କେନ୍ଦୁଝର, 31 ଅକ୍ଟୋବର (ହି.ସ.) ଗ୍ରାମୀଣ ଯୁବକମାନଙ୍କୁ ଦକ୍ଷତାଭିତ୍ତିକ ନିଯୁକ୍ତି ମାଧ୍ୟମରେ ସଶକ୍ତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ସ୍ୱରୂପ, କେନ୍ଦୁଝରର ଘଟଗାଁ କେନ୍ଦ୍ରର ଆସିଷ୍ଟାଣ୍ଟ ଇଲେକ୍ଟ୍ରିସିଆନ୍ ଟ୍ରେଡର ୨୦ ଜଣ ପ୍ରାର୍ଥୀ ଭାରତ ସରକାରଙ୍କ ପ୍ଲେସମେଣ୍ଟ ଲିଙ୍କ୍ଡ୍ ଟ୍ରେନିଂ ପ୍ରୋଗ୍ରାମ ଅଧୀନରେ ଅହମ୍ମଦାବାଦ (ଗୁଜରାଟ)ର ପିଏମ୍ ଏଣ୍ଟରପ୍ରାଇଜ୍ରେ ଚାକିରି ସୁଯୋଗ ପାଇଛନ୍ତି। ଜିଲ୍ଲାପାଳ କାର୍ଯ୍ୟାଳୟର ସମ୍ମିଳନୀ କକ୍ଷରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଶ୍ରୀ ବିଶାଳ ସିଂହ ସଫଳ ପ୍ରଶିକ୍ଷାର୍ଥୀଙ୍କୁ ସଫଳତା ପାଇଁ ଅଭିନନ୍ଦନ ଜଣାଇବା ସହ ସମ୍ମାନିତ କରିଥିଲେ।
ଉତ୍ସବରେ ଶ୍ରୀ ବିଶାଳ ସିଂହ ସଫଳ ପ୍ରଶିକ୍ଷାର୍ଥୀଙ୍କୁ ସଫଳତା ପାଇଁ ଅଭିନନ୍ଦନ ଜଣାଇବା ସହ ସମ୍ମାନିତ କରିଥିଲେ। ସେ ଗ୍ରାମୀଣ ଯୁବକମାନଙ୍କ ପାଇଁ ଦକ୍ଷତା ବିକାଶ ଏବଂ ଜୀବିକା ନିର୍ବାହର ସୁଯୋଗ ସୃଷ୍ଟି କରିବା ପାଇଁ ଏହି ପ୍ରୟାସକୁ ପ୍ରଶଂସା କରିଥିଲେ। ସେ ଗୁରୁତ୍ୱାରୋପ କରିଥିଲେ ଯେ ପ୍ରୋଗ୍ରାମ ଅଧୀନରେ ଏପରି ପଦକ୍ଷେପଗୁଡ଼ିକ ଦେଶବ୍ୟାପୀ ପ୍ରତିଷ୍ଠିତ ଶିଳ୍ପ ସହିତ ପ୍ରଶିକ୍ଷିତ ଯୁବକଯୁବତୀଙ୍କୁ ଯୋଡ଼ି ଦକ୍ଷତା ବିକାଶ ଏବଂ ନିଯୁକ୍ତି ମଧ୍ୟରେ ଥିବା ବ୍ୟବଧାନକୁ ଦୂର କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ସେ କହିଥିଲେ। ପ୍ରଶିକ୍ଷାର୍ଥୀମାନଙ୍କୁ ନିଷ୍ଠାର ସହିତ କାମ କରିବାକୁ, ସୁଯୋଗର ସଦୁପଯୋଗ କରିବାକୁ ଏବଂ କେଉଁଝରର କୁଶଳୀ କର୍ମଶକ୍ତିର ଦୂତ ହେବାକୁ ସେ ପରାମର୍ଶ ଦେଇଥିଲେ।
ଏଠାରେ ସୂଚନାଯୋଗ୍ୟ ଯେ ପ୍ଲେସମେଣ୍ଟ ଲିଙ୍କ୍ଡ୍ ଟ୍ରେନିଂ ପ୍ରୋଗ୍ରାମର ଲକ୍ଷ୍ୟ ହେଉଛି ଚାହିଦା ଅନୁସାରେ ବୃତ୍ତିଗତ ତାଲିମ ଏବଂ ସଂଗଠିତ କ୍ଷେତ୍ରରେ ନିଶ୍ଚିତ ଚାକିରି ମାଧ୍ୟମରେ ନିଯୁକ୍ତି କ୍ଷମତା ବୃଦ୍ଧି କରିବା। ଘଟଗାଁର ଏହି ୨୦ ଜଣ ପ୍ରାର୍ଥୀଙ୍କ ସଫଳତା, ନିଜ ଜୀବନକୁ ପରିବର୍ତ୍ତନ କରିବା ସହ କେନ୍ଦୁଝର ଜିଲ୍ଲାରେ ସକାରାତ୍ମକ ପ୍ରଭାବ ପକାଇବାରେ ସଫଳ ହେବ। ଉତ୍ସବରେ ଜିଲ୍ଲା ଖଣିଜ ପ୍ରତିଷ୍ଠାନର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀମତୀ ରିନା ପ୍ରଧାନଙ୍କ ସମେତ ଜିଲ୍ଲା ଦକ୍ଷତା ବିକାଶ ଏବଂ ନିଯୋଜନ ଅଧିକାରୀ ଶ୍ରୀ ଗଣେଶ୍ୱର ନାୟକ ଓ କେନ୍ଦ୍ର ପରିଚାଳକ ଶ୍ରୀ ପ୍ରଶାନ୍ତ ଚମ୍ପତ୍ତି ପ୍ରମୁଖ ଉପସ୍ଥିତ ଥିଲେ।
ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA
