ସମ୍ବଲପୁର, ୩୧ ଅକ୍ଟୋବର (ହି.ସ.) - ଚଳିତ ସତର୍କତା ସଚେତନତା ସପ୍ତାହ ୨୦୨୫ ର ଅଂଶ ଭାବରେ, ସମ୍ବଲପୁର ଡାକ ବିଭାଗ ଗ୍ରାହକ ସଚେତନତା ଏବଂ ସାର୍ବଜନୀନ ସେବାରେ ସଚ୍ଚୋଟତାକୁ ପ୍ରୋତ୍ସାହିତ କରିବା ପାଇଁ ଏକ ପ୍ରେରଣାଦାୟକ ୱାକାଥନ୍ ଆୟୋଜନ କରାଯାଇଛି । ଏହି ପଦଯାତ୍ରା ପିଏମଜି ଅଫିସରୁ ଆରମ୍ଭ ହୋଇ ଜେଲ୍ ଛକ, ଗୋଲବଜାର, ମ୍ୟୁନିସିପାଲିଟି ଛକ ଏବଂ ନେଲସନ୍ ମାଣ୍ଡେଲା ଛକ ପର୍ଯ୍ୟନ୍ତ ଯାଇଥିଲା । ଯେଉଁଥିରେ ଡାକ କର୍ମଚାରୀ ଏବଂ ଜନସାଧାରଣଙ୍କ ଉତ୍ସାହର ସହ ଅଂଶଗ୍ରହଣ କରିଥିଲେ । ସମ୍ବଲପୁର ଡିଭିଜନର ଡାକଘର ଅଧୀକ୍ଷକ ବି.କେ. ସିଂହ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ, ସମ୍ବଲପୁର କ୍ଷେତ୍ରର ସହକାରୀ ନିର୍ଦ୍ଦେଶକ ବି.ଏମ୍‌. ରାଓ ଓ ସମରଜିତ ସିଂହଙ୍କ ସମ୍ମାନିତ ଅତିଥି ଭାବରେ ଏହି କାର୍ଯ୍ୟକ୍ରମ ଯୋଗ ଦେଇଥିଲେ । ପୋଲିସ ଅତୁରିକ୍ତ ଅଧୀକ୍ଷକ (ସଚେତନତା) ପ୍ରଦୁମ୍ନ ଦ୍ୱିବେଦୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି ୱାକାଥନରେ ସମ୍ବଲପୁରୀ ସଙ୍ଗୀତ ଏବଂ ନୃତ୍ୟ ପ୍ରଦର୍ଶନ ମାଧ୍ୟମରେ ଗ୍ରାହକ ସଚେତନତା କାର୍ଯ୍ୟକ୍ରମଗୁଡ଼ିକୁ ଏକ ସାଂସ୍କୃତିକ ସ୍ପର୍ଶ ସହିତ ସଂଯୋଜିତ କରାଯାଇଥିଲା । ବିଭିନ୍ନ ଡାକ ଉତ୍ପାଦ ଏବଂ ସେବାକୁ ଉଜ୍ଜ୍ୱଳ କରି ଗ୍ରାହକ ସଚେତନତା ଉପରେ ଏକ ସ୍ୱତନ୍ତ୍ର ସମ୍ବଲପୁରୀ ଗୀତ ପରିବେଷଣ କରାଯାଇଥିଲା, ଯାହାକୁ ଯୁବ କଣ୍ଠଶିଳ୍ପୀ ଆଶିଷ କୁମ୍ଭାର ଗାଇଥିଲେ ।

ହିନ୍ଦୁସ୍ଥାନ ସମାଚାର / ଶୈଳେଶ