ସମ୍ବଲପୁର, ୧୪ ନଭେମ୍ବର (ହି.ସ.) ଆଜି ଉତ୍କଳ ବାଳଶ୍ରମ, ଧନକଉଡ଼ା ସ୍ୱାସ୍ଥ୍ୟ ପରୀକ୍ଷା ଶିବିର ଆୟୋଜନ କରାଯାଇଥିଲା, ଯାହା କୃଷ୍ଣ ବିକାଶ ହସ୍ପିଟାଲ୍, ସମ୍ବଲପୁର ଦ୍ୱାରା ଜିଲ୍ଲା ପ୍ରଶାସନଙ୍କ ସହଯୋଗରେ ପରିଚାଳିତ ହୋଇଥିଲା। ଏହି ଶିବିରର ଉଦ୍ଦେଶ୍ୟ ଥିଲା ବାଳଶ୍ରମରେ ରହୁଥିବା ଶିଶୁମାନଙ୍କ ସ୍ୱାସ୍ଥ୍ୟର ନିୟମିତ ପରୀକ୍ଷା ସହିତ ରୋଗର ପ୍ରାରମ୍ଭିକ ଚିହ୍ନଟ କରିବା।

ଏହି ଅବସରରେ ଉପସ୍ଥିତ ବିଶେଷଜ୍ଞ ଡାକ୍ତରମାନେ—ଡ଼ା. ଦେବାନ୍ଶୀ ସରାୱଗୀ (ଡର୍ମାଟୋଲୋଜି), ଡ଼ା. ପ୍ରଣୟ କୁ. ପାଣିଗ୍ରାହୀ (କନସଲ୍ଟାଣ୍ଟ, ପିଡିଆଟ୍ରିକ ସର୍ଜରୀ) ଏବଂ ଡ଼ା. ନିଳମଣି ପାତ୍ର (କନସଲ୍ଟାଣ୍ଟ, ପିଡିଆଟ୍ରିକସ)—ଶିଶୁମାନଙ୍କୁ ପରୀକ୍ଷା କରି ଚିକିତ୍ସାପରାମର୍ଶ ଯୋଗାଇଥିଲେ। ଜିଲ୍ଲା ପ୍ରଶାସନଙ୍କ ଏହି ପ୍ରୟାସ ଶିଶୁମାନଙ୍କ ସ୍ୱାସ୍ଥ୍ୟ ସୁରକ୍ଷା ଏବଂ ଗୁଣାତ୍ମକ ସ୍ୱାସ୍ଥ୍ୟ ସେବା ପ୍ରଦାନ ପ୍ରତି ସଙ୍କଳ୍ପକୁ ଆଉ ଏକଥର ସୁଦୃଢ଼ କରିଛି।

---------------

ହିନ୍ଦୁସ୍ଥାନ ସମାଚାର / ଶୈଳେଶ