ଖୋର୍ଦ୍ଧା, , 31 ଅକ୍ଟୋବର (ହି.ସ.)ରପ୍ତାନି ପ୍ରୋତ୍ସାହନ ଓ ବିପଣନ ନିର୍ଦ୍ଦେଶାଳୟ , ଓଡ଼ିଶା ଆନୁକୁଲ୍ୟରେ ଅଣୁ , କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗ ଓଡ଼ିଶା ସରକାର ଅଧୀନସ୍ଥ ନିର୍ୟାତ ପ୍ରୋତ୍ସାହନ ଓ ବିପଣନ ନିର୍ଦ୍ଦେଶାଳୟ ଦ୍ୱାରା କ୍ଷେତ୍ରରେ କାର୍ଯ୍ୟ ଦକ୍ଷତା ବୃଦ୍ଧି ଏବଂ ତ୍ୱରାନ୍ୱିତ କରିବା କାର୍ଯ୍ୟକ୍ରମ ଅଧୀନରେ ବିଜନେସ ଡିଭେଲପମେଣ୍ଟ ସର୍ଭିସ୍ ପ୍ରୋଭାଇଡର୍ସ (ବ୍ୟବସାୟ ବିକାଶ ସେବା ପ୍ରଦାନକାରୀ) ଇଣ୍ଟରଭେନସନ ଅନୁସାରେ ଏକ ଯୋଜନା ସମ୍ବନ୍ଧୀୟ କ୍ଷମତା ବିକାଶ କାର୍ଯ୍ୟଶାଳା ୩୧ ଅକ୍ଟୋବର ୨୦୨୫ ରେ ଖୋର୍ଦ୍ଧା କଲେକ୍ଟରେଟ ସଭାକକ୍ଷରେ ଆୟୋଜିତ ହୋଇଥିଲା।ଏହି ଅବସରରେ ଜ୍ୟୋତି ଶଙ୍କର ସାହୁ, ଓ.ଏ.ଏସ୍., ମୁଖ୍ୟ ବିକାଶ ଅଧିକାରୀ ତଥା କାର୍ଯ୍ୟନିର୍ବାହୀ ଅଧିକାରୀ, ଜିଲ୍ଲା ପରିଷଦ, ଖୋର୍ଦ୍ଧା ମୁଖ୍ୟ ଅତିଥି ଭାବେ ଉପସ୍ଥିତ ହୋଇ ଅନୁଷ୍ଠାନକୁ ଗୌରବାନ୍ବିତ କରିଥିଲେ। ଏହା ସହିତ ସଞ୍ଜୟ କୁମାର ମିଶ୍ର, ଓ.ଏ.ଏସ୍. (ଏସ୍.ବି.), ନିର୍ଦ୍ଦେଶକ, ନିର୍ୟାତ ପ୍ରୋତ୍ସାହନ ଓ ବିପଣନ ନିର୍ଦ୍ଦେଶାଳୟ, ଓଡ଼ିଶା; ପି. ପ୍ରଭାକର ରାଓ, ଓ.ଆଇ.ଏସ୍. (ଏସ୍.ଏ.ଜି.), ଅତିରିକ୍ତ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ, ଉଦ୍ୟମିତା ବିକାଶ ସଂସ୍ଥାନ (ଆଇ ଇ ଟି ), ଓଡ଼ିଶା; ସୁଶ୍ରୀ ସମୁଚିତା ମଲ୍ଲିକ, ସାଧାରଣ ପ୍ରବନ୍ଧକ, ଜିଲ୍ଲା ଶିଳ୍ପ କେନ୍ଦ୍ର ,ଖୋର୍ଦ୍ଧା; ସିଶିର ରଞ୍ଜନ ମିଶ୍ର, ସହାୟକ ନିର୍ଦ୍ଦେଶକ, ରପ୍ତାନି ପ୍ରୋତ୍ସାହନ ଓ ବିପଣନ ନିର୍ଦ୍ଦେଶାଳୟ, ଓଡ଼ିଶା; ଏବଂ ପ୍ରଭାକର ଦାସ, ଯୁଗ୍ମ ନିର୍ଦ୍ଦେଶକ ଦର ଚୁକ୍ତି (ରେଟ୍ କନ୍ଟ୍ରାକ୍ଟ), ରପ୍ତାନି ପ୍ରୋତ୍ସାହନ ଓ ବିପଣନ ନିର୍ଦ୍ଦେଶାଳୟ, ଓଡ଼ିଶା ଉପସ୍ଥିତ ଥିଲେ।ଏହି କାର୍ଯ୍ୟଶାଳାର ଉଦ୍ଦେଶ୍ୟ ଥିଲା ଜିଲ୍ଲା ସ୍ତରରେ ଓଡ଼ିଶା (ଏମ୍ଏସଏମଇ) ବିକାଶ ନୀତି ଓ ଓଡ଼ିଶା ଆମଦାନୀ ତଥା ସଂଗ୍ରହଣ ପ୍ରିଫେରେନ୍ସ ପଦ୍ଧତି ବିଷୟରେ ସରକାରୀ ଅଧିକାରୀ ଓ ହିତଧାରୀମାନଙ୍କ ମଧ୍ୟରେ ସଚେତନତା ବଢ଼ାଇବା ଓ କାର୍ଯ୍ୟକାରୀ ରୂପେ ପ୍ରୟୋଗ ସୁନିଶ୍ଚିତ କରିବା।ବିଭିନ୍ନ ବିଭାଗର ପ୍ରାୟ ୬୦ ଜଣ ଅଧିକାରୀ ଓ ଅଂଶଗ୍ରାହୀ ଏହି କାର୍ଯ୍ୟକ୍ରମରେ ଯୋଗଦେଇ ବୈଷୟିକ ଅଧିବେଶନ ଓ ଆନ୍ତର୍କ୍ରିୟାତ୍ମକ ଆଲୋଚନାରେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ।
---------------
ହିନ୍ଦୁସ୍ଥାନ ସମାଚାର / ରାକେଶ
