷୋତ୍ତମ ଦେବଙ୍କ କାଞ୍ଚି ଅଭିଯାନ ସମୟରେ ଜୟପୁର ରାଜ୍ୟର ସୁଯ୍ୟବଂଶୀ ରାଜା ବିଜୟ ଚନ୍ଦ୍ରାକ୍ଷ ଦେବ ତାଙ୍କୁ ସାହାଯ୍ୟ କରିଥିଲେ । ବିଜୟ ପରେ ଗଜିପତି ରାଜା କାଞ୍ଚିରୁ ଆଣିଥିବା କନକ ଦୁର୍ଗାଙ୍କ ମୂର୍ତିକୁ ଉପହାର ସ୍ୱରୁପ ଜୟପୁର ରାଜାଙ୍କୁ ଭେଟି ଦେଇଥିଲେ । ପରେ କନକ ଦୁର୍ଗା ଜୟପୁର ରାଜବଂଶର ଇଷ୍ଟଦେବି ଭାବେ ପୁଜା ପାଇଲେ । ୧୭୫୮ ଖ୍ରୀଷ୍ଟାଦ୍ଦରେ ବିକ୍ରମଦେବ-୧ ଜୟପୁର ରାଜଧାନୀ ନନ୍ଦପୁର ଠାରୁ ଜୟପୁରକୁ ଉଠାଇ ଆଣିଲେ । ଏଥିସହ ଜୟପୁର ରାଜପ୍ରସାଦର ଉତ୍ତର ପଶ୍ଚିମ କୋଣରେ ଏକ ମନ୍ଦିର ନିର୍ମାଣ କରି ଦେବୀ କନକଦୁର୍ଗାଙ୍କୁ ପ୍ରତିଷ୍ଠା କରାଇଥିଲେ । ଏହି ସ୍ମୁତିର ପ୍ରତୀକ ସ୍ୱରୁପ ଦଶହରା ପବ ଧୁମଧାମରେ କରାଯାଉଥିଲା । ସେବେ ଠାରୁ ଏଠାରେ ଦଶହରା ପବ ୧୬ ଦିନ ବ୍ୟାପି ପାଳନ କରାଯାଉଛି । ଧିରେ ଧିରେ ସେହି ପରମ୍ପରା ଲୋପ ପାଇଯାଇଥିବା ବେଳେ ଦଶହରା ଉପଲକ୍ଷେ ବିଭିନ୍ନ ଅଞ୍ଚଳରୁ ଆସିଥିବା ମା ଙ୍କ ପ୍ରତିକ ଲାଠିଙ୍କୁ ପୁଜା କରାଯାଇଥିବା ବେଳେ ଆଦିବାସୀ ନାଚ ଗୀତ ସହ ଅସ୍ତ୍ର, ଶସ୍ତ୍ର ର ପୁଜା କରାଯାଇଛି । ରାଜାଙ୍କ ଅସ୍ତ୍ରାଗାରର ସମସ୍ତ ଅସ୍ତ୍ରଶସ୍ତ୍ର ପୁଜା କରାଯାଇଥିଲା । ପ୍ରସିଦ୍ଧ ଜୟପୁର ଦଶହରା ପୁଜାରେ ଆନ୍ୟତମ ଆକର୍ଷଣ ଲାଠିପୁଜା ଲାଠି ଧାରି ମାନେ ରାଜ ଉଆସେ ଯାଇ ପହଞ୍ଚି ଥିବାବେଳେ ରାଜ ପରିବାର ତରଫରୁ ସ୍ୱାଗତ କରାଯାଇଥିଲା ।

ହିନ୍ଦୁସ୍ଥାନ ସମାଚାର / ପିକେପି