ଭୁବନେଶ୍ୱର, ୦୮ ଅକ୍ଟୋବର (ହି.ସ.) - ପୂର୍ବତଟ ରେଳପଥ ଖୋର୍ଦ୍ଧା ରୋଡ୍ ରେଳମଣ୍ଡଳ ଚଳିତ ଆର୍ôଥକ ବର୍ଷର ପ୍ରଥମ ଛଅ ମାସରେ ଡିଜିଟାଲ ଟିକେଟିଂରେ ଅପୂର୍ବ ବୃଦ୍ଧି ଦେଖିଛି । ଇ-ଟିକେଟିଂ, ଅଟୋମାଟିକ ଟିକେଟ୍ ଭେଣ୍ଡିଂ ମେସିନ୍ (ଏଟିଭିଏମ) ଓ ମୋବାଇଲ୍ ଆଧାରିତ ୟୁଟିଏସ (ଅଣସଂରକ୍ଷିତ) ଟିକେଟିଂ ରେ ଯାତ୍ରୀ ମାନଙ୍କ ଆସ୍ଥା ଓ ସୁବିଧା ଅଦ୍ଭୁତ ଭାବରେ ବଢ଼ିଛି । ଏହା ରେଳମଣ୍ଡଳରେ ଯାତ୍ରୀ ସେବାକୁ ଶୀଘ୍ର, ଧାଡି-ମୁକ୍ତ ଓ ପ୍ରଯୁକ୍ତିମୁଖୀ କରିଛି ।

ଏହି ସଂଖ୍ୟାଗୁଡ଼ିକ ଯାତ୍ରୀମାନଙ୍କ ମଧ୍ୟରେ ଡିଜିଟାଲ୍ ଗ୍ରହଣରେ ଏକ ଦୃଢ଼ ଏବଂ ସ୍ଥିର ବୃଦ୍ଧିକୁ ପ୍ରତିଫଳିତ କରୁଛି, ଯାହା ବ୍ୟକ୍ତିଗତ ଭାବେ ବୁକିଂ କାଉଣ୍ଟର ଉପରେ ନିର୍ଭରଶୀଳତା ହ୍ରାସ କରୁଛି ଏବଂ ସୁବିଧା ବୃଦ୍ଧି କରୁଛି ।

ଯାତ୍ରୀ ଟିକେଟ୍ କ୍ରୟ କ୍ଷେତ୍ରରେ ଡିଜିଟାଲ୍ ଟିକେଟିଂ ପ୍ରତି ଯାତ୍ରୀମାନଙ୍କ ଆକର୍ଷଣ ଦିନକୁ ଦିନ ବଢ଼ୁଛି । ସମଗ୍ର ୟୁଟିଏସ୍ ଟିକେଟ୍ ରେ ୭.୮% ବୃଦ୍ଧି ହୋଇଛି, ଯାହା ଡିଜିଟାଲ୍ ପଦ୍ଧତି ମାଧ୍ୟମରେ ଟିକେଟ୍ କ୍ରୟ ପ୍ରତି ଯାତ୍ରୀମାନଙ୍କ ସଚେତନତା ଓ ଆସ୍ଥାର ସ୍ପଷ୍ଟ ପରିଚୟ । ଏହି ବୃଦ୍ଧି ମଧ୍ୟରୁ ଏଟିଭିଏମ୍ ଦ୍ୱାରା ଟିକେଟ୍ ବିକ୍ରୟ ପୂର୍ବବର୍ଷ ତୁଳନାରେ ୩୪.୮% ବଢ଼ିଛି ଏବଂ ମୋବାଇଲ୍ ଟିକେଟିଂ ମାଧ୍ୟମରେ ୮୫% ବୃଦ୍ଧି ହୋଇଛି । ଏହା ଦର୍ଶାଉଛି ଯେ ଯାତ୍ରୀମାନେ ଆସ୍ତେ ଆସ୍ତେ ଡିଜିଟାଲ୍ ମାଧ୍ୟମରେ ଟିକେଟ୍ କ୍ରୟ କରିବାକୁ ଅଧିକ ପସନ୍ଦ କରୁଛନ୍ତି, ଯାହା ରେଳ ଯାତ୍ରାକୁ ଅଧିକ ସହଜ ଓ ସୁବିଧାଜନକ କରୁଛି ।

ଯେକୌଣସି ସ୍ଥାନରୁ ମୋବାଇଲ ଟିକେଟ୍ ବୁକିଂ କରିବାର ସୁବିଧା, ଡିଜିଟାଲ୍ ପେମେଂଟ ମୋଡ୍ ଗୁଡିକ (ଯେପରି ଟଚଓ, କାର୍ଡ, ନେଟ୍ ବ୍ୟାଙ୍କିଂ) ସହ ଏକୀକୃତ ପ୍ରଣାଳୀ ଏବଂ ସଠିକ ସମୟ ଟିକେଟ୍ ଉପଲବ୍ଧତା ଏହାର ବ୍ୟବହାରକୁ ଦ୍ରୁତ ଭାବେ ବୃଦ୍ଧି କରିଛି ।

ଇ-ଟିକେଟିଂ, ଏଟିଭିଏମ୍ ଏବଂ ୟୁଟିଏସ୍ ମୋବାଇଲ୍ ଟିକେଟିଂ ପ୍ରଣାଳୀ ଯୋଗୁଁ ବୁକିଂ କାଉଂଟରଗୁଡିକରେ ଲମ୍ବା ଧାଡିକୁ ଦୂର କରିବାରେ ସଫଳତା ମିଳିଛି, ବିଶେଷକରି ଯାତ୍ରା ଭିଡ଼ ସମୟରେ। ସୁବିଧା ଓ ପହଞ୍ଚ: ଯାତ୍ରୀମାନେ ବିଭିନ୍ନ ଡିଜିଟାଲ୍ ପେମେଂଟ ବିକଳ୍ପ ବ୍ୟବହାର କରି ଯେକୌଣସି ସମୟରେ ଏବଂ ଯେକେଉଁସି ସ୍ଥାନରୁ ଟିକେଟ୍ ବୁକିଂ କରିପାରୁଛନ୍ତି । ଡିଜିଟାଲ୍ ପ୍ଲାଟଫର୍ମଗୁଡିକ ମାଧ୍ୟମରେ କେବଳ କିଛି ମିନିଟ୍ ରେ ଟିକେଟିଂ ସମ୍ପନ୍ନ ହୋଇଯାଏ, ଯାହା ଯାତ୍ରୀମାନଙ୍କ ମୂଲ୍ୟବାନ ସମୟ ସଞ୍ଚୟ କରୁଛି ।

ଏହି ଅର୍ଧବାର୍ଷିକ ଆକାଂକ୍ଷାଜନକ ତଥ୍ୟ ଯାତ୍ରୀମାନଙ୍କ ଡିଜିଟାଲ ଟିକେଟିଂ ପ୍ରତି ବିଶ୍ୱାସ ଓ ଆସ୍ଥାକୁ ପ୍ରକାଶ କରୁଛି। ରେଳମଣ୍ଡଳର ପ୍ରାଥମିକତା ହେଉଛି ସୁନିଶ୍ଚିତ ସେବା ଉପଲବ୍ଧତା ଦେବା, ଅଫଲାଇନ୍ ଲାଇନ୍ ଗୁଡିକୁ ସର୍ବାଧିକ କମେଇବା ଏବଂ ଯାତ୍ରୀ ସୁବିଧା ପାଇଁ ଟିକେଟିଂ ପ୍ରଣାଳୀରେ ନବୀନତାକୁ ଉତ୍ସାହିତ କରିବା ।

---------------

ହିନ୍ଦୁସ୍ଥାନ ସମାଚାର / ବନ୍ଦନା