
ଭୁବନେଶ୍ୱର, 1 ନଭେମ୍ବର (ହି.ସ.)- ନୂତନ ପଞ୍ଜିକରଣ ପାଇଁ ଆଜିଠୁ ଖୋଲିଲା
ସୁଭଦ୍ରା ପୋର୍ଟାଲ । ଏନେଇ ପ୍ରଭାତି ପରିଡା ଏକ୍ସ ହ୍ୟାଣ୍ଡେଲରେ ସୂଚନା ଦେଇଛନ୍ତି । ସେ
କହିଛନ୍ତି ଯେ, ଆର୍ଥିକ ବର୍ଷ ୨୦୨୫-୨୬ ପାଇଁ ନୂତନ ପଞ୍ଜିକରଣ ପାଇଁ ସୁଭଦ୍ରା ପୋର୍ଟାଲ ୧
ନଭେମ୍ବର ୨୦୨୫ ରୁ ୩୦ ନଭେମ୍ବର ୨୦୨୫ ପର୍ଯ୍ୟନ୍ତ ନୂଆପଡ଼ା ଜିଲ୍ଲା ବ୍ୟତୀତ ଅନ୍ୟ ସମସ୍ତ
ଜିଲ୍ଲାରେ ଖୋଲାଯାଇଛି।
ନୂତନ ଯୋଗ୍ୟ ମହିଳାମାନେ,
ଯେଉଁମାନଙ୍କୁ ୧ ଏପ୍ରିଲ, ୨୦୨୫ ସୁଦ୍ଧା ୨୧
ବର୍ଷ କିମ୍ବା ତଦୁର୍ଦ୍ଧ୍ୱ ହୋଇଥିବ ଏବଂ ସୁଭଦ୍ରା ଯୋଜନାର ଅନ୍ୟାନ୍ୟ ସମସ୍ତ ଯୋଗ୍ୟତା ମାନଦଣ୍ଡ
ପୂରଣ କରୁଥିବେ, ସେମାନେ ଆର୍ଥିକ ବର୍ଷ
୨୦୨୫-୨୬ ପାଇଁ ଆବେଦନ କରିପାରିବେ ।
ଏଥି ସହିତ ସମ୍ବନ୍ଧିତ ସମସ୍ତ ତଥ୍ୟ ଆପଣମାନେ ସୁଭଦ୍ରା
ପୋର୍ଟାଲରେ ପାଇପାରିବେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା