ବଲାଙ୍ଗିର, ୧୧ ଡିସେମ୍ବର (ହି.ସ.)- ଆଜି ଵଲାଙ୍ଗୀରସ୍ଥ କଦମପଡାର ସରସ୍ବତୀ ଶିଶୁ ବିଦ୍ୟା ଜ୍ଞାନ ମନ୍ଦିରରେ ‘ଭାରତୀୟ ଭାଷା ଦିବସ’ ବିଦ୍ୟାଳୟର ସଭାପତି ଡ.ଭବାନୀ ଶଙ୍କର ପଟେଲଙ୍କ ସଭାପତିତ୍ବରେ ପାଳନ କରାଯାଇଛି । ଏଥିରେ ମୁଖ୍ୟ ଅତିଥି ରୂପେ ସହକାରୀ ପ୍ରଧ୍ୟାପକ, ଶିକ୍ଷକ ଶିକ୍ଷା ବିଦ୍ୟାଳୟ,ବଲାଙ୍ଗୀର ଜିତେନ୍ଦ୍ରୀୟ ତ୍ରିପାଠୀ ଯୋଗ ଦେଇଥିଲେ । ବିଦ୍ୟାଳୟର ଛାତ୍ରୀ ଆଦ୍ୟାଶା ପଟ୍ଟନାୟକ, ଅଙ୍କିତା ସେଠ, ତୃପ୍ତିମୟୀ ପାଢୀ, ସ୍ମୃତିଶିଖା ପାଢୀ, ଶ୍ରୀମୟୀ ପଣ୍ଡା ଓ ଅରୁଣିମା ଗୁରୁ ସମବେତ ସଙ୍ଗୀତ ଗାନ କରିଥିଲେ । ବିଦ୍ୟାଳୟର ପ୍ରଧାନାଚାର୍ଯ୍ୟ ସନାତନ ମିଶ୍ର ଅତିଥି ପରିଚୟ ଓ ଉଦ୍ଦେଶ୍ୟ ଜ୍ଞାପନ କରିଥିଲେ । ସଂଯୋଜନା ଛାତ୍ରୀ ପ୍ରଗତି ଦାଶ୍, ବିଶାଖା ମେହେର ଓ ଈପସିତା ଅପରାଜିତା ସାହୁ କରିଥିଲେ ।
ମୁଖ୍ୟ ଅତିଥି ନିଜ ବକ୍ତବ୍ୟରେ କହିଥିଲେ ଯେ, ଭାରତର ଭାଷା ଭିନ୍ନ ଭିନ୍ନ ମାତ୍ର ଆମ ସଂସ୍କୃତି ଏକ । ପରେ ସଭାପତି ନିଜର ଅଭିଭାଷଣ ପ୍ରଦାନ କରିଥିଲେ । ଶେଷରେ ଧନ୍ୟବାଦ ଅର୍ପଣ ଆଚାର୍ଯ୍ୟ ପ୍ରତିନିଧି ଗୁରୁଜୀ ଶିବପ୍ରସାଦ ଶତପଥି କରିଥିଲେ । ଏହିପରି ଗୁରୁମା ଭାରତୀ ସାହୁଙ୍କ ସଞ୍ଚାଳନରେ କାର୍ଯ୍ୟକ୍ରମଟି ସଫଳତାର ସହ ସଂପୂର୍ଣ୍ଣ ହୋଇଥିଲା।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
