କୋଲକାତା, ୭ ଅକ୍ଟୋବର (ହି.ସ.)- ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ସୋମବାର ରାତିରେ ପ୍ରଧାନମନ୍ତ୍ରୀ ମୋଦିଙ୍କ ବୟାନକୁ ତୀବ୍ର ସମାଲୋଚନା କରିଛନ୍ତି, ଯେଉଁଥିରେ ସେ ଜଲପାଇଗୁଡ଼ି ଜିଲ୍ଲାର ନାଗରାକାଟାରେ ବିଜେପି ସାଂସଦ ଖଗେନ ମୁର୍ମୁ ଏବଂ ବିଧାୟକ ଶଙ୍କର ଘୋଷଙ୍କ ଉପରେ ହୋଇଥିବା ଆକ୍ରମଣ ପାଇଁ ରାଜ୍ୟ ସରକାର ଏବଂ ତୃଣମୂଳ କଂଗ୍ରେସକୁ ଦାୟୀ କରିଛନ୍ତି ।
ସୋମବାର ମଧ୍ୟରାତ୍ରି ପରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ରେ ସେୟାର କରିଥିବା ନିଜ ବିବୃତିରେ ମମତା ବାନାର୍ଜୀ କହିଛନ୍ତି ଯେ, ପ୍ରଧାନମନ୍ତ୍ରୀ କୌଣସି ତଦନ୍ତ କିମ୍ବା ତଥ୍ୟକୁ ଅପେକ୍ଷା ନକରି ଉତର ବଙ୍ଗରେ ପ୍ରାକୃତିକ ବିପର୍ଯ୍ୟୟକୁ ରାଜନୀତିକରଣ କରିଛନ୍ତି । ସେ ଲେଖିଛନ୍ତି, ଏହା ଦୁର୍ଭାଗ୍ୟଜନକ ଏବଂ ଗଭୀର ଚିନ୍ତାଜନକ ବିଷୟ ଯେ, ଭାରତର ପ୍ରଧାନମନ୍ତ୍ରୀ ଉପଯୁକ୍ତ ତଦନ୍ତ ପୂର୍ବରୁ ଏକ ପ୍ରାକୃତିକ ବିପର୍ଯ୍ୟୟକୁ ରାଜନୀତିକରଣ କରିଛନ୍ତି । ଉତର ବଙ୍ଗର ଲୋକମାନେ ବନ୍ୟା ଏବଂ ଭୂସ୍ଖଳନର ଭୟାବହତା ସହିତ ସଂଘର୍ଷ କରୁଥିବା ବେଳେ ରାଜନୀତି କରିବା ଅତ୍ୟନ୍ତ ଅସମ୍ବେଦନଶୀଳ ଅଟେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ